လိမ်တယ်ညာတယ် လူညာကြီးရယ်
ယခုတလောမှာ မေလသံစဉ်က ဆိုအပြီးမှာ ရှေးဟောင်းသီချင်းလေးဖြစ်တဲ့ လိမ်တယ်ညာတယ်လူညာကြီးရယ် ယုံအောင်ဖြီးတတ်တယ်ဆိုတဲ့သီချင်းက ခေတ်စားလာပါတယ်။ ဒီသီချင်းလေးကို ကားမောင်းတဲ့ ကောင်လေးက စာရေးသူ အဘမိန့်ခွန်း နားထောင်ချိန်မှာ ဖွင့်လိုက်တာက ပထမဆုံးတိုက်ဆိုင်မှုပါ။ ဒါပေမယ့်ဒါဟာ တိုက်ဆိုင်မှုအနေနဲ့ အဘမိန့်ခွန်းကို ဆက်နားထောင်ခဲ့ပါတယ်။
ပထမဆုံး အဘမှားနေတာက နေရာပါ။ မိမိအလုပ်မဟုတ်ဘဲ ငြိမ်းချမ်းရေးဆွေးနွေးပွဲမှာ ရန်စကားလာပြောနေတာက စလွဲနေပါတယ်။
ဒုတိယက သမိုင်းကြောင်းတွေ လွဲနေတာပါ။ အင်းဝမှာ ဒုတိယမြန်မာနိုင်ငံတော်စတာက အဘပြောမှသိလိုက်ရပါတယ်။ လူအများကြီးရှေ့မှာ မိန့်ခွန်းပြောရင် အချက်အလက်မှန်ဖို့ လိုပါတယ်။
တတိယက အဘမိန့်ခွန်းကနေ မြန်မာပြည်မှာ ငြိမ်းချမ်းရေး ဘာကြောင့်မရနိုင်လဲဆိုတာကို ပြသွားတာပါ။ အဘပြောပုံက လက်နက်ရှိသူမပြောနဲ့ သာမန်ပြည်သူတောင် ယခုချက်ခြင်း NLD ကို မဲပေးချင်စိတ် ပေါက်သွားစေခဲ့ပါတယ်။ တိုင်းရင်းသားတွေကလဲ အဘမိန့်ခွန်းက နေရာမှားနေတာကို ထောက်ပြခဲ့ပါတယ်။
ဒီနေရာမှာ ပညာရှင်ဆိုသူများက ငြိမ်းချမ်းရေးမရတာကို ဝေ့လည်ကြောင်ပတ်နဲ့ DASSK အစိုးရကိုအပြစ်တင်ဖို့ကြိုးစားတာ တွေ့ရပါတယ်။ အဘရဲ့ ဒီလိုပြောပေါက်မျိုးနဲ့ ငြိမ်းချမ်းရေးရဖို့ဘယ်လောက်ခက်လဲဆိုတာ မနေ့က ပြည်သူအားလုံး သဘောပေါက်မယ်လို့ ထင်ပါတယ်။
အဘမနေ့က ညီလာခံမှာ လုပ်သွားတာကမှ ဆိတ်ခေါင်းနဲ့ ခွေးသားရောင်းသွားတာပါ။ အဘနောက်လိုက်တွေက ခွေးသားကြိုက်ပုံရပါတယ်။ ခွေးသားကို ဂျင်းနဲ့ ရောရောင်းသွားတာပါ။
အဘအနေနဲ့ မနေ့က စင်ပေါ်တက်ပြီး NLD ကို မဲဆွယ်ပေးသွားတာအတွက်တော့ ကျေးဇူးတင်ပါတယ်။ ယခုခေတ်မှာက လိမ်တယ်ညာတယ် လူညာကြီးရယ် သီချင်းကတော့ ခေတ်စားနေပါတယ်လို့အဘကိုပြောပါရစေ။
NLD ပါတီက အခြားပါတီတွေလို ဒေါ်လာထောင်ချီသုံးစရာမလိုဘဲ အဘမိန့်ခွန်းလေးတွေကို Live လွှင့်ပေးပြီး တောင်ပြိုကမ်းပြို နိုင်အုံးမှာပါလို့ ပြောပါရစေ။