top of page
Search
  • Writer's pictureMyat Tun Oo

စောင့်ကြည့်နေရင် ဆောင့်ကန်ခံရမယ်


၁၉၈၈ အပြီးမှာ နဝတက ၁၉၉၀ ရွေးကောက်ပွဲလုပ်မယ်လို့ ကြေညာတယ်။ ဒါနဲ့ စောင့်လိုက်ကြတယ်။ကျောင်းသားတွေက တောခိုတယ် ပါတီတွေက ရွေးကောက်ပွဲဝင်တယ်။ ၉၀ ပြီးတော့ ခြေဥဆွဲမယ်ပြောတယ်။ ထပ်စောင့်တယ်။ NLD ကအမာတွေကိုဖမ်းထားလိုက်တယ်။ ကျန်သူက တပ်ထွက်အများစု။ စာရေးသူတို့ကလဲ နောက်ပိုင်းကုလကိုစောင့်တယ်။ စင်ပြိုင်အစိုးရဖွဲ့တာက နောက်ကျခဲ့တယ်။

၂၀၂၁ မှာ ကောင်းတာက မအလက NLD ရဲ့ ထိပ်ပိုင်းခေါင်းဆောင်အားလုံးကို ဖမ်းလိုက်တာ။ သူကDASSK ကို အမှုတွေအများကြီးစွဲတယ်။ ဒါကဘာပြသလဲဆိုတော့ အချိန်မစွဲဘဲ ပြည်သူတွေကို သူဘာလုပ်ချင်လဲ ပြလိုက်တာ။ နောက်လူတွေကို အစုလိုက်အပြုံလိုက် ရက်ရက်စက်စက် သတ်ပြလိုက်လို့ပြည်သူလူထုက သူ့ကိုအယုတ်တမာမှန်းသိသွားတယ်။ တွေဝေနေစရာ နောက်ဆန်တင်းစရာ မလိုတော့ဘူး။

ယခုအာဆီယံအပြီးမှာ နိုင်ငံတစ်ခုချင်းက ဘာညာလျှောက်ပြောနေပေမယ့် ကြေညာချက်မှာ DASSK နဲ့ သမ္မတဦးဝင်းမြင့်လွှတ်ပေးဖို့တောင် မပါလာပါဘူး။ သူက ဆန္ဒပြသူတွေကို အရှိန်လျှော့ခိုင်းဖို့အဓိကလိုဖြစ်နေတယ်။

ဒါဆိုရင် ဘာဆက်လုပ်မလဲ? အာဆီယံကိုပေးခဲ့တဲ့ကတိကို စမ်းသပ်လိုရင် ဆန္ဒထွက်ပြရပါမယ်။ ဒါကိုဘယ်လိုတုန့်ပြန်မလဲ တွေ့ရပါမယ်။ ထို့အတူ CDM သမားတွေကလဲ အရှိန်အဟုန်နဲ့ ဆက်လုပ်ရပါမယ်။ ငါတို့ကိုပစ်နေတာ ဆန္ဒထွက်ပြရမလားဆိုရင်တော့ အာဆီယံကိုပေးခဲ့တဲ့ ကတိတည်မတည် စမ်းတဲ့နည်းက ဒီတနည်းသာရှိပါတယ်။ မဟုတ်ရင် ဇတ်မျောဖြစ်သွားပြီး မအလက အချိန်ဆွဲသွားမှာပါ။

ဒီနေရာမှာ အရေးကြီးဆုံးအချက်က မအလကို ခုခံတိုက်ခိုက်နေတာတွေ ခုခံဖို့ စစ်သင်တန်းတက်နေတာတွေ တပ်ထဲက CDM လုပ်ဖို့ ကြိုးစားနေတာတွေကို အရှိန်အဟုန်နဲ့ ဆက်လုပ်နေဖို့ပါ။

စာရေးသူတို့အားလုံးဟာ မအလရဲ့ လှည့်ကွက်ထဲ ဝင်မသွားဘဲ မိမိတို့ လုပ်စရာရှိတာကို ဆက်လုပ်ဖို့ပါ။ တွေဝေနေရင် ကြာတတ်ပါတယ်။ ရဲမှ မင်းဖြစ်တာပါ။ စောင့်ကြည့်နေရင် ဆောင့်ကန်တာခံရပြီးဘဝပျက်မှာပါ။ ဒါ့ကြောင့်ရဲရဲဝံ့ဝံ့ တိုက်စရာရှိတာကိုသာ ဆက်တိုက်ကြပါလို့ ပြောပါရစေ။ နောက်ဆုံးက ပြည်သူသာအဓိကပါ။ ကိုယ်ထူကိုယ်ထ ကိုယ့်အားကိုယ်ကိုးရမှာပါ။ ပြည်သူကဆန္ဒပြမှ အာဆီယံကကူ ကုလက ကူလို့ရတာပါ။ ကြောက်ရင် တစ်သက်လုံး ဆက်ကြောက်သွားရပါလိမ့်မယ်။အရေးတော်ပုံ အောင်ရမည်။

58 views1 comment
bottom of page