အချုပ်အခြာအာဏာပိုင်ဆိုတာ

ဒီမိုကရေစီစနစ်မှာ ရွေးကောက်ပွဲရှိပါတယ်။ နိုင်သူ ရှုံးသူရှိပါတယ်။ ယခု သန်းဌေးနဲ့ အဘတ မီဒီယာတွေ၊ အနောက်တမီဒီယာတွေ၊ ဘာလာလာ anti NLD မီဒီယာတွေဖြစ်နေတာက သူတို့ကြားချင်တာကိုသာ မေးခဲ့ပြီး သူတို့ထင်တာနဲ့ တကယ့်လက်တွေ့ကွာနေချိန်မှာ မယုံနိုင်အောင် အရူးချီးပန်း ဖြစ်နေတာပါ။ ဥပမာ ရွေးကောက်ပွဲမှာ ကိုဗစ်အရ လူတွေကို ၆ ပေကွာရပေမယ့် တကယ်မဲလာပေးသူများချိန်မှာလူတွေ ပူးကပ်သွားနိုင်ပါတယ်။ ဒါကမဲလာပေးသူများလို့ဖြစ်တာပါ။ ဒါ့ကြောင့် ရွေးကောက်ပွဲဟာတရားမမျှတဘူးလို့ရေးရင် မီဒီယာတွေက အမေရိကန်ရွေးကောက်ပွဲလူတိုးတာကို တရားမမျှတဘူးလို့ပြောရမှာပါ။ စဉ်းစားဉာဏ်လေးတော့ရှိကြပါ။ သိပ်မတုံးပါနဲ့လို့ ပြောပါရစေ။

ဥပမာ လူတွေက ရုပ်ရှင်လက်မှတ်ကို တန်းစီးတိုးဝှေ့နေလို့ အဲ့ဒီရုပ်ရှင်က မကောင်းဘူးပြောလို့မရပါ။အဓိကက NLD က သူ့အတွက် တပ်ပြောင်းတပ်ရွှေ့မလုပ်ခဲ့ဘဲ တပ်တွေက NLD ကို မဲပေးလို့ ဇေယျာသီရိနဲ့ ဘောလခဲမှာ NLD နိုင်သွားတာမဟုတ်ပါ။

ဘက်လိုက်ခဲ့ရင်လဲ ပြည်သူတွေက ဘက်လိုက်ခဲ့တာပါ။ ဘာလို့လဲဆိုတော့ အများစုက DASSK နဲ့ သူ့ဝကခတွေကို ချစ်လို့ပါ။ ယခင်မကောင်းပြောတာ အနည်းငယ်ကို မီဒီယာကချဲ့ပေမယ့် ပြည်သူတွေကအကောင်းထင်ခဲ့ပါတယ်။

ဒီနေ့ အာဆီယံမှာ သောင်ပြိုကမ်းပြိုနိုင်လို့ တရားဝင်မှုဟာ DASSK ရဲ့ မျက်နှာကို လမင်းကြီးလိုတောက်ပစေပါတယ်။ အားလုံးက သူမကို Congratulations ဝိုင်းလုပ်ကြပါတယ်။ သူမလို တရားမျှတတဲ့ ရွေးကောက်ပွဲကနိုင်ခဲ့သူ အာဆီယံထဲမှာ ရှာရခက်ပါတယ်။ နောက်ပြီး ပြည်ပက အပြတ်နိုင်သူကိုဆရာလုပ်ရခက်ပါတယ်။ ယခုဆို President Elect Joe Biden ဘိုင်ဒင်နိုင်တာတောင် DASSK နိုင်တာလောက် တရားဝင်မှုက မခိုင်သေးပါ။

ယခုနောက်ပိုင်း မီဒီယာတွေက ကိုမျိုးရန်နောင်သိန်းကိုခေါ်ပြီး ယခင်က အကြိတ်အနယ်ပြိုင်ရမယ်လို့ခင်ဗျားကမှန်းပြီး ယခုဘာလို့နိုင်သွားလဲဆိုတာမျိုး စိတ်ဓာတ်စစ်ဆင်ရေးနဲ့ မေးတာပါ။ မီဒီယာတွေသိသင့်တာက ပြည်သူ့အသံကို တကယ်နားထောင်တဲ့ မီဒီယာဆိုရင် NLD နိုင်မယ်တိုတာကို ကြိုသိနိုင်ပါတယ်။ စာရေးသူတို့တောင် တစ်နှစ်လောက်ထဲက ကြိုသိနေတာပါ။ ဘာကြောင့်လဲ? မီတာခဒီလောက်တက်တာ ဘယ်ပြည်သူမှ လမ်းပေါ်ထွက်မအော်ခဲ့တာက သက်သေပါ။ ဒါမျိုးကို အမေရိကန်၊ဥရောပနဲ့ အခြား DASSK လို ခေါင်းဆောင်မရှိတဲ့တိုင်းပြည်မှာ လုပ်လိုက်ရင် ဆန္ဒပြပွဲတွေနဲ့ ပြည့်သွားမှာပါ။ ဒါကအများကြီးထဲက တစ်ခုပါ။

အချို့ကိစ္စတွေက မီဒီယာနဲ့ ဖွတ်ပါတီဟာ မိမိကြားလိုတာ အင်တာဗျူးပြီး အိပ်မက်မက်နေခဲ့တာပါ။ယခုအိပ်မက်ကနိုးထချိန်မှာ မိမိအမှားမိမိသိပြီး ပြည်သူကိုတောင်းပန်ပါ။ မဟုတ်ဘဲ ရွေးကောက်ပွဲကိုထင်ရောင်ထင်မှားပြောနေတာက ပြည်သူကို စော်ကားနေတာပါလို့ ပြောပါရစေ။

ဒီနေ့မှာတော့ ပြည်သူက အာဏာအပ်နှင်းခံရတဲ့ ခေါင်းဆောင်က အားလုံးရဲ့ ဂုဏ်ပြုအားကျခြင်းကိုခံလိုက်ရပါပြီ။ မီဒီယာနှင့် အဘတဖွတ်များ ပြည်သူ့အသံ နားထောင်ပါ။ သူမကို ဂျပန်ကအစ အာဆီယံခေါင်းဆောင်တွေက ဝိုင်းအားကျပြီး ဂုဏ်ပြုနေကြပါပြီ။ အချုပ်အခြာအာဏာဆိုတာ ပြည်သူ့ထံကဆင်းသက်လာတာပါ။

Photo Credit: Myanmar State Counsellor Office