အောက်ဆီဂျင်မှပြောသော အဘ၏ စေတနာ

အဘတို့ကို အဘထောက်ခံသူများက စီမံခန့်ခွဲမှုကောင်းသူဘာညာဆိုပြီး အမွှန်းတင်လေ့ရှိပါတယ်။အဘက သူတို့တာဝန်ယူခဲ့ချိန်မှာ ဆေးရုံတွေဆောက်ခဲ့တယ်ပေါ့။ ပြဿနာက အဲ့ဒီမှာ စတာပါ။အဘက နယ်မှာဆောက်ခဲ့တဲ့ဆေးရုံတွေဟာ ဘယ်အချိန်ပြိုမလဲ ကြောက်နေရတာပါ။ ဖောင်ဒေးရှင်းက မကောင်းလို့ပါ။ ခွဲစိတ်ခန်းတွေ ခွဲစိတ်ပြီးအထူးကြပ်မတ်ခန်းတွေမှာ လေဆုတ်ထုတ်တဲ့အခန်းNegative pressure room ဆိုတာ ထည့်မဆောက်ခဲ့ပါ။ ဒါတွေက မြင့်ပါတယ်။ မြန်မာပြည်က နည်းပညာမရှိဘူး။ ပိုက်ဆံကုန်မယ်။ အားလုံးနည်းလည်ပေးလိုက်ပါတယ်။

ဒါပေမယ့် ဆေးရုံတွေမှာ အောက်ဆီဂျင်ပိုက်ကို နေရာတိုင်း ကုတင်တိုင်းကို ထည့်မဆောက်သွားတာကအမြော်အမြင်မရှိတာကို ပြသွားတာပါ။ ဒါကြောင့် စာဖတ်သူများရဲ့ အသိတွေယခင်က မြန်မာပြည်မှာဆေးရုံတက်လို့ အောက်ဆီဂျင်လိုရင် ဘေးမှာ အောက်ဆီဂျင်ဘူးလေး ချထားရတာ သတိထားမိမှာပါ။အဘတို့ဟာ ပညာရှင်စကားလဲ မနားထောင်ခဲ့လို့ ထင်တာကို လုပ်သွားခဲ့ကြတာပါ။ ဒါက အဘသားများက တော်တယ်ဆိုပြီးပြောလေ့ရှိတဲ့အဘတို့ရဲ့ အောက်ဆီဂျင်တောင် ပြည်သူအတွက် မစဉ်းစားခဲ့တာကို ပြည်သူတွေမြင်အောင် ရေးပြတာပါ။

ယခုကိုဗစ်ဖြစ်ချိန်မှာ ရောဂါဖြစ်သူရဲ့ ၁၉% လောက်က ရောဂါဆိုးနိုင်ပြီး အောက်ဆီဂျင်လိုနိုင်ပါတယ်။ အဲ့ဒီမှာ နယ်ကဆေးရုံမပြောနဲ့ ရန်ကုန်ကဆေးရုံတောင် အောက်ဆီဂျင်ပိုက် ထည့်မဆောက်သွားလို့ ပြဿနာတက်ပါတယ်။

အဘနဲ့ NLD အစိုးရ ဘာကွာလဲဆိုတော့ ဖောင်ကြီးဆေးရုံဆောက်ရာမှာပါ။ ပထမဦးဆုံးက ရှေ့ရေးကိုမျှော်တွေးတဲ့ vision ရှိတာပါ။ ကွီးဖြိုးနဲ့ ကွီးစိုးဟာ ဒီလိုဖြစ်နိုင်တယ်ဆိုတာကို ကြိုတွေးပြီး ဖောင်ကြီးကို ဆေးရုံအဖြစ်ပြောင်းပါတယ်။ ဒါက နိုင်ငံရေးဆုံးဖြတ်ချက် political decision ပါ။ ငွေကြေးလိုတာက ပြည်သူလှူတာပေါ့။ လွှတ်တော်ဖြတ်ဖို့ အချိန်မရှိပါ။ ထူးခြားတာက အောက်ဆီဂျင်ပိုက်လိုင်းတွေကို ကွီးစိုးတို့ရဲ့ ဆေးပညာရှင်တွေကိုမေးပြီး အင်ဂျင်နီယာက ပုံစံဆွဲပြင်တာပါ။

ပြောပြချင်တာက ဆေးရုံမှာ အောက်ဆီဂျင်ပိုက်ကို ကုတင်ကိုရောက်အောင် ထည့်ဆောက်ရတယ်ဆိုတာက အခြေခံလိုအပ်ချက်ပါ။ ဒါကို အဘတို့က မထည့်ခဲ့ပါ။ အဘသားများနဲ့ NLD အချို့ရဲ့ အဝေဖန်ခံရလေ့ရှိတဲ့ ကွီးဖြိုးတို့ကတော့ အရေးပေါ်အခြေအနေမှာ ဆေးရုံအဖြစ်ပြောင်းရတာတောင် ပြည်သူအတွက်အောက်ဆီဂျင်ပိုက်ကို ပါအောင်ထည့်ဆောက်တာပါ။

အဘနဲ့ ဒီမိုအစိုးရကွာတာက စေတနာ၊ ခေါင်းဆောင်မှု၊ စီမံခန့်ခွဲမှုနဲ့ ပညာရှင်စကားနားထောင်တာပါ။

စာဖတ်သူများအနေနဲ့က အောက်ဆီဂျင်မလိုအောင် ကိုဗစ်မဖြစ်ရင် အကောင်းဆုံးပါ။

ပြည်သူများ ကိုဗစ်ကိုနိုင်ဖို့ လိုက်နာရမှာက

✅ အိမ်ထဲမှာနေပါ

✅ လက်ဆေးပါ

✅ နှာခေါင်းစည်းတပ်ပါ

✅ ဖြစ်နိုင်ရင် ၆ ပေလောက် ခပ်ခွါခွါနေပါလို့သာ ထပ်ခါထပ်ခါ ပြောပါရစေ။

✅ သင့်ကြောင့် ကိုဗစ် မကူးပါစေနဲ့

အောက်ဆီဂျင်မလိုရင် အကောင်းဆုံးပါ။