လွှတ်တော်ကိုယ်စားလှယ်များကို နှိုင်းယှဉ်ခြင်း

လွှတ်တော်ကိုယ်စားလှယ်ဆိုတာ အစိုးရကိုထောက်ပြဝေဖန်ရမယ် check and balance ဆိုပြီး ပြောကြပါတယ်။ ပြည်သူ့အသံ လွှတ်တော်အသံဘာညာပေါ့။ ဒီနေရာမှာ မိမိပါတီက အစိုးရဖြစ်နေရင် ဘာလုပ်မလဲဆိုတာကလဲ ပြဿနာရှိပါတယ်။ ပါတီအတိုင်းမဲပေးမလား မိမိဖာသာ ဆုံးဖြတ်မလားပေါ့။ စာရေးသူအနေနဲ့ ကမ္ဘာပေါ်က လွှတ်တော်ကိုယ်စားလှယ်တွေအနေနဲ့ အတိုက်အခံက သူတို့ပါတီရဲ့အစိုးရကိုတိုက်ခိုက်ရင် ရပ်တည်ပုံကို လေ့လာခဲ့ပါတယ်။

ပထမဆုံး အမေရိကန်မှာ ထရမ့်ကို ပြစ်တင်တရားစွဲတော့ အောက်လွှတ်တော်မှာရောအထက်လွှတ်တော်မှာပါ သူ့ပါတီဝင်အများစုက ထရမ့်ဘက်က ရပ်တည်ခဲ့ပါတယ်။အထက်လွှတ်တော်အမတ် Mitt Romney သာ ဒီမိုကရက်တွေဘက်က လိုက်မဲပေးခဲ့ပါတယ်။ သူကသမ္မတရူးရူးနေသူဖြစ်ပြီး ထရမ့်နေရာကို လိုချင်လို့ပါ။

ဒီမိုဘိုးအေ အင်္ဂလန်မှာလဲ ဥရောပခွဲထွက်ရာမှာ ပါတီကခိုင်းတဲ့အတိုင်း မဲမပေးတဲ့အမတ် ၂၁ယောက်ကို အာဏာရအစိုးရက ပါတီကထုတ်ပြီး ရွေးကောက်ပွဲလုပ်ခဲ့ပါတယ်။ ယခုလွှတ်တော်မှာ သူ့ဩဇာခံသူ အမတ်တွေက နိုင်ပြီး လွှတ်တော်မှာ အမတ်အများဆုံးဖြစ်သွားပါတယ်။

မြန်မာပြည်ကို ရောက်လာပါပြီ။ ခြေဥအရ လွှတ်တော်အမတ်တွေရဲ့ ဥပဒေပြုခွင့် အုပ်ချုပ်ခွင့်မှာပါဝင်ခွင့်က အကန့်အသတ်ရှိပါတယ်။ ပြည်တွင်းစစ်ကလဲ ရှိနေပါသေးတယ်။

ပထမက ဒေါ်ပြုံးကေသီနိုင်ပါ။ သူမကြည့်ရတာ နိုင်ငံတကာဆက်ဆံရေးကို ကျွမ်းကျင်ပုံပါ။ သူမဟာဘင်္ဂါလီကိစ္စမှာ သူမတတ်နိုင်တဲ့ဘက်က တိုင်းပြည်အတွက် ရပ်တည်လုပ်ဆောင်ပေးခဲ့ပါတယ်။ သူမက အစိုးရရဲ့ လိုအပ်ချက်ကို အပြုသဘောသာ ထောက်ပြဝေဖန်လေ့ရှိပါတယ်။ ကိုဗစ်ကိစ္စမှာ သူမဟာလွှတ်တော်ကိုယ်စားလှယ်တွေကို ကန့်သတ်ထားတဲ့ အုပ်ချုပ်ရေးကို ဝင်မစွက်ရဆိုတဲ့ မြန်မာပြည်ရဲ့စည်းမျဉ်းအတွင်းက သူ့ဒေသရဲ့စျေးကို ကိုဗစ်ကာကွယ်ပြီးသားဖြစ်အောင် ဒေသခံအုပ်ချုပ်ရေးအဖွဲ့တွေနဲ့ လုပ်သွားတာတွေ့ရပါတယ်။ ဒါဟာ မိမိလုပ်လို့ရနိုင်တဲ့ ဘောင်ထဲက လုပ်သွားတာပါ။

ဒုတိယက ဒေါ်စန္ဒာမင်းပါ။ သူမက DVB ရော ဘာအင်တာဗျူးမဆိုဖြေပြီး အစိုးရကို ဝေဖန်ပါတယ်။သူမ လုပ်နေပုံက ထောက်ပြတာထက် ဘာလာလာ မကောင်းပြောမယ်ဆိုတဲ့ ပုံစံမျိုးပါ။ သူမဟာတိုက်ခိုက်ရင်းနဲ့ ကွီးဖြိုးကိုတိုက်သလို သူမကပြောနေပေမယ့် သူမတိုက်ခိုက်တာက DASSK ကို ဖြစ်မှန်းမသိ ဖြစ်လာခဲ့ပါတယ်။ သူမထောက်ပြတဲ့ အလုပ်သမားတွေကို လုပ်ခအစိုးရက စိုက်ပေးဖို့ဟာကရန်ကုန်တိုင်းအဆင့်နဲ့ လုပ်မရဘဲ DASSK ဦးဆောင်တဲ့ ဗဟိုအဆင့်ကသာ လုပ်ရမှာပါ။ သူမဝေဖန်ပုံကမီးစက်တုန်းကဝယ်ပြီး အလုပ်သမားတွေကို အစိုးရက လစာစိုက်မပေးဘူးဆိုတာက ကလေးဆန်ပါတယ်။ နောက်အခြားကိစ္စတွေဖြစ်တဲ့ ကုန်ကြမ်းကို တရုတ်ကသယ်တာ ကုန်းချောပို့တာဟာလဲနိုင်ငံခြားအဝင်အထွက်နဲ့သာဆိုင်ပြီး စီးပွါးကူးသန်းတို့နဲ့ ဗဟိုအစိုးရက လုပ်ရမှာပါ။ သူမဝေဖန်ခဲ့တဲ့ အမိန့်ထုတ်တာ နောက်ကျတာဟာလဲ DASSK ကိုယ်တိုင်တောင်းပန်ခဲ့လို့ ဗဟိုအစိုးရနဲ့သာ ဆိုင်ပါတယ်။သူမက အင်တာဗျူးတစ်ခုမှာ အမေရိကန်မှသည် အာဆီယံနိုင်ငံတွေအထိ အလုပ်သမားတွေ စီးပွါးရေးသမားတွေအတွက် အစိုးရတွေက ဘယ်လောက်ထုတ်သုံးတယ် မြန်မာပြည်က ထုတ်မသုံးဘူးပြောရာမှာတော့ ဒါဟာ ကွီးနဲ့မဆိုင်ဘဲ ဗဟိုအစိုးရနဲ့သာ ဆိုင်သွားတာ သေချာသွားခဲ့ပါတယ်။

သူမပြောတာကို ဖွတ်တွေနဲ့ အဘတအကောင့်တွေက ကြိုက်နိုင်ပေမယ့် ပုံမှန်သူမက အင်တာဗျူးမှာပြောဆိုနေတာဟာ ပါတီစည်းကျော်နေပါပြီ။ ဒေါ်မေစိုးလွန်မလွန်က မသိပေမယ့် သူမကတော့ အတော်စည်းကျော်တာပါ။ သူမက ဘယ်သူနဲ့တူလဲဆိုတော့ Mitt Romney လို ဟိုကသမ္မတရူး သူမက ဝကခရူးရူးရာက စပုံပါ။ ဒါက ဘယ်သူ့မှအကျိုးမပြုဘဲ မိမိရဲ့ မနာလိုခြင်းက စပုံပါ။

တတိယက ဦးဝှေ့တင်းပါ။ သူက NLD ပါတီဝင် တိုင်းရင်းသားအမတ်။ သူ့လူမျိုးတွေ ဓာတ်ခဲနဲ့တပ်ကြား ပိတ်မိနေချိန်မှာ အစိုးရသိအောင် တီဗီပေါ်မှာ တက်ပြောပေမယ့် မိမိအစိုးရ အပြစ်မဖြစ်အောင်ထိန်းပြောသွားတာပါ။ သူက လိုအပ်ရင်လဲ အသက်ပေးဖို့ ဝင်မလေးဘူးဆိုတာ ဓာတ်ခဲအဖမ်းခံပြီး ပြသွားခဲ့ပါတယ်။ သူ့ရဲ့ ပြောကြားချက်ဟာ မိမိလူမျိုးအကျိုးကို မိမိအစိုးရကိုလဲ နာမည်မပျက်စေဘဲပညာသားပါပါ တင်ပြသွားတာပါ။

တိုင်းပြည်မှာ ဘယ်လိုလွှတ်တော်အမတ်များများလိုလဲဆိုတော့ ဒေါ်ပြုံးကေသီနိုင်လို ဦးဝှေ့တင်းလိုလွှတ်တော်အမတ်မျိုးတွေပါ။ ဒေါ်စန္ဒာမင်းဟာလဲ ဒေါက်ခိုင်တို့ထက်တော့ NLD အတွက် စိတ်ချရနိုင်ပါတယ်။ မိုးကျထက်တော့ သာမှာ သေချာပါတယ်။

ပုံမှန်မှာ လွှတ်တော်ကိုယ်စားလှယ်တွေက ဘတ်ဂျက်၊ ဥပဒေပြုတာနဲ့ ဝန်ကြီးရာထူးခန့်တာတွေ လုပ်နိုင်ပေမယ့် မြန်မာပြည်က ခြေဥက သူတို့လုပ်နိုင်တာကို အတိုင်းအတာတစ်ခုသာလုပ်နိုင်အောင် တားထားပါတယ်။ ဒီအထဲကမှ ဖောက်ထွက်ပြီး ဦးဝှေ့တင်းလို ဒေါ်ပြုံးကေသီနိုင်လို လုပ်နိုင်ရင်တော့အကောင်းဆုံးပါ။

News Source: WSJ, Sky News, RFA, DVB, Pyonekaythi Naing Facebook, Sandar Min Facebook, Sky net up to date