ပြည်သူတွေက စကားပြောပြီ

မနေ့က ခေတ်စားနေတာက News Watch ရဲ့ ဗီဒီယိုလေးပါ။ ခေါင်းစဉ်က NLD ကျေးဇူးကြောင့်ဆေးဆိုးပန်းရိုက်စျေးကွက် လှုပ်ခတ်ဆိုတာလေးပါ။ အဆိုပါကိစ္စမတိုင်ခင်က PPP က လူကြိုက်များသလိုလို၊ ကြံ့ဖွတ်ကလူကြိုက်များသလိုလို၊ ဘရွှေမန်းပါတီက လူကြိုက်များသလိုလို၊ ကိုကိုကြီးပါတီက လူကြိုက်များသလိုလိုပါ။ သူတို့အောက်မှာ ပုံမှန် like တွေ ကွန်မန့်တွေက သာမန် ဆယ်လီလောက်တောင်မရှိကြပါ။ ဒါကြောင့် အဆိုပါပါတီကြီးတွေ အဆင်ပြေပါ့မလားလို့ သံသယဖြစ်ခဲ့ပါတယ်။နောက်ပိုင်း Facebook က ကိုကိုကြီးပါတီကလွဲရင် အခြားပါတီတွေက ပိုက်ဆံဘယ်လောက်သုံးပြီးFacebook မှာကြော်ငြာလဲဆိုတာပြောသွားလို့ သူတို့ရဲ့ ငွေအင်အားကို ခန့်မှန်းနိုင်လိုက်ပါတယ်။ ဖွတ်အဖွဲ့ရဲ့ ဥက္ကဌကြီးတောင် ဒေါ်လာတွေသုံးပြီးတင်မှ လူသိတယ့်သဘောပါ။ ယခင်က စာဖတ်သူအချို့က ရွာအချို့မှာ UBP ပါတီရဲ့အလံတွေအများကြီးတွေ့လို့ စိုးရိမ်ကြောင်းလဲ ပြောခဲ့ဘူးပါတယ်။

စာရေးသူတို့ဖတ်ရတဲ့ စရဖကကောက်ထားတဲ့ စစ်တမ်းအရလဲ လူတွေက NLD ကို မဲပေးမယ်လို့သာတွက်ထားပါတယ်။ ဒါကြောင့် ၃၄ ပါတီနဲ့ အမြန်တွေ့ရတာပါ။

မနေ့ကတော့ News Watch က ဆေးဆိုးပန်းရိုက်လုပ်ငန်းလုပ်ကိုင်သူတွေနဲ့ အင်တာလိုက်ဗျူးပါတယ်။စီးပွါးရေးသမားဆိုတာကတော့ မိမိရိုက်ပြီး မရောင်းရမယ့်ပါတီရဲ့ အလံတွေ၊ အင်္ကျီတွေကို မလုပ်ပါ။သူတို့ရောင်းရတာ သူတို့က ဘယ်သူ့ကိုမဲပေးမယ်ပြောသွားတာဟာ သိပ္ပံနည်းကျမဟုတ်ပေမယ့် အမှန်အတိုင်းဖြစ်နေပါတယ်။

ဒီ News Watch ရဲ့ အင်တာဗျူးလေးက ဘယ်လောက်ကြည့်ကြည့် ပီတိဖြစ်စေပါတယ်။ အတိုက်အခံ ၃၄ပါတီလဲ မခံနိုင်ရင် အဘပုံလေးနဲ့ မဲဆွယ်ကြည့်ပါ။ အခြေအနေကို သိရတာပေါ့။

ပြည်သူအားလုံးက မေမေနိုင်မှဖြစ်မှာပါဆိုတာကို သိနေသလိုပါဘဲ။

Video credit: News Watch