မအလရဲ့ စရဖဟာ ယခင် NLD အစိုးရအဖွဲ့ အစည်းအဝေးတွေကို မှတ်တမ်းဆိုပြီး ပေါ်တင်အသံဖမ်းခဲ့သလို DASSK နဲ့ သူ့ပါတီလူကြီးတွေစကားပြောတာကိုလဲ နည်းမျိုးစုံနဲ့ ကြားဖြတ်နားထောင်ခဲ့ပါတယ်။ ဒီကြားထဲက DASSK ကို အမှုဆင်ရာမှာ ဘာအသံဖိုင်အထောက်အထားမှ မတင်ပြနိုင်ခဲ့ပါ။ ဘယ်အမှုမှာမ မတင်ပြနိုင်တာပါ။
တရုတ်ဟာ ဝဏ္ဍမောင်လွင်နဲ့တွေ့စဉ်က DASSK နဲ့တွေ့ပြီး လက်ရှိပြဿနာကို အဖြေရှာဖို့ မအလပြောထားတဲ့ ရွေးကောက်ပွဲမှာ DASSK ဦးဆောင်တဲ့ NLD ကို ဝင်ပါစေပြီး နိုင်သူကိုအာဏာလွှဲဖို့တိုးတိုးတိတ်တိတ် ပြောသွားခဲ့ပါတယ်။ ဒီအတိုင်းမလုပ်ရင် ထောက်ခံဖို့ခက်မယ်ဆိုတာကိုလဲပြောသွားခဲ့ပါတယ်။ ဒါကို နိုင်ငံခြားရေးဝန်ကြီးဌာနက မအလထံအစီရင်ခံစာမှာ ရေးထားခဲ့ပါတယ်။ ဒါကြောင့်လဲ မအလက တရုတ်မကယ်ရင် ရုရှားကယ်အောင် ရုရှားသွားပြီး ပူတင်နဲ့တွေ့ဖို့ကြိုးစားခဲ့ပါတယ်။ ရုရှားဟာ မအလကို စစ်လက်နက်ပစ္စည်းပံ့ပိုးပေမယ့် ပေါ်တင်မတွေ့တာကအံ့ဩစရာပါ။
တရုတ်နိုင်ငံခြားရေးဝန်ကြီးဝမ်ယီက အာဆီယံကိုယ်စားလှယ်နဲ့ ပုဂံမှာတွေ့ချိန်မှာ စရဖက သူတို့ဘာပြောလဲသိဖို့ အသံဖမ်းနားထောင်ခဲ့ပါတယ်။ တရုတ်လုံခြုံရေးက အစည်းအဝေးမစခင် အခန်းကိုစစ်ခဲ့ပေမယ့် ဟိုတယ်အခန်းမိုလို့ စရဖအတွက် အသံဖမ်းရတာ လွယ်ခဲ့ပါတယ်။ တရုတ်ဟာ မအလကိုပြောခဲ့သလို အာဆီယံကိုယ်စားလှယ်ကိုလဲ DASSK နဲ့တွေ့နိုင်အောင်ကြိုးစားဖို့ သူမမပါဘဲ ပြဿနာဖြေရှင်းလို့မရနိုင်ကြောင်း ပြောခဲ့ပါတယ်။ ဒါက မအလကိုဒေါသထွက်စေခဲ့ပါတယ်။ဒါကြောင့် တရုတ်လမ်းမလိုက်ရင် ရုရှားနောက်လိုက်ရမှာပါ။
အကျဉ်းချုပ်ရရင် မအလရဲ့ စရဖဟာ သံတမန်ဥပဒေကိုချိုးဖောက်ပြီး အသံခိုးဖမ်းခဲ့ပေမယ့် သူကြားရတာက DASSK နဲ့တွေ့ပြီး ပြဿနာကိုရှင်းဖို့သာ တရုတ်ကထပ်ခါထပ်ခါ ရာဇသံပေးနေတာပါ။ ယခုကြွေးပြန်ဆပ်ရတဲ့ ဒေါ်လာတွေကလဲ တရုတ်ကြွေးအတိုးနဲ့ ရုရှားလက်နက်အတွက်ပါ။PDF ကိုတိုက်ဖို့ လေကြောင်းပိုသုံးရလေ ဒေါ်လာပိုကုန်လေပါ။ ဒါကြောင့် မအလရွေးရမှာကDASSK နဲ့တွေ့မလား NUG နဲ့တွေ့မလားဆိုတာပါ။ ရွေးစရာမရှိ ပြေးစရာမရှိလို့သာ ပြောပါရစေ။တရုတ်စကား နားမထောင်ရင် တရုတ်က PDF ကို AA ကိုထောက်ပံ့သလို လက်နက်ထောက်ပံ့ခဲ့ရင်မအလနာမှာပါ။ မအလအတွက်က အကွက်ပိတ်နေပါပြီ။