စစ်တပ်ကို စည်းရုံးလို့ ရအုံးမှာလား?

အောင်ကြီးက စစ်တပ်ကို စိတ်နဲ့တောင် မပြစ်မှားနဲ့ဆိုပြီး ခွေးစကားပြောဖူးပါတယ်။ အောင်ကြီးဟာ ဒီမိုယောင်နဲ့ NLD ထဲ ပါခဲ့ပါတယ်။ နောက်ပိုင်း မဲခွဲရာမှာ ရှုံးပြီး NLD ကနေ ထွက်သွားခဲ့ရပါတယ်။သီအိုရီအရ စစ်တပ်ကိုစည်းရုံး ပါလာနိုင်တယ်ပေါ့။ ဒီမိုအထွဋ်အထိပ်ရောက်ချိန်မှာ DASSK က တပ်ကိုစည်းရုံးခဲ့ပါတယ်။ တပ်က ဘယ်နှစ်‌ယောက်ကများ ယခု ဒီမိုတွေထံ ဘက်ပြောင်းလာခဲ့ပါသလဲ? စာရေးသူတို့ရဲ့ စည်းရုံးရေးဟာ DASSK လောက် မကောင်းနိုင်ပါ။ ဒါဆို ဘာဆက်လုပ်ရမလဲ? တပ်မှာအဓိကကျတဲ့ ဖွဲ့စည်းပုံက တပ်ရင်းတွေဖြစ်ပြီး တပ်ရင်းမှူးတွေဟာ သူတို့က တပ်တွေကို တိုက်ရိုက်ကိုင်တွယ် ထိန်းချုပ်ပါတယ်။ သူတို့ဟာ ဒုဗိုလ်မှူးကြီးအဆင့်တွေပါ။ ဒါဆို တပ်ရဲ့ ဖွဲ့စည်းပုံ ပေးကျွေးပုံကို လေ့လာရအောင်။ ဗိုလ်မှူးကြီးနဲ့ အထက်အဆင့်တွေကို တစ်သက်မရနိုင်တဲ့ အခွင့်အရေးတွေကိုလစာအပြင်ပေးထားပါတယ်။ လိုင်းကြေးရော လုပ်ပိုင်ခွင့်ပါ အစုံပေးထားပါတယ်။ တပ်ရင်းမှူးကတော့ လစာဖြတ်စားတာကအစ အာမီရမ်အရက်နဲ့ ရိက္ခာအဆုံး တပ်မြေငှားတာတွေပါ ဝုန်းရပါတယ်။ ဒါက ငွေနဲ့ မျှားထားတာပါ။ ပြီးရင်က အကြောက်တရားနဲ့ ပြန်ထိန်းပါတယ်။ တပ်ထွက်က တပ်ကိုပြန်ပြောရင် ဗိုလ်ကြီးနေမျိုးဇင်ကအစ သူရဦးအောင်ကိုအထိ နှစ်ရှည်ထောင်ချပြပြီး ကြောက်အောင်လုပ်ထားပါတယ်။

သီအိုရီအရက ဗိုလ်လောင်းမှသည် နိုင်ငံတော်ကာကွယ်ရေး တက္ကသိုလ်အထိ DASSK နဲ့ NLD မကောင်းကြောင်းနဲ့ အထပ်ထပ် ဦးနှောက်ဆေးခဲ့ပါတယ်။ ဒါ့ကြောင့် ငါတို့သာ တိုင်းပြည်ကို ကယ်တင်နိုင်တယ်ဆိုတဲ့ ဘဝင်မြင့်ရောဂါ ငါတို့အကုန်တတ်တယ်ဆိုတဲ့ ရူးပေါပေါစိတ်ကို ဖြစ်စေပါတယ်။

ဒါဆို ဘာဆက်လုပ်ရမလဲ? ဒီမိုဘက်ကို ကူးချင်သူဟာ ကူးလာပါလိမ့်မယ်။ ယခု တပ်ထဲက CDM လုပ်လာသူကို လက်နက်ပါရင် ငွေပေးမယ်ဆိုတာက အောက်ခြေစစ်သားတွေအတွက် အင်မတန်ကောင်းပါတယ်။ ဒုဗိုလ်မှူးကြီးအဆင့်ရှိတဲ့ အရာရှိများအတွက် တတိယနိုင်ငံမှာ နေရာချပေးမယ်ဆိုတာလဲ ကောင်းပါတယ်။ ဒါပေမယ့် အများစုဟာ မအလခိုင်းတာလုပ်နေတာက ကြောက်လို့ပါ။ သူတို့အကြောက်တရားကို စာရေးသူတို့ဘက်က မအလထက်ပိုကြီးတဲ့ အကြောက်တရားနဲ့ တုန့်ပြန်ရပါမယ်။

ယခုအချိန်မှာ အကြမ်းဖက်မအလကို တိုက်ခိုက်မှုတွေဟာ ယဉ်တန်းမိုင်းခွဲတာသာ ရှိပါသေးတယ်။လက်နက်လိုနေလို့ပါ။ နောက်ပိုင်း AA က မြောက်ဦးမှာလုပ်သလို တာလီဘန်က အာဖဂန်မှာလုပ်သလိုမကွေးလေတပ်စခန်းကို လုပ်သလိုမျိုး များများလုပ်လာရင် သွေးလေခြောက်ခြားလာမှာပါ။ တပ်မိသားစုကို အပြင်ထွက်ခွင့်ပိတ်ထားပေမယ့် တစ်သက်လုံးပိတ်ထားလို့မရပါ။ သူတို့တွေ ဈေးဝယ်ရပါတယ်။ ဘဏ်သွားငွေထုတ်ရပါတယ်။ ဆင်တူဝတ်စုံတွေ သွားချုပ်ရပါတယ်။ အရပ်ဝတ်နဲ့ သွားကြပါတယ်။ အားလုံးတော်လှန်ရေးအောင်မြင်ချင်ရင် ဖက်ဆစ်တပ်အောက်မှာ အမှုထမ်းနေသူတွေ သူတို့ရဲ့မိသားစုဝင်တွေကို အကြမ်းဖက်မှု ဥပဒေအရ တိုက်ခိုက်ဖျက်ဆီးရပါမယ်။ ယခုတပ်ထဲမှာ စွဲနေတာကငါတို့ပြည်သူကိုဘာလုပ်လုပ် အမှုတွဲက လွတ်မယ်ဆိုတဲ့ အချိုးပါ။ ပြစ်ဒဏ်ပြန်ခံရမယ်ဆိုရင် တာဝဝန်အရ လုပ်ရဲတော့မှာ မဟုတ်ပါ။ အောက်ကငယ်သားက ကြောက်လို့ဘက်ပြောင်းရင် အထက်က ဗိုလ်တွေနဲ့သာ စစ်တိုက်လို့မရပါ။

စာရေးသူရဲ့ ဗျူဟာကတော့ ဒီမိုသတင်းတွေကို တပ်ထဲရောက်အောင်ပို့ပါ။ မင်းသား မင်းသမီးတွေကိုသုံးပြီး NUG က များများလွှင့်ပေးပါ။ နောက် ပြည်သူတွေက အကြမ်းဖက်အဖွဲ့ထံမှာ အလုပ်လုပ်နေတဲ့အကြမ်းဖက်စစ်သည်တွေနဲ့ ၎င်းတို့ရဲ့ အကြမ်းဖက်အားပေး မိသားစုတွေကို ဘယ်လို ဒဏ်ပေးရမလဲစဉ်းစားကြပါ။ စစ်သားမိန်းမဟာ သေနတ်ကိုင် စစ်ပညာသင်ထားလို့ တရားဝင် စစ်ရေးပစ်မှတ်ပါ။တော်လှန်ရေးမှာ ပြတ်သားနိုင်ရင် နိုင်ပါမယ်။ ရင်ကြားစေ့ရေးဟာ ရာဇဝင်ထဲမှာ ကျန်ခဲ့ပါပြီ။