စိတ္တဇညများ ကုန်ဆုံးလွန်မြောက်ပါစေအဘ

ပရဟိတအဖွဲ့တွေဟာ အကြောင်းအမျိုးမျိုးကြောင့် မြန်မာပြည်မှာ ပေါ်လာခဲ့ပါတယ်။ အဓိကကတော့စစ်အစိုးရလက်ထက် တိုင်းပြည်ကဆင်းရဲလာပြီး လူတွေက အထောက်အပံ့လိုလာပါတယ်။ ဒါကိုပြည်တွင်းက လူအချင်းချင်းကူညီဖြည့်တင်းကြပါတယ်။ အချို့ဆို နာဂစ်မှာ အစိုးရရဲ့ အဖမ်းခံပြီးလုပ်ခဲ့ကြတာပါ။ အချို့ကို ပြည်ပရောက်မြန်မာများက ကူညီကြပါတယ်။ သူတို့က ပြည်တွင်းကို ကူညီချင်ကြပါတယ်။ ဒါပေမယ့် စစ်အစိုးရကို မယုံလို့ ကြားထဲက မိမိတို့ယုံကြည်တဲ့ အဖွဲ့တွေကတဆင့် လှူကြတာလဲရှိပါတယ်။ သူတို့မယုံဆို နာဂစ်မှာ စစ်အစိုးရက နိုင်ငံခြားကလှူတာတွေကို ဝုန်းသွားတာကို။ထို့အတူဘဲ နိုင်ငံခြားကလှူလိုသူများကတော့ NGO လို့ခေါ်တဲ့ အစိုးရမဟုတ်တဲ့အဖွဲ့တွေကတဆင့် လှူကြပါတယ်။ ဥပမာ ယခုအီးယူက အလုပ်ပြုတ်တဲ့ အလုပ်သမားတွေကိုပေးတဲ့ မြန်ကူလိုမျိုးပေါ့။

ပရဟိတအဖွဲ့တွေအများစုက တိုင်းပြည်ကို အကျိုးပြုဖို့ပါ။ ဥပမာ ကိုနေမျိုးဇင်၊ ဇာဂနာနဲ့ ကိုကျော်သူတို့ပါ။ သူတို့တွေဟာ ပရဟိတသမား စစ်စစ်တွေပါ။ ဒါပေမယ့် အနည်းစုက လုပ်စားဂွင်အချို့နဲ့ အချို့က နိုင်ငံခြားက ငွေယူပြီး သူတို့ကခိုင်းတဲ့ ဇတ်ကသူတွေလဲရှိပါတယ်။ အချို့အလုပ်သမားအဖွဲ့တွေကအလုပ်သမားကို ကူညီသလိုဖွဲ့ပါတယ်။ အလုပ်သမားအခွင့်အရေး လှုပ်ရှားသလိုပေါ့။ ဒါပေမယ့် သူတို့ရဲ့ ရည်ရွယ်ချက်က မီးပွါးကို မီးတောက်ဖြစ်အောင်လုပ် ဒါမှ မြန်မာပြည်ကို ရင်းနှီးမြုပ်နှံမှုမလာဘဲအနီးနားနိုင်ငံတွေသာ သွားအောင်ပါ။ သူတို့ကို ထိုနိုင်ငံများက ဒီမိုကရေစီနဲ့ လူ့အခွင့်အရေး ခေါင်းစဉ်နဲ့ထောက်ပံ့ပါတယ်။ ဒါဟာလဲ စစ်အစိုးရလက်ထက်မှာက အဆင်ပြေပါတယ်။ ဒီလိုထောက်ပံ့တာဟာရုရှားက အမေရိကန်ကို ပြန်လုပ်ချိန်မှာ ဘာဖြစ်သွားလဲ သိတဲ့အတိုင်းပါ။

ယခုကိုဗစ်ဖြစ်တော့ DASSK က ပရဟိတလူငယ်လေးတွေနဲ့တွေ့ပြီး သူတို့ကူညီရာမှာ လွယ်ကူအောင်အမျိုးသားအဆင့် စေတနာဝန်ထမ်းအဖွဲ့ကို ဖွဲ့ပေးခဲ့ပါတယ်။ သူမရဲ့ ရည်ရွယ်ချက်က အင်မတန်မှကောင်းပါတယ်။ သူမက ရိုးသားစွာ ကိုဗစ်ကိုတိုက်ရာမှာနဲ့ အခြားသဘာဝဘေးအန္တရာယ်တွေကြုံရင်တိုက်ခိုက်နိုင်အောင်ပါ။ လူလိုရင် စနစ်တကျလေ့ကျင့်ပေးပြီးသုံးနိုင်မယ်ပေါ့။

ဒီမှာဘဲ ပြဿနာက စပါတယ်။ ကြေညာချက်မှာ အစထဲက ပါဝင်စာရင်းပေးသူလိုသူတွေသာ ပေးဖို့ပါ။ဘယ်သူ့ကိုမှ မလုပ်မနေရ compulsory registration မဟုတ်ပါ။ ဒီနေရာမှာ နဂိုထဲက ဂွင်အတွက်ပရဟိတလုပ်သူ၊ နိုင်ငံခြားကပိုက်ဆံကို မိမိအိတ်ထဲထည့်နေသူနဲ့ အဘထောင်ထားတဲ့ ပရဟိတာများက မိမိတို့ ပရဟိတကထွက်ကြောင်းဘာညာ လိုင်းပေါ်တင်လာတာတွေ့ရပါတယ်။ ဒါကတော့ လူ့သဘာဝပါ။ တကယ်ထွက်လိုသူအချို့လဲ ရှိကောင်းရှိနိုင်ပါတယ်။

ယခုထက်ပိုတာက လိုင်းပေါ်မှာ ကြေညာချက်မထုတ်တဲ့ ပရဟိတအဖွဲ့တွေနာမည်နဲ့လဲ တက်လာပြီးအသံဆူလာတာပါ။ ထိုအကောင့်များကို လေ့လာရာမှာ အများစုက အကောင့်တုများဖြစ်ပြီး အဘကိုယခင်က ထောက်ခံကြောင်းဝင်ရေးသူများ၊ မဘသများနဲ့ ဖွတ်ပါတီဝင်များပါ။ ဘာကြောင့်အမျိုးသား စေတနာ့ဝန်ထမ်းအဖွဲ့ဖွဲ့တာကို အဘတို့အဖွဲ့က ကြောက်နေတာလဲ?

DASSK မှာက ပြည်သူသာရှိတယ်လို့ စာရေးသူယခင်က ခဏခဏ ရေးခဲ့ပါတယ်။ ယခုလို Q တွေထားဖို့ သန့်ရှင်းရေးလုပ်ဖို့ အစာဝေငှဖို့က လူပေါင်းရာချီလိုပါတယ်။ ပုံမှန်အခြားတိုင်းပြည်တွေမှာ တပ်ကိုခေါ်တယ်ပေါ့။ စာဖတ်သူများ စဉ်းစားကြည့်ပါ။ ပရဟိတတွေက DASSK ရဲ့ ဦးဆောင်မှုအောက်မှာထောင်သောင်း သိန်းချီဖြစ်ခဲ့ရင် သူမဟာ တပ်အကူအညီလုံးဝမလိုတော့ပါ။ ဒီလောက်က အဘက မစိုးရိမ်ပါဘူး။ ဒါဆိုဘာကို ပိုစိုးရိမ်လဲ?

အားလုံးသိတဲ့အတိုင်း တိုင်းပြည်ကိုဆူပူအောင် ဘုန်းကြီးတွေကို ဘယ်သူမြှောက်ပေးနေလဲသိမှာပါ။ပြဿနာတွေဟာ နေရာတိုင်းမှာ လူအုပ်ကိုထိန်းဖို့ လုံခြုံရေးချဖို့ လူလိုပါတယ်။ ဒီအဖွဲ့ဟာ အဘတို့ကိုနှိမ်နင်းမဲ့ DASSK ရဲ့ ပြည်သူ့တပ်မတော်များ ဖြစ်သွားခဲ့ရင်ဆိုတဲ့အတွေးက အဘကို အိပ်မပျော်စေပါဘူး။ အဘတို့ရဲ့ စွမ်းအားရှင်ကို မှတ်မိကြမှာပါ။

တပ်ထဲကိုမဝင်တဲ့ လူငယ်တွေက ပရဟိတလုပ်ပြီး တိုင်းပြည်တည်ငြိမ်အောင် တရားဥပဒေစိုးမိုးအောင်လုပ်ခဲ့ရင် အဘတို့ဂွင်ပျက်ပါပြီ။ DASSK ကတော့ တိုင်းပြည်အတွက်သာ လုပ်တာပါ။အချို့ကိစ္စတွေက အတွေးတွေလွန်ပြီး အဘအိပ်မရဖြစ်ခါ သူ့မွေးစားသားတွေက ကြေညာချက်တွေထုတ်ပြီးအလုပ်ရှုတ်နေကြပါပြီ။

အဘကို ပြောချင်တာက စိတ္တဇညများ ကုန်ဆုံးလွန်မြောက်ပါစေလို့။ အရဟိတတွေက ပြည်သူထဲကညပေါက်ဖွားလာတဲ့ ပြည်သူ့ဘက်တော်သားများသာပါ။ အဘတို့ ကြောက်စရာမလိုပါလို့ ပြောပါရစေ။