AA ကို မအလက ဘာပြန်လုပ်မလဲ?

မအလက လစဉ်အစည်းအဝေးတွေမှာ ဘယ်ဒေသက ဘယ်လိုတည်ငြိမ်နေပြီး အတုယူဘာညာပြောလေ့ရှိပါတယ်။ ဥပမာ ဧရာဝတီဆိုတော်တယ်ပေါ့။ စစ်ရေးသတိရှိကြဖို့ ခံစစ်ပြင်ထား၊ ကင်းလှည့်ဖို့သတိအမြဲရှိဖို့ ဘာညာဘာညာပေါ့။ အချို့တရားမဝင် အမိန့်များကိုတော့ သူ့ရဲ့ PSO ကတဆင့် လေလိုင်းပေါ်ကနေ ပြောခိုင်းလေ့ရှိပါတယ်။ ဥပမာ မန္တလေးက NLD ပါတီဝင်တွေကို သတ်ခိုင်းတာမျိုးပေါ့။ ဒီနေရာမှာ သတ်လို့ပြောတာတော့မဟုတ်ပါ။ စကားလုံးအတိအကျက ဒီ PDF တွေလှုပ်ရှားနိုင်တာ NLD ကြောင့် ဒါကြောင့်သူတို့ကို ထောက်ပံ့သူကို မရရတဲ့နည်းနဲ့ရှင်းပါလို့ ပြောတာမျိုးပါ။

လက်ရှိမအလတပ်အများစုက ရှမ်းပြည်မှာ အထိုင်ချထားရတာပါ။ ရည်ရွယ်ချက်က ဝ UWSA နဲ့အခြားအဖွဲ့တွေကို ထိန်းဖို့ဆိုပြီး လုပ်ထားတာပါ။ ရခိုင်၊ ချင်းနဲ့ စစ်ကိုင်းက အေးချမ်းနယ်မြေ ဖြစ်ခဲ့တာပါ။ တပ်ရှိပေမယ့် ရှမ်းပြည်လို မဟုတ်ခဲ့ပါ။ ရခိုင်က စဖြစ်ချိန်မှာ မြေပြန့်ကတပ်တွေကို လွှတ်ခဲ့ရပါတယ်။ မင်းတပ်က တပ်ရင်းတွေလဲ တက်ခဲ့ရပါတယ်။ ထိုအချိန်က PDF ဆိုတာ မရှိခဲ့ပါ။

ယခုအချိန်မှာက မအလရဲ့ ထောက်ပို့လမ်းကြောင်းအားလုံးဟာ ပတ်လည်မှာ ဖြတ်အတိုက်ခံထားရပါတယ်။ ရခိုင်ကလဲ သူ့အတက်လမ်းကို ပိတ်မှာဖြစ်သလို ချင်းဖက်ကလဲ ယခုပုံနဲ့စစ်ကူသွားရင်အသေအပျောက်များမှာပါ။ ရဟတ်ယာဉ်က စစ်ကိုင်းလို မြေပြန့်မှာသာ အလုပ်ဖြစ်ပေမယ့် ရခိုင်းရိုးမမှာ မလွယ်ပါ။ AA လဲ ယခုလောက်ဆို မအလက စစ်ကိုင်းမှာလုပ်နေတာတွေကို သင်ခန်းစားယူပြီးပြင်ဆင်ပြီးလောက်ပါ

ပြီ။ AA လက်နက်က တူမီးမဟုတ်လို့ ရဟတ်ယာဉ်ကပ်ရခက်မှာပါ။

ဒါဆိုရင် တိုင်းမှူးက ဘာလို့ကျပ်တာလဲ? တိုင်းမှူးဘဝကလဲ ဆုပ်လဲဆူး စားလဲရူးပါ။ သူလုံခြုံရေး မတင်းကျပ်ရင်လဲ AA က သူ့မြို့နားအထိ ရောက်လာနေပြီဆိုတာ သူသိပါတယ်။ သွားကျပ်ပြန်ရင်လဲယခုလိုပြဿနာပေါ်လာနိုင်ပါတယ်။ ဘောမများက ငါတို့တိုက်လိုက်မှာပေါ့၊ ဒုံးကျည်နဲ့ ပစ်မှာပေါ့ ဘာညာဆိုပြီး ပြောလို့ရပါတယ်။ ပစ်လို့ရလားဆိုတော့ AA က မြို့ထသိမ်းရင်တော့ ပစ်လို့ရမှာပါ။ စခန်းကြီး ထောင်ထားရင်တော့ ပစ်လို့ရမှာပါ။ ဒါပေမယ့် AA က ယခင်ကလို ဖြတ်တိုက်နေမယ်ဆိုရင်တော့လက်ရှိတပ်ဟာ နေရာများစွာမှာ ဆိုင်ထားရလို့ တောင်မင်းကို မြောက်မင်းက မကယ်နိုင်ပါ။

အကျဉ်းချုပ်ရရင် ယခုအချိန်မှာ ဘယ်တိုင်းရင်းသားအဖွဲ့မဆို ယခင် NLD အစိုးရက ဘာကြောင့်ညာကြောင့် PDF ကို မကူညီချင်ရင်တောင် မိမိပြည်နယ်လွတ်လပ်ရေးအတွက် တကယ်လိုချင်ရင် တိုက်ပွဲဝင်လို့ အကောင်းဆုံးအချိန်ပါ။ ဒီလိုအချိန်မှာ AA ကို မအလက ဘာပြန်လုပ်မလဲဆိုတော့ အပြုတ်တိုက်ပါမယ်လို့ ပြောပါရစေ။ အိမ်ကနေ ကိုယ်တိုင်ချက်လာတာပါ။