ညွှန်ချုပ်နှစ်ဦး၊ ဦးပိုင်နှင့် စီးပွါးရေး ပိတ်ဆို့မှု

ယခုရက်ပိုင်းအတွင်း သတင်းများစွာ တက်ခဲ့ပါတယ်။ သတင်းသမားများ အဖွဆုံးက ကွီးသတင်းပေါ့။ဒါနဲ့ အဘတပည့် စရဖလက်အောက်ခံ မဘသကလဲ အမှုဖွင့်ဖို့ ကြိုးစားခဲ့ပါတယ်။ ဒီမိုစနစ်မိုလို့ ကွီးကိုဗဟိုက မေးထားတယ်ဆိုတာက တာဝန်ယူမှု တာဝန်ခံမှုအရပေါ့။ ကွီးလုပ်ရပ်က မှားရင်တောင်စေတနာအမှားဖြစ်ပြီး တိုင်းပြည်ကို ရိုက်ခတ်မှုမရှိနိုင်ပါ။

နောက်သတင်းဖြစ်တဲ့ အကောက်ခွန်နဲ့ ဆိပ်ကမ်းညွှန်မှူးက ဦးပိုင်မှာ ဒါရိုက်တာဖြစ်နေတာကတော့စာရေးသူတို့ တိုင်းပြည်အတွက် များစွာ အကျိုးသက်ရောက်နိုင်ပါတယ်။ ပထမဆုံးက ညွှန်ချုပ်တယောက်က သိသူဖြစ်နေလို့ ဒါဟာ မူဝါဒအရ ရေးတာပါ။ အကောက်ခွန်ညွှန်ချုပ်က လေတပ်ကဗိုလ်မှူးချုပ်ကျော်ထင်(DSA 26) ဖြစ်ပြီး သူက မြိတ်လေတပ်စခန်းရဲ့ ဌာနချုပ်မှူးပါ။ ကြည်းတပ်မှာဆိုတပ်မမှူးသဘောပေါ့။ သူ့ကိုဘစိန်မဆင်းခင် ခန့်သွားခဲ့တာပါ။ ဆိပ်ကမ်းညွှန်မှူးဦးနီအောင်ဟာ ဗိုလ်မှူးအဆင့်သာရှိလို့ သိပ်မသိပါ။ ဒါပေမယ့် သူဟာ ဒလဆိပ်ကမ်းဆောက်တာကို ဒီဇိုင်းမှားရင် သမိုင်းတရားခံအဖြစ်မခံနိုင်လို့ဆိုပြီး ထကန့်ကွက်ခဲ့သူပါ။

မြန်မာပြည်မှာ စက်ရုံတစ်ခုလာဆောက်ရင် အခွန်ဆောင်ရမှာဖြစ်ပြီး ပြီးရင် ဆိပ်ကမ်းကဖြတ်ပြီး နိုင်ခံခြားကို ပို့ရမှာပါ။ တင်သွင်းရင်လဲ ဆိပ်ကမ်းကတဆင့်ပေါ့။ ဒါဆိုရင် ဦးပိုင်မှာ အကောက်ခွန်ညွှန်ချုပ်နဲ့ဆိပ်ကမ်းညွှန်ချုပ်ပါနေတာဟာ အကျိုးစီးပွါးကင်းတယ်လို့ ပြောလို့ရပါမလား? Conflict of interest မရှိဘူးလို့ ပြောလို့ရပါ့မလား? ဒလတံတားကို သမိုင်းတရားခံ အဖြစ်မခံနိုင်လို့ မိမိအစိုးရကို ရဲရဲတောက်ကန့်ကွက်ခဲ့သူဟာ မိမိက ဦးပိုင်မှာ ဒါရိုက်တာဖြစ်နေတာကို သမိုင်းတရားခံ အဖြစ်မခံနိုင်လို့ဆိုပြီး ဘာကြောင့် မနုတ်ထွက်တာပါလဲ? မေးစရာမေးခွန်းလေးတွေပါ။ ယခုလို အကောက်ခွန်ညွှန်ချုပ်နဲ့ဆိပ်ကမ်းညွှန်ချုပ်က တပ်ဦးပိုင်ကုမ္ပဏီမှာ ပါနေတာက ရင်းနှီးမြုပ်နှံသူတွေရဲ့ ယုံကြည်မှု (investor confidence)ကို လျော့ကျစေပါတယ်။ ဒါတင်လားဆိုတော့ မဟုတ်ပါ။ သူတို့ပါနေတာကို မကြေညာတာကိုက အဂတိအမှုမြောက်ပါတယ်။ ဒေါ်လဲ့လဲ့မော်ကို အရေးယူခဲ့တဲ့ အဂတိဟာ ဒီကိစ္စကိုလဲ အရေးယူရပါမယ်။ အခွန်ကောက်တဲ့အဖွဲ့ဟာ မိမိညွှန်ချုပ် ဒါရိုက်တာလုပ်နေတဲ့ ကုမ္ပဏီကို ဘယ်လို အဂတိကင်းကင်းကောက်မလဲ? ဆိပ်ကမ်းဟာလဲ မိမိညွှန်ချုပ် ဒါရိုက်တာလုပ်နေတဲ့ ကုမ္ပဏီကို အဂတိကင်းစွာဘယ်လိုကိုင်တွယ်မလဲ? သူတို့မသိဘဲ နာမည်ထည့်လဲ အရေးယူရပါမယ်။ ဒါက လုပ်ရမယ့်ကိစ္စပါ။ ဒီမိုအစိုးရအနေနဲ့ ၂၀၁၀ အရှေ့ပိုင်း အရေးမယူတာ လက်ခံပါတယ်။ ၂၀၁၅ အထိလဲ အရေးမယူတာလက်ခံပါတယ်။ ဒါပေမယ့် မိမိတက်အပြီးနောက်ပိုင်းတော့ အရေးယူသင့်ပါတယ်။

ဒီထက်အရေးကြီးတာက ဦးပိုင်ဟာ ကုလစုံစမ်းရေးအဖွဲ့က စီးပွါးရေးပိတ်ဆို့သင့်တဲ့ ကုမ္ပဏီထဲမှာ ပါနေပါတယ်။ သူတို့က မြန်မာပြည်သူမထိအောင်လုပ်နေပါတယ်။ ဒါကိုအစိုးရက အရေးမယူရင် အစိုးရstate ကို ပါလာထိပါမယ်။ ဥပမာ အကောက်ခွန်နဲ့ ငွေကြေးမလုပ်ရတာမျိုး မြန်မာ့ဆိပ်ကမ်းအာဏာပိုင်ကိုပိတ်လို့ ဆိပ်ကမ်းမသုံးနိုင်တာမျိုးဆို တိုင်းပြည်နာပါတယ်။

ဒါကို သမ္မတရုံးက ဇော်ဌေးပြန်ဖြေတဲ့ပုံစံက အများကြီးပေါ့ပြီး ကာဖြေသွားတာပါ။ သူက မဖတ်ရသေးဘူးဆိုပြီး သတင်းထောက်ကပို့တော့ မသိသေးဘူး လုပ်ပါတယ်။ ကွီးကိစ္စဖြေပုံနဲ့ ကွာပါတယ်။အမှန်ကတော့ သူတို့ group မှာ ကွီးကိစ္စရော ညွှန်ချုပ်ကိစ္စရော သိပါတယ်။ ယခုလိုရေးပြရတာကDASSK၊ သမ္မတကြီးနှင့် NLD လူကြီးများ ဒီကိစ္စရဲ့ တိုင်းပြည်အပေါ် အကျိုးသက်ရောက်မှုကို သိနိုင်အောင်ပါ။ စီးပွါးရေးအပိတ်ခံရမှ နောက်က လိုက်ရှင်းလို့မရပါ။ အကောင်းဆုံးကတော့ သူတို့ကိုတာဝန်မှရပ်စဲပြီး အဂတိက အရေးယူတာပါ။

News & Photo Source: Myanmar Now