မယ့်စဲမှသည် နေပြည်တော်သို့

မယ့်စဲကျသွားတော့ တပ်ထဲမှာပြောတာက ဟိုကောင်တွေဘက်ပြောင်းသွားလို့ပါအဘပေါ့။ ဟိုကောင်တွေမြို့မသိမ်းနိုင်ဘူး။

နောက်အထက်ကနေ အမိန့်ကျလာတယ်၊ တစ်ပတ်အတွင်းပြန်သိမ်းပါပေါ့။ မိုးမြင့်ထွန်းကနေတဆင့် မအလပြောတယ်ဆိုပြီး စစ်ဆင်ရေးအထူးအဖွဲ့မှူးတွေကို ညှိနှိုင်းရေးမှူးကိုကျော်ပြီး အမိန့်ပေးတာ။ သူနဲ့ကအဆင့်အတူတူ။ ဒါပေမယ့် အဘအမိန့်ပေါ့။

တပ်ထဲမှာ နောက်ဂျင်းက ခြုံခိုအတိုက်ခံရလို့ သေတာဖြစ်ပြီး ရန်သူရဲ့ အခိုင်အမာစခန်းတွေကို လေကြောင်း၊အမြောက်၊ ရဟတ်ယာဉ်၊ ဒရုံးတွေ၊ ရေကြောင်းတွေနဲ့ ခြေမှုန်းလို့ရတယ်ဆိုတဲ့ ဂျင်းပါ။ ဒါနဲ့ တပ်တွေစု၊စစ်ကြောင်းဖော်၊ ထိုးစစ်ဆင်တာတွေကို စလုပ်ခဲ့ပါတယ်။ ဇူလိုင် ၁၉ ထဲက ယခုအချိန်ဆိုရင် တစ်လပြည့်ပါပြီ။ဘာမှ ပြန်မသိမ်းနိုင်ခဲ့ပါ။

လက်ခတ်တောင်က မြဝတီကိုအပေါ်စီးက ထိန်းထားလို့ လက်ခတ်တောင်ကျရင် မြဝတီကျပြီလို့ စစ်ရေးအရပြောလို့ရပါတယ်။ ယခုမြဝတီကို ထိန်းထားနိုင်တာက PDF/KNLA က လက်နက်ကြီးနဲ့ ရမ်းမပစ်လို့ပါ။ မအလတပ်လုပ်သလို ရမ်းပစ်ရင် မြဝတီက ထန်တလန်လို ဖြစ်သွားမှာပါ။ ဒါကြောင့် မအလက တပ်စုံလွှတ်ပြီး စစ်ဆင်ရေးဝင်နေတာပါ။ ယခုအချိန်မှာ ကရင်နီက မယ့်စဲရော၊ လက်ခတ်တောင်ပါ ပြန်မသိမ်းနိုင်တာ အားလုံးသိမှာပါ။ သိမ်းနိုင်ရင်တောင် ထိန်းနိုင်ဖို့က မလွယ်ပါ။ ဒါက ယခင်က ရန်သူ့စခန်းဆို လိုင်ဇာတက်သိမ်းမယ်ပြောနေသူများအတွက်သူတို့အရည်အချင်းကို မယုံစရာ ဖြစ်လာနေပါပြီ။ ယခုဆိုရင် တပ်ရင်းမှူး၊ ဗျူဟာမှူးကျတာကို ဟန်ဆောင်ပြီး ငြင်းနိုင်တဲ့ အခြေအနေတောင် မရှိတော့ပါ။ ပြည်သူက NUG အောက်က PDF တွေကို ဆက်လှူပြီး အပြီးသတ်နိုင်အောင်ကြိုးစားဖို့ပါ။ ဒီလိုအချိန်မှာ ဒီလိုနေရာတွေကို သိမ်းနိုင်မယ်လို့ ဘယ်မြန်မာ့အရေးကျွမ်းကျင်သူကမှ မထင်ခဲ့ပါ။ များများလှူရင် မြန်မြန်ရောက်မှာက ဒီမိုကရေစီနိဗ္ဗာန်ဘုံပါ။