DASSK အတွက်စိုးရိမ်လာသောဖွတ်နှင့်ဘောမများ

ဖွတ်တွေ၊ မဘသတွေ၊ ဘောမတွေဟာ DASSK ကို မျိုးစုံ ဆဲဆို ဝေဖန်ခဲ့ကြပါတယ်။ အပြစ်တင်ရာမှာလဲ ဖွတ်တွေ၊ မဘသတွေ၊ ဘောမတွေက ထိပ်ဆုံးကပါ။ သူမအသက်ကိုတောင် ရန်ရှာဖို့ အကြိမ်ကြိမ်ကြိုးစားခဲ့သူများပါ။ ဒါပေမယ့် ယခုနောက်ပိုင်း PDF အားကောင်းလာချိန်မှာ ဖွတ်များ၊ မဘသများ၊ဘောမများရဲ့ လေသံဟာ ပြောင်းသွားခဲ့ပါတယ်။

ပထမဆုံးက သူတို့ရဲ့ ခေါင်းကိုင်ဖခင်ကြီး မအလပါ။ သူက DASSK အနေနဲ့ PDF ကိစ္စ၊ CRPH NUG ကိစ္စကို မှတ်ချက်ပေးနိုင်ကြောင်း စပြောပါတယ်။ DASSK က သူ့အဖေ နေဝင်းနဲ့သန်းရွှေခေတ်ထဲက ခံချလာသူ နိုင်ငံရေးပါးဝသူမိုလို့ ဘာမှ မတုန့်ပြန်ခဲ့ပါ။ သူမနောက်ဆုံးပြောသွားတာက ပြည်သူရဲ့ဆုံးဖြတ်ချက်ကို လေးစားလိုက်နာမယ်ဆိုတာပါ။ သူမက ပြည်တွင်းက လွတ်နေတဲ့ NLD CEC တွေ EC တွေကိုလဲ ပြည်ပဧည့်သည်များနဲ့ တွေ့တဲ့အခါ တွေ့ချင်ရင် လူပုဂ္ဂိုလ်အနေနဲ့သာ တွေ့နိုင်ပြီး ပါတီကိုကိုယ်စားပြုမတွေ့နိုင်ကြောင်း ပြောထားခဲ့ပါတယ်။ အခြားကိစ္စများကို NLD CEC စုံညီအစည်းအဝေးထိုင်နိုင်မှ မှတ်ချက်ပေးမယ်လို့ ပြောထားသူပါ။

ဒီလို သူမက ဘာမှ PDF, CRPH နဲ့ NUG ကို မှတ်ချက်မပေးတဲ့အခါ NLD က အထုတ်ခံရတဲ့ စစ်ခွေးဒလန် ကျော်ဇေယျက သူမထံသဘောထားမှတ်ချက်ကို မြဝတီကသွားမေးပြီး အသံဖမ်းဖို့ ပြီးရင် ပြန်လွှင့်ဖို့ အင်တာဗျူးမှာ ထည့်ပြောသွားပါတယ်။ ဘောမအေးမောင်ကလဲ အမကြီးအနေနဲ့ PDF တွေကိုရပ်ခိုင်းဖို့ ကြေညာချက်ထုတ်ပေးပြီး မအလကလဲ ပြေလည်ဖို့ ဘာညာဆိုပြီး ရေလာမြောင်းပေးလုပ်သွားခဲ့ပါတယ်။

ဒီထက်ပိုဆိုးတာက ယခင်က DASSK ကို ထောင်ချဘာညာဆိုပြီး အသံကျယ်ခဲ့သူ မဘသ၊ဖွတ်နဲ့ ဘောမတွေက စာရေးသူက PDF ကြောင့် မြန်မာ့နိုင်ငံရေးက ပြောင်းသွားပြီ DASSK ဆီမှာ ယခင်ကမရှိခဲ့တဲ့တပ် ယခုရှိလာပြီလို့ ရေးရင်တောင် အမယ်အိုကြီးကို ထောင်ထပ်ကျအောင် မလုပ်ပါနဲ့ ဘာညာဆိုပြီးခြိမ်းခြောက်သလိုလို သူမကို သနားသလိုလိုနဲ့ DASSK ကို ဖေးမနေကြတာပါ။ သူတို့စိုးရိမ်တာကစာရေးသူက DASSK မှာ တပ်ရှိလာပြီလို့ရေးလို့ DASSK ကို ထောင်ထပ်ကျမှာ အထူးစိုးရိမ်ပြနေကြတာပါ။ ပုံမှန် ထမင်းစားကြီးသူဆိုရင် ယခုထဲက DASSK ကို မတရားတဲ့ ပုဒ်မတွေနဲ့ဖမ်းတရားစွဲထားတာ လူတိုင်းသိပါတယ်။ ဒါကြောင့် DASSK ဟာ တပ်ရှိရှိ မရှိရှိ မအလထောင်ချတာကို ခံနေရတာပါ။ယခုလက်ရှိစွဲထားတဲြအမှုကတင် ထောင်နှစ် ၁၀၀ နီးပါးရှိပါတယ်။ သန်းခေါင်ထက်ပိုညဉ့်မနက်ပါ။သူတို့ မဖြစ်စေချင်တာက DASSK မှာ တပ်ရှိတယ်ဆိုတာကြောင့် PDF ကို လူတွေက ပိုထောက်ပံ့မှာကိုသေမလောက်ကြောက်လာနေတာပါ။

ယခုမအလတပ်ရဲ့ ပြဿနာက လက်ရှိ PDF တွေ လက်နက်ပိုရလာရင် သူတို့ကို ဒုက္ခပေးလာမယ်ဆိုတာ သူတို့ကောင်းကောင်းသိပါတယ်။ PDF တွေမှာက အချို့လက်နက်ကိုင်တွေလို မအလနဲ့ဘိန်းရောင်းရရင် ကျေနပ်နေမှာ မဟုတ်ပါ။ မအလကို သွေးကြွေးဆပ်လိုသူများနဲ့သာ PDF က အများစုဖွဲ့ထားတာပါ။ ယခုမအလအတွက်က ချင်း၊ ကချင်၊ ကရင်၊ ကယားနဲ့ စစ်ကိုင်း၊ မကွေးမြောက်မှာPDF တွေကို နှိမ်နင်းဖို့ တပ်အင်အားလိုနေပါတယ်။ ယခုဆိုရင် မွန်နဲ့ တနင်္သာရီက PDF တွေကလဲ မအလကို စကြွေးနေတာတွေ့ရပါတယ်။

ဒါတွေကို တန်ပြန်ဖို့ မအလနဲ့အဖွဲ့ဟာ DASSK ကို ရုတ်တရက် စိုးရိမ်လာတာ ချစ်လာတာ တွေ့ရပါတယ်။ ဒါပေမယ့် နောက်ကျသွားခဲ့ပါပြီ။ ပြည်သူက ဒီပွဲကို အဆုံးအထိသွားမှာပါလို့ ပြောပါရစေ။