top of page
Search
  • Writer's pictureMyat Tun Oo

အသံတိတ်သပိတ်နှင့် မအလ


မနက်ဖြန် ဒီဇင်ဘာ ၁၀ ရက်မှာ အသံတိတ်သပိတ်ဆိုပြီး လိုင်းပေါ်မှာတွေ့တာ မကြာသေးပါ။အဆိုပါကိစ္စ အစပိုင်းမှာ လူမသိပေမယ့် ဆယ်လီတွေတင်ချိန်မှာ မအလကလဲ အောက်က သူ့တပ်တွေက ဒီအသံတိတ်သပိတ်ပျက်အောင် စျေးတွေဖွင့်ဖို့ အကုန်ဖွင့်ဖို့ ညွှန်ကြားပါတော့တယ်။ ဒီမှာအောက်ခြေကလဲ ရေပါတာသာ လိုချင်တယ်ဆိုတဲ့ အသိဉာဏ်နဲ့ စျေးမဖွင့်မနေရမဖွင့်ရင် ဆိုင်ခန်းသိမ်းမယ် ဘာညာ အလွန်အကျွံ လုပ်လာပါတယ်။ အဲဒီစည်ပင်အုပ်ချုပ်ရေးမှူးအိမ် အဝုန်းခံရရင် သူက အပြစ်မဲ့ပြည်သူဆိုပြီး ဘီဘီစီမှာ ငိုပြပါလိမ့်မယ်။

ယခုမအလတပ်ဖြစ်နေတာက မြန်မာပလာဇာလိုဘဲ စျေးသည်တွေကို ဖိအားပေးလို့ရပေမယ့်ပြည်သူတွေကို ဘာမှလုပ်မရပါ။ ပြည်သူတွေကို လမ်းပေါ်အတင်းထွက်ခိုင်းရင်လဲ သူ့ရူးသူပတ်မှာပါ။ ဒီအသံတိတ်သပိတ်က အချို့ကြောက်လို့ အပြင်မထွက်ရဲသူများလဲ မပင်ပန်းဘဲလုပ်ရလွယ်တာပါ။

နောက်မအလတပ်ဟာ ကားတိုက်သတ်တာ မီးရှို့သတ်တာတွေလုပ်နေပေမယ့် ပြည်သူတွေက ကြောက်ပြီးမရပ်သွားဘဲ ရှေ့သာပိုတိုးလာတာ တွေ့နေရပါတယ်။ မနေ့က သူ့ယောင်္ကျား မအလတပ်က မီးရှို့သတ်လို့ သေသွားသူ အမျိုးသမီးက မအလတပ်ကို ကျိန်စာတိုက်ပြီးဆက်တိုက်ပွဲဝင်မယ်လို့ ပြောသွားတာက ကြက်သိမ်းထစရာ အလွန်ကောင်းပါတယ်။ သူမရဲ့သတ္တိကိုလဲ လေးစားပါတယ်။ ဒါက ဗမာ့မြေပါ။ ဗမာသူရဲကောင်းတွေလာတဲ့နေရာဆိုတာ မမေ့ပါနဲ့။

အကျဉ်းချုပ်ရရင် အသံတိတ်သပိတ်က ဘယ်သူစလဲ မသိပေမယ့် မအလရဲ့တပ်နဲ့ သူ့အုပ်ချုပ်ရေးအဖွဲ့တွေဟာ ဒါကိုတုန့်ပြန်ဖို့ အချိန်တွေ၊ လူတွေ၊ ငွေတွေ အများကြီး သုံးနေရပါပြီ။ ဒါက မနက်ဖြန် သာမန်လူအပြင်မထွက်ချိန် သူ့လူတွေအပြင်ထွက်ရင် မုန့်ဟင်းခါးအကျွေးခံရအုံးမှာ မပါသေးပါ။ ယခု မအလဟာ ယခင်ကလို သူ့အကွက်ကို အခြားလူက လိုက်ကစားတာမဟုတ်ဘဲ ဘယ်ကစမှန်းမသိတဲ့ အကွက်နဲ့လဲ အလူးအလဲ ခံနေရတယ်ဆိုတာပါ။လေပေါ်က အကျွေးခံနေရတာက အခံရအခက်ဆုံးပါ။

731 views1 comment

Recent Posts

See All

ရာထူးတက်သူတွေပျော်လား?

ရာထူးတက်သူတွေပျော်လား? ယခင်က တပ်ထဲမှာ ရာထူးတက်ရင် လူတိုင်းပျော်ကြပါတယ်။ ယခုက ပြောင်းပြန်ဖြစ်လာနေပါတယ်။ အရန်အင်အားရောက်သူများက အချင်းချင်း Congratulations လုပ်ကြပြီး စစ်သံဖြစ်သွားသူက ထီပေါက်သလို ဖြစ်နေ

1 Comment


Myint Soe Oo
Myint Soe Oo
Dec 09, 2021

ဦးမြတ်!!!ဘာသာအယူဖြင့် စတင်ပါ၏။

ဆင်းရဲဒုက္ခအပေါင်းမှ အပြီးတိုင်

လွတ်မြောက်မှုသည်

ငြိမ်းချမ်းမှုနှင့် ယှဉ်သော ချမ်းသာသုခစစ်ကို ပေးစွမ်း၏။

သို့ပါ၍ ဆရာကြီး ဦးရွှေအောင်က

**ဝိမုတ္တိ ရသ**ဟု ညွှန်းဆိုခဲ့ပါသည်။


~~~~~~~~~~~~~~~~~~~~~~~~~~~~~

လူသားတို့နေထိုင်ရာ ကမ္ဘာမှာလည်း ငြိမ်းချမ်းသောတိုင်းပြည်ရှိ ပြည်သူများသာ လောကချမ်းသာကို ရယူသုံးဆောင်ကြရပါသည်။

ငြိမ်းချမ်းရေး နှင့် စည်ပင်သာယာ ဝပြောမှု တိုက်ရိုက်အချိုးကျပါသည်။

မျက်မြင်သာဓက။ ထန်တလန်မြို။

မည်သို့သော ချမ်းသာသုခ ရနိုင်ပါအံ့နည်း။ အပြီးတိုင် မလွတ်မြောက်သေးသောကြောင့်ပါ။ မလွတ်မြောက်သမျှ သုဿန်တစပြင်လို သွေ့ခြောက်နေရပါသည်။


~~~~~~~~~~~~~~~~~~~~~~~~~~~~~


ဆိတ်ဆိတ်နေခြင်းသည်

ဝန်ခံခြင်းမည်၏။

ကိုယ်နှင့် စိတ်ဝမ်း မငြိမ်းချမ်းခြင်းကြောင့်တစပြင်လို သွေ့ခြောက်မှုများရှိပါကြောင်း၊သို့ပါ၍ တိတ်ဆိတ်ရပါသည‌်ဟူသော အမြင် ပေးခြင်းဖြစ်ပါသည်။

မငြိမ်းချမ်းမှုနှင့်အတူ မတင့်တယ်မှု(မတင့်တယ်မှု= အသုဘ/ပါဠိဘာသာ)ယှဉ်တွဲနေကြောင်း အခြားနိုင်ငံများသို့ အသိပေးလိုဟန်ကြောင့်

အသံတိတ်သပိတ် ဖော်ဆောင်ခြင်းဟု

မြင်မိပါသည်။

မျက်ရည် ချုခြင်း မဟုတ်ပါ။

အမှန်မြင်အောင် သင်္ကေတဖြင့် သရုပ်ဖေါ်ခြင်းဖြစ်ပါသည်။

အမှန် နှင့် အမှား

အလင်း နှင့် အမှောင်

ဓမ္မ နှင့် အဓမ္မ

ဆန့်ကျင်ဘက်တို့ ဒွန်တွဲအားပြိုင်ကြပါသည်။

လောကစာပေမှာတော့

အမှောင် ခွင်း၍ အလင်း ဆောင်

ပညာတန်ဆောင် ဆီမီးဟု အဆိုရှိပါသည်။

အသံတိတ် သပိတ်သည် G Z တို့၏ ပညာအရောင်မို့ အမှန်မြင်‌ေစသော အလင်းမို့ အမှောင်ခွင်းပါပြီ။ အမှား ပျောက်ပါသည်။ အဓမ္မသားတို့ ကြောက်ကြပါသည်။


Like
bottom of page