အဘက ချစ်သူကို ဘာလုပ်မှာလဲ?

မအလကို  ရိုဟင်ဂျာအရေး ဘယ်ကဖမ်းဝရမ်းထုတ်တယ် ဘာညာပြောပေမယ့် နေပြည်တော်မှာ ရိုဟင်ဂျာကိစ္စ ဘာအစည်းအဝေးမှမလုပ်ပါ။ စီးပွားရေးပိတ်ဆို့တယ် ဘာညာကြေညာလဲ နေပြည်တော်မှာဘာအစည်းအဝေးမှမလုပ်ပါ။

ဒါပေမယ့် ယခုရက်ပိုင်း အမေရိကန်က ကျားဖြန့်နှိမ်နှင်းဖို့ထလုပ်ရာမှာတော့ အစည်းအဝေးတွေကဆက်တိုက်ဆက်တိုက် ဖြစ်နေပါပြီ။ အဘကိုယ်တိုင် ဘားအံဆင်းတာ နိုင်ငံခြားရေးဝန်ကြီးကိုသံတမန်တွေဆင့်ခေါ်ပြီး သူတို့မလုပ်ဘဲ ကျားဖြန့်တွေကသူ့ဖာသာ KNU, ကိုးကန့်၊ ဝ၊ မိုင်းလားတွေနဲ့ပေါင်းပြီး လုပ်နေကြောင်း အလျင်အမြန်ရှင်းပြတာကလည်း ရိုဟင်ဂျာကိစ္စထက် အလေးထားပြီးပြဿနာဖြစ်နိုင်ခြေရှိတယ်ဆိုတာကို အသိအမှတ်ပြုတဲ့ သဘောပါ။

ဒီကိစ္စက ယခုအချိန်မှ လူသိများလာပေမယ့် ဒေါ်နယ်ထွန်တက်ပြီးနောက်မှာ မအလကို ဒီကိစ္စရှင်းဖို့၊ဘိန်းကိစ္စရှင်းဖို့၊ ဆေးပြားကိစ္စရှင်းဖို့ မူစလင် အကြမ်းဖက် လက်နက်ကိုင်တွေကို အရေးကြီးဓာတုလက်နက်တွေ မထောက်ပံ့ဖို့ ပြောထားတာ ရှိပါတယ်။ မအလက စောချစ်သူရဲ့တပ်တွေအကူအညီနဲ့ ကရင်ကနယ်တွေကိုပြန်သိမ်းဖို့ မြဝတီကိုအလုံးစုံထိန်းချုပ်ဖို့အရင်လုပ်ပြီးမှ စောချစ်သူတို့နဲ့ကိစ္စရှင်းဖို့ထားထားလို့ပါ။

ယခုအချိန်မှာ မအလကို ဘာတွေတင်ပြထားလဲ? မအလကိုတင်ပြထားတာ‌တွေထဲမှာ ပထမဆုံးက စောချစ်သူနဲ့ ကျားဖြန့်နာမည်ကြီးပါဝင်သူ လက်နက်ကိုင်ထိပ်ပိုင်း ခေါင်းဆောင်တွေကိုဖမ်းပြီး တရားစွဲတရားစီရင်ပြဖို့ပါ။။ ဒါပေမယ့် ဒီလိုလုပ်ခဲ့ရင် ပြဿနာက စောချစ်သူရဲ့အောက်က BGF တွေကKNLA နဲ့ပူးပေါင်းနိုင်လို့ ဒါဆိုရင်ဘယ်လိုကိုင်တွယ်ရမလဲဆိုတာကို နောက်ဆက်တွဲစာတမ်းမှာအသေးစိတ် မဖော်ပြနိုင်ဘဲရှိနေပါတယ်။

ဒုတိယအစီအမံက စောချစ်သူကို ထိုင်းနိုင်ငံထဲမှာ အဖမ်းခံရအောင် ကြိုးစားဖို့ပါ။ စောချစ်သူတင်မဟုတ်ဘဲ ကျားဖြန့်နဲ့ နာမည်ကြီးတဲ့ အခြား BGF, DKBA က လက်နက်ကိုင် ခေါင်းဆောင်တွေပတ်သက်သူတွေကိုအဖမ်းခံရအောင် ထိုင်းအစိုးရနဲ့ပူးပေါင်းဆောင်ရွက်ဖို့ပါ။ ဒါဆိုရင်ထိုင်းကဖမ်းသွားတာဖြစ်လို့ BGFတွေကို အခြားခေါင်းဆောင် ပြောင်းလိုက်လို့ရှိရင် အဆင်ပြေသွားနိုင်ပါတယ်။ဒါပေမယ့် ဒီအစီအစဉ်မှာ အားနည်းချက်က စောချစ်သူနဲ့ အခြားအဖမ်းခံရတဲ့ BGF, DKBA ခေါင်းဆောင်တွေက သူတို့တင်လုပ်တာမဟုတ်ဘဲ အခြားမအလတပ်ထဲက ခေါင်းဆောင်တွေ ကြံ့ဖွတ်ကခေါင်းဆောင်တွေနာမည်ပါ ဆွဲထည့်ရင် ကမ္ဘာ့မီဒီယာမှာ နာမည်ပျက်နိုင်တဲ့ အခြေအနေနဲ့ ရင်ဆိုင်ရနိုင်တယ်လို့ ဆိုပါတယ်။

တတိယ‌ ရွေးချယ်စရာအနေနဲ့ ထောက်ခံတင်ပြထားတဲ့အချက်ကတော့ စောချစ်သူနဲ့ အခြားကျားဖြန့်နဲ့ပတ်သက်တဲ့ BGF, DKBA ခေါင်းဆောင်တွေကို ဘယ်သူကလုပ်မှန်းမသိဘဲ စရဖက လုပ်ကြံလိုက်ဖို့ပါ။ ဒါဆိုရင် ကျန်ခဲ့တဲ့ BGF, DKBA က ဘက်‌ ပြောင်းဖို့နည်းသလို ထိုသူတွေကိုလည်း နုတ်ပိတ်နိုင်မယ်ဆိုတာပါ။

ဒီအချက်တွေကို စရဖရုံးက မအလထံတင်ပြထားပြီး ခွေးကောက်ပွဲအပြီး မအလအမိန့်ကျတာနဲ့လှုပ်ရှားမှာပါ။ ခွေးကောက်ပွဲကိုစောင့်တာက ခွေးကောက်ပွဲမတိုင်ခင် သွားကြမ်းရင် BGFနဲ့ DKBA ကရွေးကောက်ပွဲဖျက်မှာစိုးလို့ပါ။

ယခုဖော်ပြထားတဲ့ ကျားဖြန့်နဲ့ပတ်သက်တဲ့ စောချစ်သူနဲ့ အခြား BGF က ထိပ်ပိုင်းခေါင်းဆောင်တွေဟာ မအလထံအဖမ်းခံရတာ၊ ထိုင်းရဲထံ အဖမ်းခံရတာနဲ့၊ ရှင်းလင်းခြင်းခံရတာဆိုတဲ့ နည်းလမ်းသုံးခုထဲက ဘယ်ဟာရွေးရွေး ကောင်းတာမတွေ့ရပါ။ မအလအတွက်က သူ မနှိမ်နင်းရင် အမေရိကန်ကNUG PDF ကို လက်နက်ပေးနိုင်လို့ သူစစ်ရှုံးဖို့ ပိုများသွားမှာပါ။ ပြည်သူလူထုအားလုံးကတော့ မိမိတပ်ကို အခွင့်သာရင် ဆီးရီးယားမှာလို မြို့တော်အထိ တက်တိုက်နိုင်အောင် NUG PDF ကို ထောက်ပံ့ပေးထားပါ။ NUG ကလဲ NGO လို မတွေးမိပါစေနဲ့။ ဒါဆိုရင် နိုင်မှာပါ။