top of page
Search

The Pianist ရုပ်ရှင်ကားမှပြောသော တော်လှန်ရေး

Writer's picture: Myat Tun OoMyat Tun Oo

စစ်ဖြစ်ရင် အသေအပျောက်များပါတယ်။ အပျက်အစီးလဲများပါတယ်။ ကောင်းလားဆိုတော့ မကောင်းပါ။ ဒါ့ကြောင့် DASSK က တိုင်းပြည်ကောင်းအောင် တတ်နိုင်သမျှ စွန့်လွှတ်သီးခံပြီးတော့ရင်ကြားစေ့ရေးကို ရွေးခဲ့ပါတယ်။ ဒါပေမယ့် မအလက လက်နက်နဲ့ အာဏာသိမ်းလို့ ပြည်သူတွေကတွန်းလှန်ရပါတယ်။ ဒါက နာဇီဂျာမနီက ကျူးကျော်လို့ ဒုတိယ ကမ္ဘာစစ်ဖြစ်ရတာမျိုးပါ။

ဒီနေရာမှာ အချို့က စစ်ဖြစ်ရင် ပြည်သူသေတာ အိမ်မီးလောင်တာတွေကိုပြပြီး ကြားထဲကလူတွေကနာနေတယ် မအလကတော့ ရပ်မှာမဟုတ်ဘူး ဒါ့ကြောင့် NUG က အလျှော့ပေးဖို့ NLD ကသာ အလျှော့ပေးဖို့ သွယ်ဝှိက် ပြောသူများလဲရှိလာတာ တွေ့ရပါတယ်။ အဆိုပါ ပြောသူများက ဘာနဲ့တူလဲဆိုတော့ သူ့သမီး မုဒိမ်းကျင့်ခံရတာကို မုဒိမ်းကျင့်သူကို ရဲမဖမ်းခိုင်းဘဲနဲ့ နင်ကလေးရပြီ မုဒိမ်းကောင်ကိုယူလိုက်လို့ ပြောနေသူများပါ။


ဒါ့ကြောင့် တော်လှန်ရေးမှာ ဖြစ်တတ်တာတွေကို ရန်ကုန်၊ မန္တလေး မြို့ပြကလူများ ပြင်ဆင်ထားနိုင်အောင် အော်စကာဆုရ “The Pianist” ရုပ်ရှင်ကားထဲက ဇတ်ဝင်ခန်းအချို့ကနေ ဥပမာပေး ပြောပြလိုပါတယ်။ ဒါက တော်လှန်ရေးသမားများအတွက်ရော၊ သာမန်ပြည်သူများအတွက်ရော၊ ဘောမများနဲ့စစ်ခွေး ရဲခွေးများအတွက်ပါ သိသင့်တဲ့အချက်များပါ။


ပိုလန်မြို့တော် ဝါဆောဟာ နာဇီဂျာမနီလက်ထဲကျခဲ့ပါတယ်။ ပိုလန် PDF က နာဇီရဲစခန်းကို ဝင်ပစ်ပါတယ်။ နာဇီက ထိသွားသူကို ကြက်ခြေနီဝတ်စုံနဲ့ အလောင်းကောက်ပါတယ်။ ပိုလစ်တွေက နာကျည်းနေလို့ ဆက်ပစ်ပါတယ်။ အဲ့ဒီအချိန်မှာ နာဇီတွေက တင့်ကားနဲ့လာပြီး သူတို့ကိုပစ်တဲ့အိမ်ကို တင့်ကားနဲ့ပစ်ပါတယ်။ ဒါက ဖက်ဆစ်မအလတပ်လုပ်ပုံနဲ့ သွားတူတာကို တွေ့ရပါတယ်။


အဆိုပါကားထဲမှာ ပိုလန် PDF တွေက မြို့ထဲမှာ စတိုက်တော့ နာဇီတွေဟာ သဲအိပ်တွေ သံဇကာတွေကာပြီးနေရပါတယ်။ အိမ်တွေပျက်ဆီးပါတယ်။ မီးလောင်ပါတယ်။ သူခိုးရှိပါတယ်။ ဒါပေမယ့် ပိုလန်လူမျိုးတွေဟာ နာဇီအောက်က လွတ်မြောက်ဖို့ ပေးဆပ်ခဲ့ကြပါတယ်။ ၁၉၃၉ ကနေ ၁၉၄၅ အထိပါ။

နောက်ရုရှားတပ်တွေ ပိုလန်ကိုဝင်သိမ်းတော့ နာဇီတွေကိုဖမ်းထားပါတယ်။ နာဇီကဖမ်းထားတဲ့ ပိုလန်PDF တွေ ဂျူးတွေကို ပြန်လွှတ်ပါတယ်။ အဲ့ဒီအချိန်မှာ နာဇီထဲကတစ်ယောက်က ငါ စန္ဒယားတီးဆရာကို ကယ်ခဲ့ဖူးတယ် ငါ့ကိုပြန်ကယ်ပေးပါဆိုပြီး ထလုပ်ပါတယ်။ မအလတပ်တွေ ဘောမဝန်ထမ်းတွေလဲ ထိုအချိန်ကြမှာ ငါတို့က ကယ်ခဲ့ဖူးတယ်ဆိုပြီး လွတ်အောင်လုပ်ဖို့ မကြိုးစားဘဲ ယခုအချိန်ထဲကPDF ကို လက်တွေ့ကူပြရပါမယ်။


ယခုရေးပြတာက တော်လှန်ရေးမှာ ပေးဆပ်ရတာတွေကို သိအောင် မျှော်မှန်းထားနိုင်အောင်ပါ။ ဘယ်အရာမှာ အလကားမရပါဘူး။ လွတ်လပ်ရေးရဖို့ဆိုတာ ပေးဆပ်ရပါတယ်။ ပြင်သစ်မှာလဲတော်လှန်ရေးကို ဖြတ်ခဲ့ရသလို စာရေးသူတို့ကလဲ စစ်ကျွန်မခံလိုရင် တော်လှန်ရေးကို ဖြတ်ရမှာပါ။ယခုအချိန်မှာ စစ်ကိုင်းကပြည်သူတွေ ရွာတွေကပြေးနေတယ်လို့ ထင်ရပေမယ့် စစ်ကိုင်းမှာ ဧည့်စာရင်းတိုင်စရာမလိုတော့ပါဘူး။ စစ်ကိုင်း PDF က လမ်းပိတ်ဆို ပိတ်ရပါတယ်။ ရန်ကုန်ဟာစစ်မြေပြင်မဖြစ်ပေမယ့် ပြည်သူတွေက အပြင်ထွက်ရင် ဘယ်အချိန်ဖုန်းအစစ်ခံရမလဲ အဖမ်းခံရမလဲအသတ်ခံရမလဲ ကြောက်နေရပါတယ်။ အချို့အဖမ်းခံရရင် သိန် လေး ငါးဆယ်ပေးပြီး ပြန်ရွေးနေရပါတယ်။ ရေရှည်မှာ ပေးဆပ်သူတွေအတွက် လွတ်လပ်မှုက လာမှာပါ။


(Photo Credit: The Pianist)

546 views2 comments

Recent Posts

See All

For Mr Marco Rubio

ဒါက Twitter/X မှာ အမေရိကန်နိုင်ငံခြားရေးဝန်ကြီးကို ပြောထားတာပါ။ Today, the junta Min Aung Hlaing staged a coup and arrested our elected...

2 Comments


Myint Soe Oo
Myint Soe Oo
Dec 01, 2021

ဦးမြတ်!!!ပြီးခဲ့သည့် ရက်ပိုင်းကDASSK ရုံးထုတ်ခါနီး စာမျက်နှာများမှာ**တရားစောင့် နတ်မင်း**ကို တိုင်တည်ပြုမှုများကို သတိထားမိပါသည်။

ွ့ ဗုဒ္ဓဘာသာရှုထောင့်မှ တင်ပြပါရစေ။

နတ် ဆိုသည်မှာ **နာထ** ဟူသော ပါဠိစာပေမှ ဆင်းသက်လာပြီး **ကိုးကွယ်ရာ**ဟု အနက်အဓိပ္ပါယ်ရပါသည်။

ဘုရားဟောဒေသနာတွင်

အတ္တာဟိ အတ္တာနော *နာထော*

မိမိ၏ (ကံ ဉာဏ် ဝီရိယ )သည်သာ၊ မိမိအတွက် ကိုးကွယ် အားထားရာဟု အနက်အဓိပ္ပါယ်ရ ပါသည်။

ယခု နွေဦးအောင်မြင်ခြင်းသည် ပါဝင်သူအသီးသီး၏ ကံ ဉာဏ် ဝီရိယ ကို၊ အားကိုးအားထားပြုခြင်းကြောင့်သာဖြစ်ပါသည်။ အကျင့်နှင့်တူသော အကျိုးကို ပစ္စက္ခတ်မှာ ခံစားရပါပြီ။

နာထ ဟူသော ကိုးကွယ်ရာ *နတ်* ၊အစွမ်း ရှိပါသည်။ တခြား အဝေးမှာ ရှာရန်မလိုပါ။ မြန်မာ ပလာဇာ ကိစ္စမှာ တရားစောင့်နတ်မင်းဆိုသည်ကို ထင်ထင် တွေ့နိုင်ပါသည်။

အလွဲလွဲအချေ‌ာ်‌ေချာ် အလွဲတော်များကို ဆက်စပ်တင်ပြပါရစေ။

ယခု ရက်ပိုင်း မင်္ဂလာဆောင်နှစ်ခုနှင့်ပတ်သက်ပါသည်။ သူတို့သမီးနှင့် အရံအတွက် မိတ်ကပ်နှင့်အသုံးပြုမှု သိန်းခုဂဏာန်းမျှ သုံးစွဲပါသည်။ သူတို့သမီး/သားတို့ ဝတ်စုံစရိတ်သည် သိန်း ဆယ်ဂဏန်း

မျှကုန်ကျပါသည်။ တစ်ဦးက ကျောင်းဆရာမ။ နောက်တစ်ဦး သူတို့သားက သပိတ်အားကောင်းစဉ်က ရှေ့ဆောင် ဆိုင်းဘုတ်ကိုင်သူ။ တချိန်က တက်ကြွစွာပါဝင်ခဲ့သူ။နှစ်ဆောင်စလုံး ခမ်းမငှါး၍ ကျင်းပကြပါသည်။ ဗုဒ္ဓဘာသာဝင်များဖြစ်ကြပါသည်။

အကယ်၍သူတို့တ‌ေ‌တွသာ မျှော်ရည်နိုင်သောစွမ်းရည် I Q မြင့်ပါက၊ ယခု ဂုဏ်ဆာ၍ ကုန်ကျမည့် ငွေပမာဏကို မည်သည့်နေရာမှာ သုံးသင့်သည်ကို ခုချိန်မှာ သိသင့်ပါသည်။နောင် ၃~၄ နှစ်ခန့်ဆိုလျှင် သူတို့တတွေ ကလေးရင်သွေးရပါတော့မည်။ ငါတို့ကလေးကို ငါတို့လိုပဲ အမှောင်ထဲမှာ မလျောက်ရအောင် ဟူသော အတွေးအမြင် ရှိသင့်ပါသည်။

ဉာတကာနဉ္စ သင်္ဂဟော(အမျိုးအဆွေများကို ထောက်ပံ့ခြင်း) ရွတ်တာတော့ ရွတ်နေပါသည်။ လက်တွေ့နယ်မှာ ကျင့်သုံးဖို့ အသိ မပါခဲ့ကြပါ။…


Like

ayeyarr
ayeyarr
Nov 30, 2021

FREEDOM IS NOT FREE!

Like
Join my mailing list

Thanks for submitting!

© 2023 by The Book Lover. Proudly created with Wix.com

bottom of page