NUG ရဲ့ ဖက်ဆစ်တပ်အပေါ် မတရားအသင်း ကြေညာချက်က အရေးပါလား?
- Myat Tun Oo
- Jun 7, 2021
- 1 min read
ဒါမျိုးကို စာရေးသူက ကြေညာစေချင်တာ ကြာခဲ့ပါပြီ။ ဒါက ဘာထူးမလဲ? မအလရဲ့အဖွဲ့ဟာအကြမ်းဖက်အဖွဲ့လို့ နဂိုထဲက ပြောပြီးသားပါ။ သူ့တပ်မှာ ရဲမှာ ထွေအုပ်မှာ သူ့လက်အောက်မှာဝန်ထမ်းအဖြစ် အမှုထမ်းရင် အကြမ်းဖက်သမားတွေပါ။ ကမ္ဘာပေါ်မှာ အကြမ်းဖက်သမားတွေကိုတရားဝင်သုတ်သင်ချေမှုန်းလို့ရပါတယ်။ ပြီးမှ ကျွန်တော်ကျွန်မက မသိလို့ပါဆိုပြီး ရူးချင်ယောင်ဆောင်လို့မရပါလို့ ရဲ၊ တပ်နဲ့ အခြားဖက်ဆစ်ကျွန်ဝန်ထမ်းများကို ကြိုပြောထားပါရစေ။
နောက်အာဆီယံတို့ တရုတ်တို့က အကြမ်းဖက်အဖွဲ့နဲ့ စီးပွါးလုပ်ရင်လဲ သူတို့ရဲ့ စီးပွါးရေးလုပ်ငန်းတွေဟာ အကြမ်းဖက်အဖွဲ့ကို ထောက်ပံ့တဲ့ အကြမ်းဖက်စီးပွါးရေးလုပ်ငန်းတွေမိုလို့ ပြည်သူတွေက ပြည်သူကိုအခွန်မဆောင်ရင် ဒဏ်ခတ်နိုင်ပါပြီ။ မအလရဲ့ ဖက်ဆစ်တပ်ပိုင် စီးပွါးရေးလုပ်ငန်းတွေ စက်ရုံတွေ အလုပ်ရုံတွေကတော့ ဘင်လာဒင်ပိုင်သလိုမိုလို့ ကုလကပြောသလို အမေရိကန်ကလုပ်သလိုဖျက်ဆီးရှင်းလင်းရမှာပါ။
ဒီကြေညာချက်က ပြည်သူ့ကိုယ်စားလှယ်တွေက ထုတ်တာမိုလို့ တရားဝင်မှုဟာ ပိုရှိပါတယ်။ စာရေးသူတို့ ထိန်းချုပ်နယ်မြေရလာရင် ကမ္ဘာက ပိုစကားပြောလာမှာပါ။
ပြည်သူတွေကို ပြောချင်တာက စာရေးသူကိုတောင် ယူနီဖောင်းနဲ့တွေ့ရင် ဖက်ဆစ်တပ်ကမိုလို့ ပစ်သတ်သတ် ဗုံးနဲ့ဖောက်ဖောက် ခံပါ့မယ် ခံသင့်ပါတယ်လို့ ပြောပါရစေ။ လုပ်စရာရှိတာကိုသာပြတ်ပြတ်သားသားလုပ်ပါ။ DASSK ကလဲ ရန်သူ့ပေးစာကမ်းစာ မယူပါ။ ပြည်သူသာ အဓိကပါ။
ဦးမြတ်!!အမှန်ကို မြတ်နိုးသူတိုင်း သမာသမတ်ကျမှု တရားကို သဘောကျ နှစ်ခြိုက်ကြပါသည်။ ယုံကြည်စွာဖြင့် ထောက်ခံအားပေးကြပါသည်။
ပြီးခဲ့သည့် NUG on line အစည်းအဝေးက
သက်သေပြခဲ့ပါပြီ။
တစ်ယောက်နှင့် တစ်ယောက် ဆက်ဆံရေးမှာပင် အပြန်အလှန် ယုံကြည်မှု အရေးပါပါသည်။
ကိုယ်ကျင့် တရား ကောင်းမှလည်း ယုံကြည်ကြပါသည်။
NUG ထုတ်ပြန်ချက်သည် မိတ်ဆွေကောင်း ရှာခြင်းတစ်ရပ်ဟု ယူဆမိပါသည်။
မိမိ ဒုက္ခရောက်စဥ် ကူညီဖူးသူသည် မိတ်ဆွေကောင်းဟု ဗုဒ္ဓဘာသာဝင်များ ယုံကြည်မှုအရ မိတ်ဆွေစစ် စမ်းသပ်ပွဲဟုလည်း ထင်မိပါသည်။ မိတ်ကောင်းရှိမှ တိုးတက်ရပါသည်။
တရား ဓမ္မ နှင့် မတရား အဓမ္မ လွန်ဆွဲပွဲမှာ
အား ဟုဆိုသော ဗလ အထူးလိုအပ်ပါ၏။
ကာယဗလအပြင် ဉာဏဗလလည်း အရေးကြီးပါသည်။
သို့ပါ၍ အရေးပါ ပါသည် ဟူ၍သာ။