top of page
Search
  • Writer's pictureMyat Tun Oo

NUG ကို ဘာတွေကြိုက်


NUG ကို ဝေဖန်သူအချို့ရှိတာသိပါတယ်။ အထူးသဖြင့် လက်နက်ကိစ္စပေါ့။ ဒါပေမယ့် ရတဲ့ပိုက်ဆံကို လက်နက်အဖြစ်ပြောင်းလဲရာမှာ ယခုအချိန်အထိ အမေရိကန်၊ အင်္ဂလိပ်က လေနဲ့သာထောက်ပံ့နေလို့ သူ့မှာ အခက်အခဲများစွာရှိပါတယ်။ ဒါပေမယ့် ယခင်ကထက်တော့ အများကြီးအဆင်ပြေလာတာ ထောက်ပံ့လာနိုင်တာ တွေ့ရပါတယ်။မထင်မှတ်တဲ့နေရာက ရတာတော့ရှိပါတယ်။

ယခုပြောလိုတာက NUG ရဲ့ လက်ရှိလုပ်နေတာတွေထဲက ကြိုက်တာတွေပါ။ ပထမက Non CDM လုပ်ရုံသာမဟုတ်ဘဲ ဝန်ထမ်းအချင်းချင်း ဒုက္ခလိုက်ပေးနေတဲ့ အဆိုပါ Non CDM လူကြီးတွေကို ရာထူးက ထုတ်လိုက်တာပါ။ ဟာမင်းကလဲ မအလက လစာပေးထားတာ ဘာဂရုစိုက်ရမလဲဆိုရင် အစပိုင်းမှာ ဂရုမစိုက်ပေမယ့် PDF အားကောင်းလာရင် ပြည်သူ့တပ်တွေအားကောင်းလာရင် အဆိုပါသစ္စာဖောက်တွေ သူတို့အသက်ကို စိုးရိမ်လာမှာပါ။ သူတို့က သာမန်ကြောက်လို့ Non CDM မဟုတ်ဘဲ ထိုထက်ပိုပြီး အဘအကြိုက်လိုက်နေလို့ သူတို့ကို NUG ကစာထုတ်တာဟာ ထိရောက်ပါတယ်။

ဒုတိယက NUG နဲ့ ဆက်စပ်လို့ မတရားအသင်း ဥပဒေနဲ့ အသိမ်းခံရတဲ့ အဆောက်အအုံတွေကို ဝယ်ယူရောင်းချရင် တရားဥပဒေအရ အရေးယူမယ်ဆိုတာကလဲ သူခိုးများ အချောင်သမားများကို ဟန့်သွားစေပါတယ်။

တတိယကတော့ ယခုရက်ပိုင်းကထုတ်တဲ့ မအလနဲ့ ဆက်စပ်စီးပွါးရေးလုပ်ငန်းများကို မတရားအသင်း ကြေညာတာပါ။ ဒါဟာအင်မတန်မှာ ဗျူဟာလှပါတယ်။ စာရေးသူတို့ ယခင်ကပြောခဲ့သလိုဘဲ မအလဟာ အကြမ်းဖက်အဖွဲ့ဖြစ်လို့ သူနဲ့အလုပ်လုပ်သူ သူ့အောက်မှာ အမှုထမ်းသူများဟာ အကြမ်းဖက်သမားအားပေးတွေပါ။ သူတို့ကို NUG က အရေးယူမယ်လို့ ကြေညာတာဟာ NUG ရဲ့ဩဇာ ဘယ်လောက်ရှိသလဲဆိုတာကို ပြလိုက်တာပါ။ ပြည်သူတွေကတော့ မအလနဲ့ ပတ်သက်နေတဲ့ အကြမ်းဖက်သမားတွေကို အကြမ်းဖက်မှုတိုက်ဖျက်ရေး ဥပဒေနဲ့အညီ တိုက်ကြရမှာပါ။

လောကမှာ သေနတ်နဲ့ ကြေညာချက်ထုတ်ရင် အဆင်ပြေပါတယ်။ မအလသူ့ဝန်ထမ်းတွေကို ဘယ်လောက်ကာကွယ်မှုပေးနိုင်မလဲဆိုတာ စိတ်ဝင်စားစရာပါ။

706 views1 comment
bottom of page