DASSK အမှု ဘာလို့အမိန့်မချသေးတာလဲ?

ဒီနေရာမှာ အရေးကြီးတာက ပြည်သူတွေအနေနဲ့ DASSK ဘာအမိန့်ချမလဲ တွေဝေမနေပါနဲ့။ သူမကိုထောင်ချချင်လို့ တမင်အမှုများစွာနဲ့ တရားစွဲတာပါ။ အမိန့်မချသေးတာက တရားသူကြီးနဲ့ DASSK ကိုတရားစွဲတဲ့ မအလအစိုးရရှေ့နေများရဲ့ မိဘတွေ၊ သူတို့ ယောင်္ကျား၊ မိန်းမနဲ့ ကလေးတွေကို နေရာပြောင်းနေလို့ပါ။ နောက်အရေးကြီးတဲ့အချက်က မအလကိုယ်တိုင် ဘာလုပ်ရမလဲ မဆုံးဖြတ်ရသေးလို့ပါ။ DASSK ကို တရားသူကြီးက မျှမျှတတ အမိန့်ချမယ်လို့ ထင်နေရင် စိတ်ကူးယဉ်မှုသာ ဖြစ်လိမ့်မယ်လို့ ပြောပါရစေ။

DASSK ကို ယခုဘယ်မှာထားသလဲဆိုတာ စာရေးသူ မအလနေတဲ့အိမ်ကအစ Myanmar Now မတိုင်ခင် မြေပုံနဲ့ ရေးခဲ့ပြီးပါပြီ။ အဆိုပါနေရာက သူမကို ပြင်ပနဲ့ တကယ့်ကို အဆက်ဖြတ်ထားလို့ရတဲ့နေရာပါ။ သူမကို ထောင်ချခဲ့ရင် လက်ရှိနေရာမှာ ဆက်ထားမှာလား နေပြည်တော်ကထောင်ထဲကိုပြောင်းမှာလား မအလစဉ်းစားရပါမယ်။ သူဘာလုပ်လုပ် သူ့အတွက် နိုင်ငံရေးအရ ငရဲတွင်းထဲကိုဆက်ဆင်းတာပါ။ သူမကို ထောင်ချရင် သူမပါတီနဲ့ PDF တွေက ယခုထက်ပိုပြီး ပြင်းပြင်းထန်ထန်တိုက်ဖို့သာ ရှိမှာပါ။ နောက် NLD ပါတီထဲက လက်နက်မကိုင်ဘဲ မအလနဲ့ စကားပြောသလိုလုပ်နေတဲ့ယခင် အစိုးရဖောင်းထု Gen Lee တွေလဲ ရှေ့တိုးဖို့ ခက်သွားမှာပါ။ ဒါ့အပြင် မအလနဲ့ ကမ္ဘာကြီးနဲ့ထိပ်တိုက်ပိုတွေ့ဖို့သာ ရှိမှာပါ။

ဒီနေရာမှာ စာရေးသူပြောလိုတာက DASSK ကို ဘာအမိန့်ချမှာလဲဆိုတာ သိလိုကြမှာဖြစ်ပေမယ့်ယခင်ကလို သူမလွတ်လာရင် ဒီမိုကရေစီရမှာဆိုတဲ့ အတွေးမျိုးတွေ ဖျောက်ထားရပါမယ်။ အမေရိကန်မျှော်၊ ကုလမျှော်တာလဲ ဖျောက်ထားရပါမယ်။ စာရေးသူတို့ဟာ နေ့စဉ် ရန်သူကို ဘယ်လိုတိုက်မလဲသာ အမြဲတွေးနေရပါမယ်။ NUG ထီဝယ်တာ၊ NUG ကို အခွန်ဆောင်တာ၊ ငွေတိုက်စာချုပ်ဝယ်တာစတဲ့နည်းမျိုးစုံနဲ့ ထောက်ပံ့နေရပါမယ်။ ပြည်သူကသာ မိမိလွတ်လပ်ခွင့်ကို မိမိရအောင် တိုက်ယူရမှာပါ။ မေမေနိုင်မှဖြစ်မှာပါဆိုပေမယ့် ဒီပွဲက ပြည်သူနိုင်မှ စစ်ကျွန်ဘဝက အားလုံးလွတ်မြောက်မှာပါ။ဘယ်လောက်စွန့်စားမလဲဆိုတာက သင်ဘယ်လောက်ာစစ်ကျွန်ဘဝက လွတ်မြောက်ချင်လဲအပေါ်မှာသာ မူတည်ပါလိမ့်မယ်လို့ ပြောပါရစေ။