D Day နှင့် မအလတပ်

အချို့က ဆရာ့ဇော့်ကို D Day ပြောလို့ အပြစ်တင်သူများ ဖောင်းထုသူများရှိပါတယ်။ သူတို့ကလဲသူတို့ဉာဏ်မှီသလောက်ပေါ့။ ဒီနေရာမှာ AA က ဘာမှမပြောဘဲ ဝင်တိုက်တာမျိုးကို AA အမျိုးကကြိုက်ပါတယ်။ တကယ်က အမေရိကန်လဲ အီရတ်ကိုမတိုက်ခင် လစ်ဗျားကိုမတိုက်ခင် သတိပေးပြီးမှ တိုက်တာပါ။ လပိုင်းကဖြစ်သွားတဲ့ အစ္စရေးနဲ့ ပါးလက်စတိုင်းပွဲမှာတောင် အစ္စရေးက ဒုံးနဲ့မပစ်ခင် သတိပေးပြီးမှ ပစ်ပါတယ်။ ဒါကဘာလဲဆိုတော့ ဒီမိုနိုင်ငံ ဒီမိုအစိုးရတွေရဲ့ အကျင့်ပါ။NUG ကလဲ ပြည်သူ့အစိုးရမိုလို့ ပြည်သူကို ဆောင်ရန် ရှောင်ရန် သတိပေးတာပါ။ ဒါမှ ပြည်သူအထိအခိုက်နည်းအောင် collateral damage နည်းအောင်ပါ။

ဒီနေရာမှာ ဆရာ့ဇော်စာနဲ့ တပ်တွင်းဂရက်အကြောင်းပြောချင်ပါတယ်။ မအလဟာ ကောလဟာလပေါင်းစုံကို ကြောက်တတ်ပါတယ်။ ဥပမာ မောင်းသူမဲ့ဆိုရင်လဲ သူ့လာသတ်မှာ ကြောက်ပါတယ်။ မတ် ၂၇ ရက်နေ့ သူမိန့်ခွန်းထွက်ပြောတာက ရုရှားကလူလာလို့ သူ့ကို ရုရှားကြောင့် အမေရိကန် မပစ်ဖူးဆိုပြီး ထွက်လာတာပါ။ တပ်ထဲမှာ မိသားစုခေါ်ပြီး တပ်ပြင်မထွက်ရတာရွေးကောက်ပွဲမတိုင်ခင် သုံးလလောက်ထဲကပါ။ အာဏာသိမ်းပြီး ဆန္ဒပြပွဲ ယခု တော်လှန်ရေးအဖွဲ့တွေက တိုက်တာနဲ့ဆိုတော့ တပ်မိသားစုမှာ အကျယ်ချုပ်လို ဖြစ်နေပါပြီ။ နောက် ဆရာဇော်လစာရေးတိုင်း အထဲကလဲ အသင့်အနေအထားပြင်လိုက်နဲ့ ခဏခဏ ပြင်နေရလို့ ဘယ်နေ့မှန်း မခန့်မှန်းတတ်အောင် ဖြစ်နေပါပြီ။ တပ်ဆိုတာ အမြဲအသင့်အနေအထားလုပ်တာ ကြာလာရင်တကယ်လာတိုက်ရင် မရပါ။

ယခုဒုချုပ် ဘုန်းကြီးဘွဲ့ကပ်ဖို့ ရန်ကုန်ဆင်းတာတောင် စစ်ဆင်ရေးလို တပ်တွေအများကြီးသုံးရပြီး ရန်ကုန်ကို အထပ်ထပ် ပိတ်ဆို့နေရပါပြီ။ သူသွားတာကို လုံခြုံရေးယူတာတောင် သတင်းပေါက်မှာစိုးလို့ တပ်ထဲမှာတောင် ညမှ တပ်ရွှေ့တာပါ။ ရန်ကုန်ကတပ်ကိုတောင်မယုံဘဲနေပြည်တော်ကတပ်ကို ရွှေ့ရလို့ အချို့က စိုးဝင်းအာဏာသိမ်းတယ်ဆိုပြီး ဂျင်းဖြစ်သွားတာပါ။ဒါက အထဲမှာကို အချင်းချင်းမယုံဘဲ အသတ်ခံရမှာကို ဘယ်လောက်ကြောက်နေလဲဆိုတာ ပြတာပါ။ နေပြည်တော်၊ ရန်ကုန်၊ ပဲခူးနဲ့ မန္တလေးက တပ်မိသားစုတွေအပေါ် ဖိအားက မသိသာသေးပေမယ့် ချင်း၊ မကွေး၊ စစ်ကိုင်း၊ မန္တလေးနဲ့ ကချင်ကတပ်မိသားစုတွေက ရခိုင်ရောက်နေသလို မလုံခြုံတော့ပါ။

အကျဉ်းချုပ်ရရင် မအလက D Day ဆိုတိုင်း ထထပြင်ပါတယ်။ ဒါပေမယ့် ခဏခဏပြင်ပြီး လာမတိုက်သေးဘဲ သူတို့တွေသေနေလို့ တပ်ထဲမှာလဲ မအလကို အသံထွက် ကျိန်ဆဲနေကြပါပြီ။ တပ်ထဲက မအလခိုင်းတာလုပ်သူတွေ သေလာရင်တော့ မအလထိန်းထားတဲ့ အကြောက်တရားဟာ သူတို့ကို ပြည်သူတွေက ဒဏ်ခတ်ပြီး သေဒဏ်ပေး သတ်နိုင်တယ်ဆိုတဲ့ အကြောက်တရားကို ပေးနိုင်ရင်တော့ ပြောင်းလဲမှုအတွက် တွန်းအားဖြစ်လာမှာပါ။ နောက်ဆုံးကတော့ ပြည်သူသာအဓိကပါ။