၂၀၂၀ မှာ ဘယ်လိုမဲပေးမလဲ?

ယခုနိုဝင်ဘာမှာ ရွေးကောက်ပွဲလုပ်ပါတော့မယ်။ ပုံမှန်မှာဆိုရင် ဘယ်ပါတီမဲပေးမလဲဆိုတာ ရွေးရပါမယ်။ ပါတီကို ကြည့်မလား လူကိုကြည့်မလားဆိုတာလဲ ပေါ်လာပါတယ်။ ကမ္ဘာပေါ်မှာ ဘာကိုကြည့်ရွေးသလဲ? အမေရိကန်မှာ ရီပတ်ပလစ်ကန် (Republican) and ဒီမိုကရက် (Democrat) ပါတီဆိုပြီး ရှိပါတယ်။ သူတို့ကနေ သမ္မတတွေ၊ လွှတ်တော်အမတ်တွေ ရွေးကြပါတယ်။ ယူကေမှာက ကွန်စာဗေးတစ်(Conservative) နဲ့ လေဘာ (Labour)ပါ။ ဩဇီမှာလဲ ကွန်စာဗေးတစ်နဲ့ လေဘာပါဘဲ။ ပါတီတွေမှာ မူဝါဒတွေရှိပါတယ်။ အခွန်များများကောက်မလား၊ ဘယ်လိုကျန်းမာရေးစနစ်နဲ့သွားမလဲ၊ ဘယ်လိုပို့ဆောင်ရေးစနစ်လဲ အစရှိသဖြင့်ပေါ့။လူတွေဟာ မိမိတို့နဲ့ သဘောထားတူတဲ့ မူဝါဒရှိတဲ့ ပါတီကို မဲပေးကြပါတယ်။ ပါတီခေါင်းဆောင်ကို ကြိုက်ရင်မဲထွက်ပေးသူပိုများပြီး အရှုံးအနိုင်ပေါ်တာပါ။ အဆိုပါနိုင်ငံတွေမှာ ဖယ်ဒရယ်စနစ်ရှိသလို တပ်ဟာအစိုးရအောက်မှာရှိပြီး လွှတ်တော်ထဲမှာ ဝင်ထိုင်မနေပါ။ မိုးကျလဲ ဌာနေတွေထဲမှာ မရှိပါ။

မြန်မာပြည်မှာ ပါတီတွေကိုလေ့လာတဲ့အခါ ဓမ္မပါတီနဲ့ အဓမ္မပါတီဆိုပြီး နှစ်ခုသာရှိပါတယ်။ ဓမ္မပါတီက မခိုးပါ။ ပြည်သူတွေရဲ့ လယ်မြေတွေကို မသိမ်းပါ။ အဓမ္မပါတီက သူခိုးပါတီပါ။ သူခိုးများနဲ့ဖွဲ့စည်းထားပါတယ်။ အချို့ဟာလဲ ခိုးခဲ့စဉ်ကရတဲ့ပိုက်ဆံနဲ့ ပါတီထောင်ပါတယ်။ အချို့က သူခိုးပစ္စည်းလက်ခံရောင်းချပြီး သူခိုးသူငယ်ချင်းအနေနဲ့ မိတ်ဖက်ပါတီထောင်တာလဲရှိပါတယ်။ ပြည်သူအနေနဲ့ ပါတီကိုကြည့်ရင် ဘယ်ပါတီက သူခိုးပါတီလဲ ဘယ်ပါတီက လူကောင်းပါတီလဲကြည့်ပြီး မဲပေးရမှာပါ။ သူခိုးတွေကလဲ သူခိုးပါတီတွေကို ကြိုက်မှာပါ။ လူကောင်းတွေကလဲ လူကောင်းပါတီကိုကြိုက်မှာပါ။ နောက် ပါတီကြည့်တာ အားမရလို့ လူကိုကြည့်ရင်လဲ လူကောင်းတွေရှိတဲ့ ဓမ္မပါတီနဲ့သူခိုးတွေရှိတဲ့ အဓမ္မပါတီဆိုပြီး ကွဲထွက်လာမှာပါ။ ဒါကြောင့် စာရေးသူကတော့ ၂၀၂၀ နိုဝင်ဘာမှာလူကြည့်ကြည့် ပါတီကြည့်ကြည့် ဓမ္မပါတီဖြစ်တဲ့ NLD ကိုသာ မဲပေးပါ့မယ်။

ဒါဆိုရင် NLD က မိုးကျတွေကိုမရှင်းသေးလို့ အားမရဘူးဆိုရင် စာရေးသူလဲ အားမရတာမှန်ပေမယ့်NLD အစိုးရတက်လာလို့ ဆိပ်ကမ်းကို စာရင်းစစ်ခွင့်ရပြီး သူတို့ X ray တွေအကြောင်း သိရတာပါ။ ခိုးထားတာတွေ သူတို့ပြန်ဆပ်နေရတာပါ။ NLD သာ ၂၀၁၅ က မဲမနိုင်ခဲ့ရင် စာရေးသူတို့ သိခွင့်ရမှာမဟုတ်ပါ။ ဒါတင်မဟုတ်ဘဲ လမ်းတွေ၊ တံတားတွေ၊ ရထားလမ်းတွေ၊ လျှပ်စစ်မီးတွေ ယခင်ကထက်ပိုကောင်းလာပြီး တိုးတက်လာတာဟာ NLD အစိုးရကြောင့်ပါ။ မတရားမှုတွေဟာ ၂၀၁၅ မတိုင်ခင်က၁၀၀% ဆိုရင် ဒီမိုအစိုးရတက်အပြီးမှာ ၆၀% ခေါက်အထိတော့ နည်းလာပါပြီ။ သုညဖြစ်ဖို့ကတော့တပ်က အရပ်သားအစိုးရအောက်ရောက်ပြီး လွှတ်တော်ထဲက ထွက်သွားမှပါ။

စာရေးသူအထင်ကတော့ NLD ဟာ ၂၀၁၅ မှာ ရင်ကြားစေ့ကြည့်ပြီး တပ်နဲ့ မိုးကျတွေကိုအတိုင်းအတာ တစ်ခုအထိ သီးခံခဲ့တာလို့ ထင်ပါတယ်။ ၂၀၂၁ မှာ တပ်ချုပ်အသစ်ရွေးရမှာ ICJ မှာရင်ဆိုင်ရမှာတွေကြောင့် ဗျူဟာအသစ်တစ်ခု ရွေးရတော့မှာပါ။

ပြည်သူအားလုံးက ၂၀၂၁ မှာ တရားမျှတမှု၊ တန်းတူညီမျှမှုတွေ ထွန်းကားဖို့အတွက် တွန်းအားအနေနဲ့NLD ကိုမဲပေးပြီး အဓမ္မဝါဒီတွေကို ဟန့်တားရပါမယ်။ အဓမ္မဝါဒီသူခိုးများဟာ ဖြတ်လမ်းက သမ္မတဖြစ်ဖို့အတွက် ကြိုးစားမှာပါ။ ပြည်သူက ငါတို့ဟာ အဓမ္မဝါဒီသူခိုးများကို လက်မခံကြောင်း NLD ကိုမဲပေးပြီး ပြရပါမယ်။ ဒါမှ ၂၀၂၁ မှာ ပြည်သူနဲ့အတူ အင်နဲ့အားနဲ့ ပြောင်းလဲနိုင်မှာပါ။

Photo credit: Original uploader