top of page
Search
  • Writer's pictureMyat Tun Oo

ဦးဉာဏ်ဝင်းကို စကစ ဘယ်လိုသတ်ခဲ့လဲ?


ဒီနေရာမှာ အချို့ ဉာဏ်တိမ်သူများက တစ်ခုခုဖြစ်ရင် NLD ဘာလုပ်နေလဲ ဘာညာဆိုပြီး NLD နဲ့ ပြည်သူကို ရန်တိုက်ပေးလေ့ရှိပါတယ်။ အန်ကယ်ဦးဉာဏ်ဝင်းဟာ NLD CEC တွေနဲ့အတူ အာဏာသိမ်းချိန်မှာ အဖမ်းခံခဲ့ရပါတယ်။ သူဟာ အသက် ၇၈ နှစ်ရှိပါပြီ။ သူဟာ ဒီမိုကရေစီအတွက် NLD မှာ နှစ်ပေါင်းများစွာ လုပ်ခဲ့သူပါ။ အာဏာရချိန်မှာလဲ ဘာရာထူးမှ မယူခဲ့ပါ။ မရခဲ့ပါ။ ဒါပေမယ့် NLD ကိုသစ္စာရှိစွာ အမှုထမ်းခဲ့ပါတယ်။

သူဟာ ရောဂါအခံရှိသူပါ။ နဂိုထဲက အုပ်ချုပ်ရေးပိုင်းမှာ ပါသူမဟုတ်ပါ။ ဒါပေမယ့် ဖက်ဆစ်မအလက ဖမ်းပါတယ်။ သူ့ကိုမေးတာက သိပ်မကြာလိုက်ပါ။ အင်းစိန်ထောင်မှာထားပါတယ်။ သူပိုးကူးတော့သူ့ကို ချက်ခြင်း ရန်ကုန်ဆေးရုံကြီးကို မတင်ပါ။ အင်းစိန်ထောင်ထဲက ဆေးရုံမှာသာ အစက ကုပါတယ်။ နောက် အောက်ဆီဂျင်လိုချိန်မှာ ရန်ကုန်ဆေးရုံကြီးကို ပြောင်းပါတယ်။ ဆေးရုံကြီးမှာ အောက်ဆီဂျင်သာပေးပြီး သူက သတိမေ့သလိုဖြစ်လိုက် အောက်ဆီဂျင်ပြတ်ရင်ဖြစ်တတ်တဲ့ ဂရောင်ချောက်ခြားတွေ ဖြစ်လိုက်နေပေမယ့် သူ့ကိုလိုအပ်တဲ့ အသက်ရူစက်တင်တာတွေ မလုပ်ပေးခဲ့ပါဘူး။နောက်ပြီး သူ့မိသားစုနဲ့လဲ ပေးမတွေ့ခဲ့ပါဘူး။ ဒါက ကိုဗစ်ကြောင့် ထားလိုက်ပါ။ ပုံမှန်ဆိုရင် အထူးကြပ်မတ်ကုသဆောင်ထဲမှာဆိုတာက အခြေအနေမကောင်းတဲ့ သူတွေကိုသာ ထားတာပါ။ မိသားစုနဲ့တွေ့ဖို့က အရေးကြီးပါတယ်။ ဒါပေမယ့် မအလဟာ မိသားစုတွေနဲ့ ပေးတွေ့ဖို့ကို ငြင်းပယ်ခဲ့ပါတယ်။သူက ချက်ချင်းကောက်ခါငင်ကာ သေသွားတာမဟုတ်ဘဲ အောက်ဆီဂျင်မရတာကနေ သေသွားခဲ့တာပါ။ ဆရာဝန်တွေကလဲ စကစအလိုကျ ဝတ်ကျေတန်းကျေသာ ကုတာပါ။ မိမိတို့လူနာ အခြေအနေမကောင်းရင် မိသားစုနဲ့ ပေးတွေ့သင့်ကြောင်း စရဖကို ဆရာဝန်ကျင့်ဝတ်နဲ့အညီ မပြောရဲကြပါ။ မပြောခဲ့ကြပါ။ သူ့ကိုကုဖို့ ဆေးပေးဖို့လိုရင်တော့ မိသားစုပေါ့။ သူ့ကို အသက်ရူစက်တပ်ဖို့လဲ မကြိုးစားခဲ့ကြပါ။ ဦးဉာဏ်ဝင်းနေရာမှာ ဘရွှေဆိုရင်တောင် အကုန်လုပ်ပေးကြမှာပါ။ မအလဆိုရင်တော့ ဘောပါ မပေးမှာပါ။

ဦးဉာဏ်ဝင်း သေရတာဟာ မသေသင့်ဘဲ သေရတာပါ။ မဖမ်းသင့်ဘဲ ဖမ်းတယ်။ ပထမက ပိုးကူးစက်အောင်ထားတယ်။ နောက် ရောဂါစဖြစ်ချိန် သေချာမကုဘဲ ရောဂါရင့်မှ ဆေးရုံကြီးကိုပို့တယ်။ ဆေးရုံရောက်တော့လဲ ဝတ်ကျေတန်းကျေ အောက်ဆီဂျင်သာပေးပြီး အသက်ရူစက်တပ်ဖို့ မကြိုးစားခဲ့ပါဘူး။ သူက ရောဂါအခံရှိပေမယ့် ပုံမှန်သွားလာနိုင်သူပါ။ ကိုဗစ်ကုထုံးအတိုင်း စနစ်တကျ မကုခဲ့ပါဘူး။အမေစုဝယ်ထားတဲ့ Remedesivir ဆေးလဲ မပေးဘဲ ယခင်ဝယ်ထားတာတွေကလဲ တပ်ထဲကို ယူသွားခဲ့ပါတယ်။ အသက်ကယ်ဆေး Dexamethasone လဲ ဦးဉာဏ်ဝင်းကို ရန်ကုန်ဆေးရုံကြီးက ဆရာဝန်တွေက မပေးခဲ့ပါဘူး။

မင်းက သိလှချည်လား မဟုတ်ပါဘူးလို့ ငြင်းချင်ရင် ဆရာဝန်ကိုယ်တိုင် အထောက်အထားနဲ့ ထွက်ရှင်းပြလိုက်ပါ။ စိန်ခေါ်ပါတယ်။ ကုသသူဆရာဝန်ကိုတော့ နာမည်မဖော်သေးပါ။


ဦးဉာဏ်ဝင်းလို အာဏာမမက်ဘဲ တိုင်းပြည်အတွက် အလုပ်လုပ်သူကတော့ NLD မှာသာ တွေ့နိုင်ပါတယ်။ မအလလို အာဏာမက်သူ ခိုးသူ ဓားမြတိုက်သူ လူသတ်သူ မုဒိမ်းကျင့်သူ မိမိရဲ့ မရီးကိုခိုးစားသူကတော့ ဖက်ဆစ်တပ်ထဲမှာ တွေ့နိုင်ပါတယ်လို့ ပြောပါရစေ။

ပြည်သူတွေ NLD က တွေဝေနေသူတွေအနေနဲ့က NUG ရဲ့ ဦးဆောင်မှုကိုခံယူပြီး လက်နက်ကိုင်တော်လှန်ရေး အောင်မြင်အောင်သာ လုပ်ကြပါ။ မအလက အသေထွက်လမ်းသာရှိပါတယ်။အရှင်ထွက်ဖို့က မမြင်ပါ။ မအလကို မဖြုတ်ချနိုင်ရင် ကိုဗစ်လိုကိစ္စတွေ ကိုဗစ်ထက်ဆိုးတဲ့ကိစ္စတွေနောက်ပိုင်းထပ်ကြုံရအုံးမှာပါ။

106 views1 comment

1 Comment


Myint Soe Oo
Myint Soe Oo
Jul 21, 2021

ဦးမြတ်!!!စကစ မတိုင်မီ ရှေ့စစ်အို အုပ်စု စတင်ကျင့်သုံးခဲ့သော*သခင်အောင်ဆန်း(ခ)ဗခအောင်ဆန်း၏ ဂုဏ်အရည်အသွေးကို*လိုက်မမီရာမှ အကြောက်စိတ်နှင့် ယှဥ်သော အောင်ဆန်းမုန်းတီးမှု အနုစား စိတ်ရောဂါမှ အစပြုခဲ့သည်ဟု သုံးသပ်မိပါသည်။ အောင်ဆန်းဖိုဘီယား phobia ။အမည်ရင်း ဒေါ်အောင်ဆန်းစုကြည် ဖြစ်သော်လည်း စစ်အိုကြီးတစ်ယောက်က **စုကြည်** ဟု ခေါ်ဝေါ်ခြင်းကို ထောက်ရှုမြင်နိုင်ပါသည်။

အဖေကို မုန်းရာမှ သမီးကို ပိုမိုမျက်မုန်းကျိုးခဲ့ပါသည်။ ဒီမို ခေါင်းဆောင်ဖြစ်ပြီး ပြည်သူလူထု အသဲနှလုံး သိမ်းပိုက်ကြုံး ယူထားသောကြောင့်။DASSK နှင့်နွယ်ပြီး ပါတီဝင်များ၊ ထိုမှတဆင့် အင်အားဖြင့်ပါဝင်လာသော ဆရာဝန်များ(ဒေါက်ဇော်စိုးလိုပုဂ္ဂိုလ်မျိုးတွေအများအပြားပါဝင်လာခြင်ကြောင့်)ကို ပစ်မှတ်ထားလာကြပါသည်။

ဦးဉာဏ်ဝင်းသည်လည်း CEC တစ်ဦးဖြစ်နေခြင်းကြောင့် အခွင့်သာခိုက်မှာ?????


************************************


မရေးမဖြစ်သောကြောင့် ရေးပါရစေ။ ဆရာဝန်အများစု စီဒီအမ် အစပြုစဥ်က သံလျင်ဖက်မှ

ကိုယ်တော်ကြီးက ဆရာဝန်တွေ ကျင့်ဝတ်သိက္ခာ မညီဘူး၊ မရှိဘူး ဟု လူမှုစာမျက်နှာမှာ ထောက်ပြဝေဖန်ခဲ့ပါသည်။

ဘီဘီစီသတင်းအရ ဦးဉာဏ်ဝင်း(လူနာ)သည် အိမ်ပြန်ချင်ကြောင်း ဖော်ပြထားပါသည်။အခြေနေကိုသိသောကြောင့်ဖြစ်နိုင်ပါသည်။

မနေရလို့ သေရင်တောင် အိမ်မှာပဲ သေချင်တယ် လူနာသာ ကိုယ့်အခြေနေ ကိုယ်အသိဆုံးဖြစ်ပါသည်။ ၁၉၇၀ မတိုင်မီ ဘွဲ့ရပုဂ္ဂိုလ်တစ်ဦးအနေဖြင့် ပို၍ သိမြင်ပါလိမ့်မည်။

ေဆာင်းပါးပါ အချက်များအရ တာဝန်ထမ်းဆေးရုံကြီးမှ ဆရာဝန်များ ဆရာဝန်ကျင့်ဝတ် ညီပါသလား?ဟု ပြန်လည် မေးခွန်းထုတ်သင့်ပါသည်။

စုစုဒွေး ၊ ခင်ခင်ကြီး???သည်မိုးသည်လေ သည်အခြေမှာဖြင့် သည်လို ဆရာဝန်များသာ ဖြစ်တည်ပါမည်။

ဆရာဝန် မလုံလောက် အကြောင်းပြမည်ဆိုပါက တာဝန်ရှိ တာဝန်ကျသော ဆရာဝန်များရော

ဆရာဝန် ကျင့်ဝတ် ရာနှုန်းပြည့် ရှိ တည် နေပြီလား ဟူ၍ ပြန်လည်မေးခွန်းထုတ်စရာဖြစ်လာပါပြီ။ မည်သို့ဆိုပါစေ

အမုန်းတရား အခြေခံမှုကြောင့် ဆုံးပါးရပါသည် ဟူ၍ သုံးသပ်မိပါသည်။


Like
bottom of page