အားမရသူများသို့

NLD အစိုးရတက်လာအပြီးမှာ အားမရဘူးလို့ ဆိုသူများလဲရှိပါတယ်။ ပထမအုပ်စုက သာကူးလာသူများပါ။ မခိုင်တို့ ဒေါက်ခိုင်တို့ပေါ့။ သူတို့က နဂိုထဲက NLD မဟုတ်ဘဲ သာမယ် နေရာရမယ်ထင်လို့ကူးလာသူများပါ။ သူတို့က ယခုအချိန်မှာ မိမိအကျိုးမရှိလို့ NLD ကို ဆက်မထောက်ခံတော့ပါ။ ဒီအုပ်စုကိုတော့ ဘာမှမပြောလိုပါ။ ဒုတိယအုပ်စုက NLD နဲ့ လက်တွဲလုပ်လာတဲ့ တိုင်းရင်းသားပါတီအချို့က တပ်ကို NLD က ရင်ကြားစေ့လွန်းတယ်ထင်သူများပါ။ တတိယအုပ်စုက NLD ကိုထောက်ခံခဲ့တဲ့ ထောက်ခံနေဆဲ ဒါပေမယ့် အားမရဘူးဆိုသူများပါ။ ဒုတိယနဲ့ တတိယအုပ်စုကို အဓိကထား ပြောလိုတာပါ။

၂၀၂၁ နောက်ပိုင်းဟာ မြန်မာပြည်ရဲ့ အနာဂတ်အလှည့်အပြောင်းတွေကို ဖန်တီးမယ့်နှစ်များပါလို့ ပြောပါရစေ။ မင်းက ဘာအထောက်အထားရှိလဲ? ပထမက တပ်ချုပ်သက်တမ်းကုန်လို့ အသစ်ရွေးရပါမယ်။ သူကမဆင်းရင်လဲ ရင်ဆိုင်ပြီးရှင်းရမှာပါ။ ဒါက ပထမအချက်ပါ။ ဒုတိယက DASSK ဟာလဲနောက်သက်တမ်းအထိ ဆက်အလုပ်လုပ်ရင်တောင် နောက် ၅ နှစ် သက်တမ်းအကုန်မှာ ၈၀ ဖြစ်မှာပါ။ဒါကြောင့် ဇတ်မျောဆွဲထားလို့မရပါ။ တတိယက သူမက ရင်ကြားစေ့ရေးနဲ့ ဘာမှမလုပ်ဘဲ ထားချင်ရင်တောင် ICC က စကျပ်လာပါမယ်။

ကမ္ဘာ့နိုင်ငံတွေက စစ်ရာဇဝတ်မှုကျူးလွန်သူတွေကို အရေးမယူရင် ဝိုင်းကျပ်မှာပါ။ ဒါမျိုးက ယခင်ကလို KNU ကို အကြမ်းဖက်သမားလို့ခေါ်ပြီး နောက်ပိုင်းမှာ ဗိုလ်မြကို ဖထီးခေါ်ပြီး ပြီးမသွားပါ။DASSK လဲ ဒါတွေကိုသိမှာပါ။

သူမရဲ့ ၂၀၂၁ အစိုးရအဖွဲ့မှာ ဘယ်သူပါမလဲသိချိန်ဆိုရင် အစိုးရရဲ့ သွားရာလမ်းကြောင်းကိုသိမှာပါ။၂၀၁၅ မှာက ရင်ကြားစေ့ရေးအတွက် မိုးကျအချို့ကို တမင်ရွေးခဲ့ပုံပါ။ မိုးကျတွေဟာ NLD ကခန့်တဲ့ဝန်ကြီးတွေထက် ပိုတော်တာမတွေ့ခဲ့ရပါ။ ဒါကြောင့် ၂၀၂၁ မှာတော့ NLD က နိုင်ငံရေးသမားတွေကိုသမ္မတရုံးနဲ့ အခြားနေရာတွေမှာ ဝန်ကြီး၊ ဒုဝန်ကြီး၊ အထူးအကြံပေးတွေခန့်ပြီး ပြောင်းလဲမှုကို အရှိန်မြှင့်မယ်လို့ ထင်ပါတယ်။

အားမရသူများအနေနဲ့က မဲစာရင်းစစ်ပြီး NLD ကို မဲပေးခြင်းဖြင့် နောက်ဆုံးအနေနဲ့ ဝိုင်းတွန်းပါလို့ပြောပါရစေ။ ပုံထဲကလို လမ်းပိတ်ရပ်ပြီး အားမရဘူးလို့တော့် မအော်ပါနဲ့။ သူမဟာ ပြည်သူ့အသံကိုနားထောင်နေပါတယ်။