top of page
Search
  • Writer's pictureMyat Tun Oo

အားမရပေမယ့် NLDမှတပါး အခြားမရှိပါ


NLD အစိုးရကို ဝေဖန်သူအချို့က အားမရဘူးလို့ ပြောလေ့ရှိပါတယ်။ စာရေးသူလဲ ပါပါတယ်။

လူ့အခွင့်အရေးမှာ ဦးကြီးမြင့်တို့ တရားစွဲခံရတာ၊ ကိုနေမျိုးဇင်တို့ကို ကာကွယ်မပေးနိုင်တာ ဒေါင်းမျိုးဆက်သစ် ထောင်ကျတာ အားမရပါ။

ဒါပေမယ့် NLD သာ မတက်ခဲ့ရင် တစ်တိုင်းပြည်လုံး ပြည်သူအများစုဟာ ထောင်ထဲ ရောက်နေမှာပါ။

နိုင်ငံရေးမှာ ခြေဥမပြင်နိုင်သေးလို့ အားမရပါ။ ဒါပေမယ့် ပြည်သူတွေကိုစစ်တဲ့ ဧည့်စာရင်းနဲ့ အခြားနောက်ယောင်ခံလိုက်တဲ့ ဥပဒေတွေကို ဖျက်နိုင်ခဲ့ပါတယ်။

NLD သာ မတက်လာခဲ့ရင် မိမိအိမ်ထဲကိုတောင် ညသန်းခေါင် လာအစစ်ခံရမှာပါ။

တပ်ကို စာရင်းစစ်လို့မရသေးလို့ အားမရပါ။ ဒါပေမယ့် တပ်မဟုတ်တဲ့ အရပ်သားဌာနအများစုကိုတော့ စာရင်းစစ်နိုင်ခဲ့ပါပြီ။

ဒါပေမယ့် NLD တက်လာလို့ တပ်ဘတ်ဂျက်ကို စဖြတ်နိုင်လာပါပြီ။

တပ်ချုပ်သက်တမ်းတိုးတာကို မတားနိုင်ခဲ့လို့ အားမရပါဘူး။

ဒါပေမယ့် NLD တက်လာခဲ့လို့ ရဲချုပ်ကိုတော့ ၆၀ ပြည့်မှာ သက်တမ်းမတိုးပေးခဲ့ပါ။

ကိုဗစ်မှာ ပိုးတွေ့သူ ရာဂဏန်းရှိလို့ အားမရသူအချို့ ရှိနိုင်ပါတယ်။

ဒါပေမယ့် NLD တက်လာခဲ့လို့ နာဂစ်လို လူမသေခဲ့တာပါ။ မြန်မာပြည်က ကိုဗစ်ဟာ DASSK ဦးဆောင်တဲ့ ကျန်းမာရေးဝန်ကြီး၊ လူကယ်ပြန်နဲ့ ကွီးဖြိုးတို့ ရန်ကုန်အစိုးရကြောင့် အမေရိကန်၊အင်္ဂလန်နဲ့ ရုရှားလို မဆိုးခဲ့တာပါ။

အားမရတာတွေရှိလားဆိုတော့ ရှိနိုင်ပါတယ်။ ရေးစရာတွေလဲ ရှိကြမှာပါ။

ဒါပေမယ့် NLD ကို မဲမပေးရင် နှစ်ပေါင်းလေးဆယ် အတွေ့အကြုံနဲ့ ကြက်ဆူပင်ကို သတ်မှတ်ဧကထက် ကျော်လွန်အောင်စိုက်မယ့်ငပေါတွေ တက်လာပါလိမ့်မယ်။

နဖူးပေါ်လက်တင်ပြီး NLD အစိုးရကို မဲမပေးဘဲ အခြားပါတီကို မဲပေးရင် စာရေးသူတို့ဟာ ကြက်ဆူပင်စိုက်ဖို့သာ အသိဉာဏ်ရှိသူ လူမရှိတဲ့ ဘူတာဆောက်သူတွေ ဦးဆောင်တဲ့ ဖွတ်ညွန့်ပေါင်းအစိုးရနဲ့အပြီးသတ်သွားနိုင်ပါတယ်။

ရွေးစရာလမ်းကတော့ အားမရတာတွေ ရှိနိုင်ပေမယ့် NLD မှတပါး အခြားမရှိပါလို့ ပြောပါရစေ။

1,550 views1 comment
bottom of page