အိန္ဒိယကိုဗစ်မှပြောသော အစိုးရကောင်း

ဘီဘီစီမှာ အိန္ဒိယက ကိုဗစ်ကြောင့် လူတွေဆေးရုံတက်ရတာ ဆေးရုံတွေပြည့်နေတာကို ပြသွားတာလိုင်းပေါ်မှာတွေ့လိုက်ရပါတယ်။

ပထမလူက သူ့မိန်းမကိုယ်ဝန်နဲ့ ကိုဗစ်လိုဖြစ်လို့ ဆေးရုံတက်ဖို့ ကြိုးစားတာ ဆေးရုံ ကိုးခု တစ်ခုပြီးတစ်ခု ငြင်းနေလို့ ၁၃ နာရီ ကြာသွားပြီး သူ့မိန်းမဆုံးသွားခဲ့ပါတယ်။ သူ့သားက အမေဘယ်မှာလဲလို့မေးနေတယ်။ ကျွန်တော်ဘယ်လိုဖြေရမလဲဆိုပြီး ရင်နင့်ဖွယ်ရာ ဖြေသွားခဲ့ပါတယ်။ ကျွန်တော့်လိုအဖြစ်မျိုးမဖြစ်အောင် အစိုးရက အရေးယူပေးပါလို့ ပြောသွားခဲ့တာပါ။

ဒုတိယက ဒေလီကဆေးရုံကို လူနာလက်ခံပြီး ဆေးရုံတင်ပေးဖို့ပြောပေးပါဆိုပြီး ငိုနေတာပါ။

တတိယကတော့ ဆိုရှယ်မီဒီယာမှာ လူတစ်ယောက်က အထူးကြပ်မတ်ကုသဆောင်ကိုတင်ဖို့ စောင့်နေရင်း သေသွားခဲ့ရပါတယ်။ သူက ငါတို့ပြည်နယ်အစိုးရက အထူးကြပ်မတ်ဆောင်တွေ မဆောက်ခဲ့လို့ငါ့အဖေ သေရတာဆိုပြီး အပြစ်တင်နေတာပါ။

အိန္ဒိယက ဆေးရုံတွေဟာ ကိုဗစ်လူနာတွေနဲ့ ပြည့်နေပြီး မနိုင်မနင်းဖြစ်နေတာပါ။ သုံးလ lockdown အိန္ဒိယမှာ လုပ်တာက စောသွားတာနဲ့ လူတွေကို မထောက်ပံ့နိုင်တာ၊ နယ်မသွားအောင် မထိန်းနိုင်ခဲ့တာကြောင့် အလုပ်မဖြစ်ခဲ့ဘူးလို့လဲ ဝေဖန်သူတွေက ပြောကြပါတယ်။

အိန္ဒိယဟာ အတော်အသင့်ပိုက်ဆံရှိပါတယ်။ ဆရာဝန်ပေါပါတယ်။ ဒီမိုကရေစီပါ။ တပ်ဟာ အစိုးရအောက်မှာရှိပါတယ်။

သူတို့မှာ မရှိတာက ဒေါ်အောင်ဆန်းစုကြည်လို ပြည်သူကို လမ်းပြနိုင်တဲ့ ခေါင်းဆောင်မရှိပါ။ နောက်ကျန်းမာရေးဝန်ကြီး ဒေါက်တာမြင့်ထွေးလို မိမိနိုင်ငံရဲ့ ရှိတဲ့ငွေ၊ လူ့အရင်းအမြစ်နဲ့ ကိုက်ညီတဲ့ မူဝါဒလဲချနိုင်ခဲ့ပုံမရပါ။ မြန်မာပြည်က နောက်ရောင်ခံလိုက်တဲ့ track and trace စနစ်ကလဲ အားကောင်းနေဆဲပါ။ အိန္ဒိယလို ဆင်းရဲသားတွေ ဒုက္ခမရောက်အောင်လဲ လူကယ်ပြန်နဲ့ တိုင်းဒေသကြီး အစိုးရတွေကထောက်ပံ့နိုင်ခဲ့ပါတယ်။ ဒါကြောင့် အိန္ဒိယလို လူအစုလိုက်အပြုံလိုက် ရွှေ့ပြောင်းတာ နည်းသွားခဲ့ပါတယ်။ နောက်မြန်မာပြည်က လုပ်အားပေး ပရဟိတသမားတွေက အစိုးရကို ကူခဲ့ကြပါတယ်။

နောက်ဒီလူပြောသွားတဲ့ ပြည်နယ်အဆင့်မှာလဲ အဖြစ်များတဲ့ ရန်ကုန်မှာ ကွီဖြိုးက ဦးဆောင်ပြီးအလှူရှင်တွေ၊ ပြည်သူတွေနဲ့ ပူးပေါင်းပြီး ဖောင်ကြီးကို ဆေးရုံပြောင်းထားနိုင်ခဲ့ပါတယ်။ သူက ဗဟိုအဆင့်က မဖြစ်နိုင်လောက်ဘူးလို့ ထင်နေတဲ့ကြားထဲက အချိန်အတိုအတွင်း ဆေးရုံအဖြစ် ပြောင်းခဲ့တာပါ။ ဆေး (၁) က သူနဲ့အတူတွဲလုပ်ခဲ့တဲ့ ပါမောက္ခချုပ်တို့ ဒုချုပ်တို့ဆို သူ့ရဲ့ ပေါင်းစပ်ခေါင်းဆောင်နိုင်မှု၊ သူတို့အကြံဉာဏ်တွေကို နားထောင်ပြီး လုပ်သွားတာကို ချီးကျူးကြပါတယ်။ ပညာရှင်စကားနားထောင်တဲ့ နိုင်ငံရေးသမားလို့ သူတို့က အသိအမှတ်ပြုကြပါတယ်။

မြန်မာပြည်ရဲ့ အနောက်တံခါးက အိန္ဒိယနဲ့ ဘင်္ဂလားဒေရှ့်မှာ ကိုဗစ်ဖြစ်လူနာများနေလို့ စာရေးသူတို့အောင်ပွဲခံဖို့တော့ စောပါသေးတယ်။ ဒါပေမယ့် စာရေးသူတို့တိုင်းပြည်ဟာ ဗီဒီယိုထဲက အိန္ဒိယလောက် မဆိုးဘူးဆိုတာ သိလိုက်ရတော့ အတိုင်ပင်ခံ DASSK၊ ကျန်းမာရေးဝန်ကြီး၊ လူကယ်ပြန်၊ရန်ကုန်တိုင်း ဝကခနဲ့ ပူးပေါင်းပါဝင်တဲ့ ကျန်းမာရေးဝန်ထမ်းများ ပြည်သူများကို ကျေးဇူးတင်မိပြန်ပါတယ်။ NLD အစိုးရရဲ့ ပြည်သူနဲ့အတူ ပူးပေါင်းဆောင်ရွက်ခြင်းရဲ့ ရလာဘ်လို့ ပြောရမှာပါ။

News Source and video credit: BBC