အဲ့ဒါနိုင်ငံရေးသမားပါ

အလုပ်သမားဆန္ဒပြပွဲတွေဖြစ်တယ်။ သူတို့ကလမ်းတွေပိတ်တယ်။ ဒါတွေကို ဘယ်လိုရှင်းမလဲ? ကြိုက်တဲ့အဘ လုံခြုံရေးသမားကိုမေး သူတို့က plan တွေနဲ့ လာပါလိမ့်မယ်။ မီးလောင်ဗုံးလား၊သာလွန်အင်အားလား၊ မီးသတ်ပိုက်နဲ့လား၊ ရာဘာကျည်ဆန်နဲ့လား? ညဘက်ဝင်ရှင်းရမလား၊ နေ့ဘက်ဝင်ရှင်းရမလား? အာရုံတက် သူပုန်စခန်းစီးသလို ဝင်ရှင်းရမလား? ဒါတွေကို ရဲတိုင်း တပ်နောက်ခံရှိသူတိုင်း ဘာလုပ်ရမလဲ သိပါတယ်။ အမိန့်လေးသာ ပေးလိုက်ပါ။ ဒါကလုပ်ရတာလွယ်ပါတယ်။ လုပ်ငန်းရှင်ကလဲ သဘောကျမှာပါ။ သူ့ကိုကာကွယ်ပေးတာလေ။ ဒါပေမယ့် အလုပ်သမားတွေကို ပြည်သူကစာနာရင် ဖွတ်ကဝင်ဖျာဝင်ခင်းရင် ပြဿနာတွေက မထင်မှတ်ဘဲ ကြီးသွားတတ်ပါတယ်။အကယ်၍များ ဆန္ဒပြပွဲကြီးဖြစ်ရင် အဘကလဲ လက်နှစ်လုံးအလိုမှာ ကယ်တင်ဖို့ စောင့်နေပါတယ်။

ဒါကို နိုင်ငံရေးသမားက ဘယ်လိုရှင်းသလဲ? ရန်ကုန်မှာ မြန်မာပြည်ရဲ့ အလုပ်သမားအများစုရှိပါတယ်။ပုံမှန်ဆိုရင် ရှင်းရမှာက ခြေဥအရ ပြည်ထောင်စုဝန်ကြီးပါ။ သူက အလုပ်တွေများပြီး ပျောက်နေပါတယ်။ အဲ့ဒီမှာ ကွီးဖြိုးက အများစုကို ဆွေးနွေးညှိနှိုင်း အဖြေရှာပြီး ငြိမ်းချမ်းစွာရှင်းခဲ့ပါတယ်။ ဒါပေမယ့် အချို့အစွန်းရောက် အလုပ်သမားအဖွဲ့တွေက အလုပ်သမားအချို့ကို မြှောက်ပေးပြီး အမိန့်မနာခံဘဲ စက်ရုံပိတ်ဆန္ဒပြတာတွေ ဆက်တိုက်လုပ်လာခဲ့ပါတယ်။ ဒါကြောင့် အချို့စက်ရုံတွေပိတ်လာရပါတယ်။ နိုင်ငံရေးသမားက အချိန်စောင့်ပြီး ပြည်သူတွေက မိမိဘက်ကရပ်အောင် အချိန်ပေးပါတယ်။ပြည်သူကလဲ ဒီဆန္ဒပြပွဲတွေကို မထောက်ခံတာသေချာပြီး သူတို့နောက်မှာ ပြည်သူမပါချိန်မှာမပြတ်သားစွာ အရေးယူပြလိုက်ပါတယ်။ နောက်အရေးယူတာကြမ်းရင်လဲ အထက်က အပြောခံရနိုင်ပါတယ်။ အောင်မြင်ရင်တော့ ချီးကျူးချင်မှ ချီးကျူးမှာပါ။ ဘာလို့လဲဆိုတော့ ပြဿနာကို ကွီးကရှင်းလိုက်လို့ သူမထံ ပြဿနာမရောက်သွားလို့ပါ။

ယခုကွီးဖြိုးအရေးယူတာနဲ့ ယခင်ကအဘတို့နဲ့ ဘာကွာလဲဆိုရင် သူကပြည်သူတွေရဲ့ ဒီဆန္ဒပြပွဲတွေအမြင်ကို ပြောင်းအောင်လုပ်ပြီးမှ when public opinion against them ဆိုမှ ထကိုင်လိုက်တာပါ။ ဒါကနိုင်ငံရေးသမားပါ။ ဆုံးဖြတ်ချက်ကို နိုင်ငံရေးအရ သေချာလေ့လာပြီး ကိုင်သင့်ချိန်မှာ ပြည်သူက မိမိနောက်မှာရှိတာသေချာမှ ကိုင်လိုက်တာပါ။ သူလိုလူမျိုးရှေ့ကရှိနေလို့ DASSK ရဲ့ ဗဟိုအစိုးရ ဝီရသူဒဏ်၊ ဘူးလက်ဒဏ်၊ အလုပ်သမား၊ ကျောင်းသားဆန္ဒပြပွဲဒဏ်ကို ခံနိုင်ခဲ့သလို ICJ မှာလဲ ကွီးကြောင့်အစိုးရနှစ်ရပ်ဆိုတာကို ညွန်ချုပ်ကိစ္စကစလို့ ကမ္ဘာက သတိထားမိလာတာပါ။

နောက်သူက သူလုပ်ချိန်မှာ Facebook ကနေ သူဘာကြောင့်လုပ်ရကြောင်း ပြောပြပါတယ်။ တာဝန်ယူမှုတာဝန်ခံမှုရှိသလို သူက အလုပ်သမားတွေကို စာနာကြောင်း empathy ပြပြီး မလုပ်မဖြစ်လို့ လုပ်ရကြောင်းပြောတာပါ။ ဒါမျိုးတွေက နိုင်ငံ့ခေါင်းဆောင်တွေမှာ လိုအပ်တဲ့ အရည်ချင်းတွေပါ။

NLD အစိုးရမှာ၂၀၂၀ နိုဝင်လာအလွန်ပြုပြင်ပြောင်းလဲဖို့လိုတာက သူလို နိုင်ငံရေးသမားတွေကိုအစိုးရအဖွဲ့မှာ ပိုခန့်ဖို့ပါ။ မိုးကျများကို ဝကခခန့်လို့ကတော့ ယခုထက်ပိုစိုးသွားပါမယ်လို့ ပြောပါရစေ။

Credit: Phyo Min Thein FB page, Myanmar Harp Media