အာဆီယံ၏ ဂရက်

မအလဟာ အာဆီယံကို လျှော့တွက်ခဲ့ပုံပါ။ အာဆီယံက ဘုရင်စနစ်နဲ့ အုပ်ချုပ်တဲ့တိုင်းပြည်တွေရှိသလို အာဏာသိမ်းခဲ့တဲ့တိုင်းပြည် အာဏာရှင် တစ်ပိုင်းအုပ်ချုပ်နေတဲ့တိုင်းပြည်တွေရှိနေလို့ သူ့အတွက်အနေ ချောင်မယ်လို့ထွက်ခဲ့ပါတယ်။

အာဆီယံကလဲ အစပိုင်းမှာ မအလက တိုင်းပြည်ကို အလျင်အမြန် ထိန်းနိုင်မယ်လို့ထင်ခဲ့ပါတယ်။ မအလဟာ လူတွေအများကြီးကိုသတ်ပြပြီး အကြောက်တရားနဲ့ လူတွေကိုထိန်းဖို့ကြိုးစားခဲ့ပါတယ်။ သူကလူပိုသတ်ပြလေ ပိုကြမ်းပြလေ ပြဿနာကပိုကြီးသွားလေပါ။

သူ့အမှား နောက်တခုကသမ္မတဦးဝင်းမြင့်ကိုစကားပြောခွင့်ပေးလိုက်တာပါ။ သမ္မတဦးဝင်းမြင့်ရဲ့ ထွက်ဆိုချက်ကြောင့် သူအာဏာသိမ်းထားတာဟာ နိုင်ငံတော် ပုန်ကန်မှုဖြစ်ကြောင်းအာဆီယံအထိ သိသွားခဲ့ကြပါတယ်။ ယခု DASSK ကိုယ်တိုင်က မအလဟာ တရားဝင်အစိုးရမဟုတ်ကြောင်း ထောက်ပြတာကိုလဲ အာဆီယံက သိမှာပါ။ အာဆီယံကိုတနေ့တကြိမ်စာထုတ်ပြီး ဖောင်းထုတာကလည်းကိုယ့်ဂိုးကိုယ်ပြန်သွင်းခဲ့တာပါ။ ဒါက မအလအဖွဲ့ရဲ့စိတ်ရောဂါအခြေအနေကို ပြနေပါတယ်။

အာဆီယံ အစည်းအဝေးကျင်းပချိန်မှာ မအလက အမေရိကန်သမ္မတတို့ မလေးရှားဝန်ကြီးချုပ်တို့က ဝေဖန်မှာကို ကြိုတွက်ပြီးသားပါ။ ဒါပေမယ့် မအလနဲ့ သူ့လူတွေအတွက်ကမ္ဘောဒီးယားဝန်ကြီးချုပ်ဟွန်ဆန် ထိုင်းဝန်ကြီးချုပ် ပရာရွတ်တို့က ဝေဖန်တာကိုတော့ ခံရခက်နေကြပါတယ်။ ဒီ နှစ်ယောက်ကတော့ မအလအဖွဲ့ မမျှော်လင့်ထားတဲ့သူတွေပါ။ မအလဏအဆဲခံလိုက်ရသလိုပါဘဲ။

အာဆီယံက ယခုလိုမာနိုင်တာဟာ ဘာကြောင့်လဲဆိုတော့ သူ့ကိုအမေရိကန်ရော တရုတ်ရောက ထောက်ခံပေးထားလို့ပါ။ အာဆီယံအဖွဲ့ကို မအလက ဂရုမစိုက်ဘဲနေနိုင်ပေမယ့် တရုတ်နိုင်ငံက ထောက်ခံထားရင်တော့ ဂရုမစိုက်ပဲ နေရခက်ပါလိမ့်မယ်။ ယခင်ကလို တံခါးပြန်ပိတ်ပြီးနေရင်လည်း မအလကို ပညာပေးလို ဖိအားပေးလိုသူများက PDFနဲ့ EAO ထောက်ပံ့ပြီးကျပ်လို့ရနိုင်ပါတယ်။

ယခုဆိုမထင်မှတ်တဲ့နေရာက လက်နက်အနည်းငယ် စရလာ‌နေပြီး နောက်ပိုင်းပိုရလာဖို့သာရှိပါတယ်။ သံတမန်ရေးအရလဲ ပိုအထိနာလာဖို့သာရှိပါတယ်။ နောက်ဆုံးကတော့ မြန်မာပြည်ထဲက စစ်ရေးအခြေအနေကသာ ဆုံးဖြတ်ပေးသွားမှာပါ။ ရှေ့နှစ်မေလမှာ တိုင်းပြည်ဘယ်သွားမလဲဆိုတာ အဖြေတခုထွက်လာမှာပါ။ အဆိုပါ စစ်ရေးကလဲ ပြည်သူကသာဆုံးဖြတ်သွားမှာပါ။ နောက်ဆုံးတော့ ပြည်သူသာ အဓိကပါ။