top of page
Search
  • Writer's pictureMyat Tun Oo

အသက်သေသည်အထိ အမိန့်နာခံကြလား?


အသက်သေသည်အထိ အမိန့်နာခံကြလား?

ပုံမှန်စစ်ပွဲတွေမှာ ရာထူးအဆင့်ဆင့်အလိုက် သူ့အလုပ်သူ လုပ်ရပါတယ်။ ဗိုလ်ကြီးမှစလို့ ဗိုလ်ချုပ်အထိပေါ့။ ဥပမာ ကရင်မှာတိုက်တာဆို စစ်ဆင်ရေးအထူးအဖွဲ့မှူး ညွန့်ဝင်းဆွေရှိခဲ့ပြီးသားပါ။ သူက ဒုဗိုလ်ချုပ်ကြီးအဆင့်ပါ။ ဒါပေမယ့် မအလ စိုးဝင်းကို လွှတ်ခဲ့ပါတယ်။ မြဝတီမှာ တပ်မမှူးအဆင့်လွှတ်ထားတာ သတိထားမိမှာပါ။ ပုံမှန်က မြဝတီလောက်မြို့ဟာ ဗျူဟာမှူး ဗိုလ်မှူးကြီးလောက်ဆိုရပါပြီ။ တပ်မမှူးအဆင့်အထိ ဆင်းရတာက အောက်ကလူတွေ လက်နက်မချနိုင်အောင်ပါ။ ဒါကြောင့် ရှမ်းမြောက်မှာ ဗိုလ်မှူးချုပ်တွေ၊ ဗိုလ်ချုပ်တွေ သွားစုတာ အားလုံးသတိထားမိမှာပါ။ ဗိုလ်များလို့ အမိန့်ပေးစနစ်တွေကို ပိုရှုတ်ထွေးသွားစေပါတယ်။ ယခုက လားရှိုးဟာ တရုတ်မကယ်ရင် ကျမှာပါ။ သိန်းစိန်အပြန်မှာ မအလနဲ့ ဘရွှေကို သူကိုယ်တိုင်သွားတွေ့ပြီး အစီရင်ခံခဲ့ပါတယ်။ သူတို့ချင်းတွေ့ပြောလို့ ဘာလဲမသိပါ။ အဆိုပါ တွေ့ဆုံမှုအပြီးမှာ မအလက ဒုချုပ်ကို တရုတ်ခရီးစဉ်မတိုင်ခင် လားရှိုးခံစစ်ကို သွားရောက်စစ်ဆေးကြီးကြပ်ဖို့ ပြောခဲ့ပါတယ်။ သူက မသွားခဲ့ပါ။ ဒါကြောင့် အမိန့်က သူ့အောက်က မောင်မောင်အေးထံ ရောက်လာတာပါ။ စစ်ဆင်ရေးအထူးအဖွဲ့မှူးဟာ ရှမ်းမြောက်မှာ စစ်ရှုံးခဲ့သူမိုလို့ သူ့ဗျူဟာက ရှုံးဖို့များမှာပါ။ မအလက စိုးဝင်းကို မြဝတီစစ်မီးကို ရပ်နိုင်ခဲ့လို့ အထင်ကြီးတာလဲ ဖြစ်နိုင်သလို တရုတ်မသွားခင် ထိုးကျွေးဖို့ ကြိုးစားတာလဲ ဖြစ်နိုင်ပါတယ်။  သေချာတာကတော့ တပ်ထဲကလူတွေဟာ သူတို့မသေဘဲ ပိုက်ဆံရနိုင်တဲ့ အာဏာသိမ်းတာကို အထက်အမိန့်အရဆိုပြီး လုပ်ရဲပေမယ့် သူတို့သေဖို့သေချာတဲ့ လားရှိုးကိုတော့ အထက်အမိန့်အရ မသွားဘူးဆိုတာပါ။ သူတို့က အရူးပါးတွေပါ။ မအလက စိုးဝင်းကို တရုတ်ကမြောက်ပေးတာ မလိုလားလို့ လားရှိုးသွားခိုင်းတာလဲ ဖြစ်နိုင်ပါတယ်။ မအလတပ်ဟာ သူတို့သေမှာကိုတော့ ကြောက်ကြပါတယ်။ စစ်ပွဲက ဘယ်တော့ရပ်မလဲဆိုတော့ မအလနဲ့အဖွဲ့ ဟိုကပြောတာလုပ်မယ်ဆိုရင်တော့ ရပ်သွားနိုင်ပါတယ်။ မအလက ပြောစကားနားမထောင်ရင်တော့ မန္တလေးနဲ့ နီးလာမှာပါလို့ ပြောပါရစေ။

416 views0 comments

Comments


bottom of page