အဘိုးအဘွားများက သတ်လိုက်သော No Vote

ရွေးကောက်ပွဲမတိုင်ခင် အဘပုက အင်တာဗျူးမှာ မဲပေးသူနည်းလာလို့ ရွေးကောက်ပွဲဟာ တရားဝင်ပါ့မလားဆိုပြီး မေးခွန်းထုတ်ခဲ့ပါတယ်။ နောက်ပိုင်းမှာ ဘယ်ကမှန်းမသိသူ အဘသားများကလဲ No Vote လှုပ်ရှားမှုနဲ့ ကြိုးစားပါတယ်။ မအောင်မြင်ခဲ့ပါ။ အဲ့ဒီနောက် ကိုဗစ်က အနောက်တံခါးကထဖြစ်ပါတယ်။ ကိုဗစ်ရန်ကုန်ရောက်ချိန်မှာ အဘနားက ပါတီများက ရွေးကောက်ပွဲရက်ရွှေ့ဖို့ ထပ်ကြိုးစားပါတယ်။ ယခုဘာမှ မအောင်မြင်ဘဲ နိုဝင်ဘာ ၈ ကို ရွေးကောက်ပွဲဆက်လုပ်ဖို့ ကြိုတင်မဲတွေ စပေးနေကြပါပြီ။ ပထမဆုံး အသက် ၆၀ ကျော်တွေ ကိုဗစ်ကြောင့် ကြိုတင်မဲ စပေးချိန်မှာ မြင်လိုက်ရတဲ့မြင်ကွင်းဟာ မြန်မာလူမျိုးများရဲ့ နိုင်ငံရေးရေချိန်ကို ပြလိုက်ပါတယ်။ Facebook မှာ အသိမိတ်ဆွေများက သူတို့မဲပေးခဲ့ကြောင်း တင်ကြတာတွေ တွေ့ရပါတယ်။ အားလုံးမဲပေးလို့ ကျေးဇူးပါ။ ယခုလိုအဘိုးအဘွားတွေက စံနမူနာ မဲပေးပြလိုက်လို့ ၁၈ နှစ်ကျော်လေးတွေလဲ သူတို့သမိုင်း မရိုင်းအောင် မဲလာပေးကြမှာ သေချာပါတယ်။

ဒီနေရာမှာ လူအများနဲ့ ရွေးကောက်ပွဲလုပ်တာဖြစ်လို့ အချို့နေရာတွေမှာ လိုအပ်ချက်အချို့ ရှိနိုင်ပါတယ်။ အောက်ခြေက ဝန်ထမ်းတွေဟာ ရွေးကော်အတွကိ ရွေးကောက်ပွဲနေ့မှာသာ အလုပ်လုပ်သူများပါ။ ဒီကိစ္စနဲ့ ရွေးကော်ကို အကြီးအကျယ်အပြစ်မတင်ဘဲ တပ်ကြိုတင်မဲကိုသာ ဂရုစိုက်ပါလို့ ပြောပါရစေ။ စာရေးသူအနေနဲ့က တပ်ကြိုတင်မဲက ခိုးဖို့ပိုလွယ်လို့ ဂရုစိုက်စေချင်တာပါ။

တပ်ထဲမှာ ကြိုတင်မဲပေးချိန်မှာ NLD ကိုယ်စားလှယ်ကို မတွေ့လို့ပါ။ မြန်မာပြည်နဲ့ တချိန်ထဲမှာ အမေရိကန်မှာလဲ ရွေးကောက်ပွဲလုပ်နေပါတယ်။ ပြည်နယ်အချို့မှာ ကြိုတင်မဲပြဿနာရှိပါတယ်။ ဥပမာTexas တက္ကဆက်ပြည်နယ်မှာ ကြိုတင်မဲကို နေရာအချို့မှာသာ မဲပေးလို့ရအောင်လုပ်ထားပြီး ခက်အောင်လုပ်ထားတာပါ။ အခြားအရာတွေလဲ ရှိပါတယ်။ ဒါကြောင့် အမေရိကန်သမ္မတရွေးကောက်ပွဲကိုတရားမမျှတဘူးလို့ ပြောရခက်ပါလိမ့်မယ်။

အကျဉ်းချုပ်ရရင် တပ်မဲကိုသာ အဓိကထားပါ။ အနည်းငယ်မှားတာမျိုးကို ရပ်ကျေးမှာပြေလည်အောင်လုပ်ပါ။ နေရာအများစုမှာ NLD နိုင်မှာပါ။ သိပ်လူမစုပါနဲ့။ ဒေါသထွက်နေတဲ့လူအုပ်ကြီးနဲ့ အဘကတွေ့ချင်နေလို့ပါ။

No Vote ကတော့ အဘိုးအဘွားတွေက ဒေါက်ဖိနပ်နဲ့ သတ်လိုက်ပါပြီ။ နောက် နိုဝင်ဘာ ၈ ရက်မှာ ပြည်သူအများက မဲရုံကိုသွားပြီး အသေသတ်ရမှာက အာဏာရှင်စနစ်ကိုပါ။ အားလုံး ရွှေဘိုစိတ်ဓာတ်နဲ့အာဏာရှင်ကို ဒေါက်ဖိနပ်နဲ့ တက်နင်းကြရအောင်။

News Credit : The Economist