top of page
Search
  • Writer's pictureMyat Tun Oo

အဘအမွေပေးခဲ့သော ဖွတ်ဒေါင်း


အဘအမွေပေးခဲ့သော ဖွတ်ဒေါင်း

လွှတ်တော်ထဲမှာ သမ္မတက ပညာရေးအတွက် ချေးငွေတင်တော့ အဘနဲ့အဖွဲ့က ကန့်ကွက်ကြတာမှတ်မိမှာပါ။ သူတို့ဘာကြောင့်ကန့်ကွက်ကြတာလဲ။ သူတို့ရဲ့ဆရာက ပညာရေးဟာ ပြန်မရနိုင်တဲ့ရင်းနှီးမြုပ်နှံမှုလို့ ပြောခဲ့သလို သူတို့ရဲ့ မွေးစားအဖေ နေဝင်းဟာလဲ ကျောင်းသား သမဂ္ဂကို ဒိုင်းနမိုက်နဲ့ ဖျက်ခဲ့ရုံမက ပညာရေးကိုလဲ ၁၉၆၂ ကနေ စနစ်တကျ ဖျက်ဆီးလာခဲ့ကြသူများပါ။

၁၉၆၂ က အသက် ငါးနှစ်ကလေးဟာ ယခုဆို ၅၇ နှစ်ဖြစ်ပါပြီ။ ယခုအသက် ၂၀ တက္ကသိုလ်ကျောင်းသားက ၁၉၉၉ မှာ မွေးတာပေါ့။ သူတို့ကတော့ နေဝင်းထက်ပိုဆိုးတဲ့ ဘရွှေနဲ့ ခင်ညွန့်ရဲ့ပညာရေးနဲ့ ကြီးပျင်းလာသူတွေပါ။

ဒီဘာမှမတတ်ဘဲ တက္ကသိုလ်ရောက်လာသူများဟာ အစိုးလုပ်သမျှ ဝေဖန်ပြီး နာမည်ကြီးအောင် စလုပ်ပါတယ်။ သူတို့ကို အဘကလဲ ကျောင်းသားသမဂ္ဂကို NLD အစိုးရလက်ထက်မဆောက်နိုင်အောင်မြှောက်ပေးပါတယ်။ ဒါက အစိုးရသစ် စတက်လာကထဲက ကန့်လန့်လုပ်တာပါ။ နောက် DASSK ကို မဲလိုချင်လို့ ရန်ကုန်တက္ကသိုလ်ရာပြည့်လုပ်တယ်လို့ စွပ်စွဲတာမျိုးက အင်မတန် ရိုင်းစိုင်းရာရောက်ပါတယ်။

သူတို့ရဲ့ ICJ အပေါ်အမြင်ဟာ ပြည်သူတွေရဲ့အမြင်နဲ့ ကွာနေသလို DASSK ကို တမင်ကန့်လန့်လုပ်နေပုံပါ။ သူမက ပြည်သူကို ကိုယ်စားပြုလို့ ဒီကျောင်းသားဆိုသူတွေရဲ့လုပ်ရပ်က ပြည်သူကို ကန့်လန့်လုပ်ရာရောက်ပါတယ်။

ဒီနေရာမှာ အစိုးရအနေနဲ့ သမဂ္ဂတွေကို ကျောင်းသားတွေကို မဲပေးခိုင်းပြီး သေချာရွေးခိုင်းသင့်ပါတယ်။ ကမ္ဘာ့နိုင်ငံကြီးတွေက တက္ကသိုလ်တွေမှာတော့ ပါတီကိုယ်စားပြု သမဂ္ဂကိုယ်စားလှယ်တွေထားပါတယ်။ သူတို့က ကျင့်ပေးတာပါ။

ဒီနေ့ DASSK က ရန်ကုန်တက္ကသိုလ်ရယ် ဆေးတက္ကသိုလ် (၁) ရယ်ကိုသွားပြီး ဆေး (၁) မှာတော့လက်တွေ့သင်တာကို ဖွင့်ပေးခဲ့ပါတယ်။ နှစ်နေရာစလုံးမှာ လက်ရှိကျောင်းသားတွေ ပြည်သူတွေကသောင်းသောင်းဖျဖျ ကြိုဆိုခဲ့ကြပါတယ်။

ဖွတ်ကျောင်းသားလေးတွေလုပ်ပုံကတော့ အဘဘတ်ဂျက်မပေးဘဲ မွေးထားရကျိုးနပ်တယ်လို့သာပြောပါရစေ။ မောင်ရင်တို့ရဲ့ ကဗျာကို ပြင်လိုတာက “ဖောက်ပြန်သူအပေါင်း တီးတဲ့စောင်းမှာ ဖွတ်ဒေါင်းအခါခါ ကခဲ့သည်လို့” မင်းတို့ရဲ့ လုပ်ရပ်ကို ကြည့်ပြီး ပြင်လိုက်ပါပြီ။

Photo credit: Original uploader

1,000 views0 comments

Comentarios


bottom of page