top of page
Search
  • Writer's pictureMyat Tun Oo

အဘကံခေမှုမှတ်တမ်း


ပြီးခဲ့တဲ့ရက်ပိုင်းက မအလကို တုန်လှုပ်သွားစေခဲ့တာအချို့ ရှိခဲ့ပါတယ်။ စစ်ကိုင်းမှာကလေးတွေသေတဲ့ကိစ္စမဟုတ်ခဲ့ပါ။ ထိုကိစ္စကြောင့် ပြည်သူတွေက သူ့ကိုပိုမုန်းသွားပြီး ခေတ်သစ်က သူ့မြေးကျောင်းကို နေရာအတိအကျဖော်ပြထားလို့ သူ့မြေးတွေကို ရန်ရှာမှာကိုပါ။ ဒါကြောင့် သူ့မြေးတွေကိုချက်ခြင်းကျောင်းတက်တာ ခဏရပ်ခိုင်းထားခဲ့တာပါ။ အခြေအနေတွေကောင်းရင် ပြန်တက်ဖို့ပါ။ သူ့မြေးတွေက နေပြည်တော်မှာတက်လို့ရပေမယ့် သူတို့သူငယ်ချင်းတွေအားလုံးကိုနေပြည်တော်ပြောင်းခိုင်းဖို့မလွယ်ပါ။ ဒါက အပြစ်မဲ့ရင်သွေးတွေကို လေတပ်နဲ့ပစ်သတ်အပြီး သူ့မြေးတွေကို ပြန်လုပ်မှာကြောက်သွားတာပါ။

ဒါထက်ကံဆိုးတာက သူ့လက်နက်ပွဲစား သူ့သားသမီးတွေရဲ့ စီးပွါးဖက်ကို အမေရိကန်ကဖမ်းလိုက်တာပါ။ ဒီလူတွေဟာ ထိုင်းမှာ အဆင့်တစ်ခုအထိ သိထားပြီး ထိုင်းမှာပြဿနာမရှိလုပ်ကိုင်နိုင်သူပါ။ ယခုကိစ္စမှာ အမေရိကန်က ဘိန်းကိစ္စဘာညာနဲ့ အမှုစွဲပြီး ထိုင်းက ဝန်ကြီးချုပ်အဆင့်နဲ့တိုက်ရိုက်ဖမ်းသွားခဲ့တာပါ။ မအလက သူ့စစ်သံမှူးနဲ့ သံအမတ်ကြီးကို ဘိန်းလက်နက်ပွဲစားနဲ့တွေ့ခွင့်တောင်းပေမယ့် ထိုင်းကဂရုမစိုက်ဘဲ ရူးချင်ယောင်ဆောင်နေခဲ့ပါတယ်။ ဒါပေမယ့်နိုင်ငံခြားရေးဝန်ကြီးဌာနက ဘာမှထုတ်မပြောရဲခဲ့ပါ။ အဆိုပါအကောင်ထံမှာ မအလမိသားစုရဲ့ခိုးထားသောဒေါ်လာအချို့ရှိနေခဲ့ပါတယ်။ ယခုသူခိုးထံက သူဝှက်လုတာပေါ့။ ပြဿနာက ဒီကောင်က မူးယစ်ဆေးဝါးတကယ်လုပ်ခဲ့ရင် မအလသားသမီးတွေ ဘိန်းမှုနဲ့ အမှုပတ်နိုင်ပြီးနိုင်ငံရေးမဟုတ်တဲ့ အင်တာပိုဝရမ်း အထုတ်ခံရနိုင်လို့ပါ။ ဒီကိစ္စက ကြီးပါတယ်။

မအလကံခေမှုက သူ့လက်ထောက်ကိုပါ ကူးစက်သွားတယ်လို့ ပြောရပါတယ်။ မနေ့က အသတ်ခံရသူဟာ စိုးဝင်းရဲ့ဆရာအရင်းပါ။ သူ့အသုဘကိုတောင် လုံခြုံရေးကောင်းရင် စိုးဝင်းလာပါမယ်။မအလနဲ့အဖွဲ့ဟာ ဘူးလက်လောက်အဆင့်ကိုတောင် အသတ်ခံရမှာစိိုးလို့ နေပြည်တော်ခေါ်ထားတာပါ။ မြဝတီ၊ NP News က ကျော်မျိုးမင်းနဲ့  မိုးဟိန်းတို့က လေထဲမှာ နိုင်နေပေမယ့်လဲ ဒါကဝါဒဖြန့်ဖို့အတွက်သာဖြစ်ပြီး လက်ရှိအခြေအနေမှာက တပ်မိသားစုအမျိုးတွေတောင် နေပြည်တော်ပြောင်းနေရတာပါ။

မအလဟာအရူးပါးပါ။ သူ့ဝါဒဖြန့်သမားတွေက တပ်မတော်ကြီးနိုင်နေပါပြီလို့ပြော​ပေမယ့် သူ့မြေးတွေတောင် ရန်ကုန်မှာကျောင်းမထားရဲပါ။ ယခုခံနေရတာက ထိုမြဝတီကြည့်တာများသွားတဲ့သူတွေက တကယ်လုံခြုံတယ်ထင်ပြီး သွားလာရင်သာ ဗိုလ်မှူးတွေ၊ ဒုဗိုလ်မှူးကြီးတွေ အဖမ်းခံရလာတာပါ။ ကျန်တာကပြဿနာမကြီးပေမယ့် ဘိန်းသမားကတော့ အဘသားသမီးတွေအတွက်ကံခေမှုအစပါ။ ဒီလူဘာပြောမလဲအပေါ်မူတည်ပြီး သူ့သားသမီးတွေပြဿနာတက်မှာပါ။ အမေရိကန်က မအလရဲ့ စရဖလို အမှုမဆင်ပါစေနဲ့လို့ ဆုတောင်းလိုက်ပါတယ်။

10,228 views0 comments

Recent Posts

See All

ငြင်းမရတဲ့အချက်

အားလုံးငြင်းမရတာက ကချင်မှာ KIA နဲ့ NUG PDF အတွဲညီညီပေါင်းတိုက်တယ်ဆိုတာနဲ့ တပ်မမှူးအဆင့် စသေနေတယ်ဆိုတာပါ။ မြောက်ပိုင်းတုန်းက ဘောမနဲ့ တတိယအုပ်စု ငြင်းခဲ့ပေမယ့် ယခုက ငြင်းမရတော့ပါ။

Commenti


bottom of page