top of page
Search
  • Writer's pictureMyat Tun Oo

အဖေနှင့်သားများ


ယခုရွေးကောက်ပွဲမှာ NLD က အပြတ်နိုင်ခဲ့ပါပြီ။ ဒါကြောင့် ရွေးကောက်ပွဲကတဆင့် သာဝရဲ့ အာဏာရယူရေးလမ်းစဉ်က ပျက်သွားခဲ့ပါပြီ။ ဒီနေရာမှာ သာဝကျန်တာက ဆူပူမှုတွေကနေ အာဏာယူနိုင်တဲ့နည်း၊ မိမိလူတွေကို ၂၀၁၅ မှာ တောင်းစဉ်က မရတဲ့နေရာမှာ ခန့်ထားနိုင်တဲ့ နည်းတွေပါ။

ယခု ဆူနေတာတွေက ထူးဆန်းနေပါတယ်။ ပထမဆုံးက ထောက်ပံ့ကြေးမရတာပါ။ ဒီထောက်ပံ့တာဟာ ယခုမှ ပထမအကြိမ်ပေးတာမဟုတ်ပါ။ ယခင်ပေးချိန်က ဘာအသံမှ မထွက်ခဲ့ပါ။ ယခုအချိန်ယူပြီး လုပ်ထားချိန်မှာမ အသံတွေ ကျယ်လောင်လာတာ တွေ့ရပါတယ်။ ဒီနေရာမှာ ထွေအုပ်ကလူတွေကရပ်ကျေးတွေကို အပြစ်တင်ပြီး ရပ်ကျေးထွေအုပ်ရွေးရင် သေချာရွေးဖို့ မျက်နှာပြောင်တိုက်ပြီး ထွေအုပ်ဝန်ကြီးကိုယ်တိုင်က လိုင်းပေါ်ကနေ မိမိရဲ့ အုပ်ချုပ်မှုညံ့ဖျင်းတာ၊ ခေါင်းဆောင်မှု ညံ့ဖျင်းတာ၊ စီမံခန့်ခွဲမှု ညံ့ဖျင်းတာတွေကို လက်အောက်ငယ်သား ရပ်ကျေးတွေကို အပြစ်ပုံချနေတာဟာ အင်မတန်မှတာဝန်မဲ့ပါတယ်။

တကယ်ဆိုရင် ယခုလို ပိုက်ဆံထောက်ပံ့တာဟာ အစိုးရက မျက်နှာရသင့်တဲ့ စီမံကိန်းပါ။ ဒီကိစ္စကိုထွေအုပ်တွေက ဆူပူအောင် ဖန်တီးတာက တိုက်ဆိုင်လွန်းနေပါတယ်။ ဖြစ်သင့်တာက DASSK အနားမှာရှိနေတဲ့ ထွေအုပ်ဝန်ကြီးဟာ ဒီကိစ္စကို DASSK ရဲ့ ပေါ်လစီကို သေချာမေးပြီး စာရင်းကောက်ရမှာပါ။ အောက်ကလူတွေကိုလဲ သေချာ ကြီးကြပ်ရမှာပါ။ ယခုကတော့ မိမိရဲ့ ခေါင်းဆောင်မှုနဲ့ စီမံခန့်ခွဲမှုညံ့ဖျင်းတာကြောင့် ပြည်သူတွေထံက မျက်နှာရမယ့်အလုပ်ဟာ သေနတ်ပစ်ဖောက် လူစုခွဲရတဲ့အဖြစ်အထိ ရောက်ခဲ့ရပါပြီ။ လူမသေတာ ကံကောင်းသွားပါတယ်။

ယခုအချိန်မှာ ဒေါသထွက်နေတဲ့ လူအုပ်ကြီးကလဲ လွယ်ကူစွာတွေ့နေရပြီး တမင်များ မဆူဆူအောင်လုပ်နေသလား ထင်ရပါတယ်။ အဖေက အာဏာသိမ်းဖို့အတွက် သားတွေက အကွက်ဟပေးထားသလိုပါ။ နိုင်ငံခြားမှာတော့ တာဝန်ရှိသူဝန်ကြီးက နုတ်ထွက်သွားမှာပါ။ မြန်မာပြည်ကတော့မျက်နှာပြောင်တိုက်ပြီး အောက်ကလူကိုသာ ထိုးကျွေးနေတာပါ။

ရိုက်နေတဲ့ ဇတ်ကားကတော့ ထွေအုပ်နဲ့ သာဝပေါင်းပြီး အဖေနှငိ့သားများဇတ်ကား ရိုက်နေတာပါလို့ပြောပါရစေ။ သတိရှိကြပါ။

944 views3 comments

3 комментария


ဦးဝါ ယမ
ဦးဝါ ယမ
21 нояб. 2020 г.

မင်္ဂလာပါဆရာ၊အမှန်တရားကိုတိုင်းသူပြည်သားတွေသိမြင်နိုင်ဖို့အတွက်အမြဲတမ်းရေးသားတင်ပြနိုင်ပါစေ၊ဆရာရောဂါဘေးကင်းဝေးပါစေ၊သူယုတ်တို့ဘေးမှလည်းကင်းဝေးပါစေ၊ဆရာကျန်းမာချမ်းသာပါစေ

Лайк

Myint Soe Oo
Myint Soe Oo
21 нояб. 2020 г.

ဦးမြတ်! ဆောင်းပါးကို ၁၉၉၀-၂၀၀၀ ပြည့်ဝန်းကျင် မီးရထား ဥပမာဖြင့် ရှင်းပြပါရစေ။ပျဥ်းမနား-တောင်တွင်းကြီးလမ်းပိုင်းမှာ ရထား လမ်းချော်ကျဖြစ်ရပ်များ ခဏခဏ ရက်ခြားဆိုသလိုဖြစ်ပွားခဲ့ပါသည်။ အရင်းစစ် အပြစ်က ~လမ်းခင်းဇလီဖားတုံးများ သစ်ပွများဖြစ်နေခြင်း။ လဲလှယ်သည်ဆိုသော်လည်း လဲလှယ်သည့်အရေအတွက်နှင့် အမှန်တကယ်လဲလှယ်သည့်အရေအတွက်???

(ယခင်က ပျဥ်းကတိုး အင်ကြင်းသစ်မာသားများကို ရေနံဖြင့်ပေါင်းတင်ပြီးမှ သုံးပါသည်)။

သံလမ်းမှာ မကျွံစေရန် တင်းခံထားပေးမည့် ကျောက်က မရှိ။

မိုးများတော့ နွံနစ်။ ဆွေး။ ရထားဖြတ်စဥ် လမ်းပြဲသဖြင့် လမ်းချော်ကြရခြင်းဖြစ်ပါသည်။

ပင်မအရည်အသွေး ညံ့ ခြင်းကြောင့် ခရီးသည်နှင့် ကုန်စည်ပို့ဆောင်ရေး နှောင့်နှေးကြန့်ကြာ ပရမ်းပတာဖြစ်ခဲ့ရပါသည်။

ထွေအုပ်!!!! ပညာရေး ၊ကျန်းမာရေး၊ ရပ်ရွာ တည်ငြိမ်စည်ပင်ရေး။အားလုံးနှင့် ဆက်စပ်ပတ်သက်နေပါသည်။

***မကြာမီကာလက၊ မြို့နယ်ဆရာဝန်ကြီးတစ်ဦး ထွေအုပ်နှင့် ရပ်ကျေးတို့၏ လှည့်ကွက်အတွင်းနစ်မွန်း၍ နယ်အပြောင်းခံရတာ အားလုံးသတိထားမိပါလိမ့်မည်။

ဆရာဝန်ကြီးပြောင်းသွားတော့ ခွဲစိတ်ကုရမည့် လူနာမှန်သမျှ ခရိုင်ဆေးရုံကြီးသို့ ပြေးရသည့် ဒုက္ခ အပိုရလိုက်ပါသည်(မြို့နယ်အတွက်တော့ ကုသမှုကောင်းမွန်သည့်ဆရာဝန်ကြီးတစ်ဦးလက်လွတ်ဆုံးရှုံးခဲ့ရပါသည်။)

ရပ်ကျေး မှုး တွေဆိုတာ ထွေအုပ်၏ စေရာ။ ဘာမှ မထူး။

ဦးမြတ်ခေါင်းစဥ်အတိုင်း **အဖေနှင့် သားများ**ပါပဲ။

ညက ဒဂုံဆိပ်ကမ်း ကိစ္စ။ ရပ်ကျေးမှုးတွေနဲ့ ထွေအုပ် ကြိုရှင်းနိုင်ခဲ့ရင် ဒီလောက်ထိ မီးတောက်လာမည်မဟုတ်ပါ။ကောလာဟလကို ကြို မရှင်း။ မှိန်းနေလိုက်ခြင်းက တရားခံဖြစ်သွားပါသည်။

ထွေအုပ် ဘာလဲ? ဘယ်လဲ?ကွန်မန့်တွေမှာ ဝေဆာသွားပါပြီ။

ထောက်ပံကြေးကိစ္စလည်း ဘာလဲ? ဘယ်လဲ? မြင်တတ်သူတွေက မြင်တတ်ကြပါသည်။

**အစာ ပျော့ပျော့ ကျွေး ၊ အားမွေးငြားလည်း ၊ အစာအိမ် မကောင်း ၊ အလုပ်မလုပ်၊ ဖောက်ပြန်နေရင် အား အသစ် မရနိုင်ပါ**

သို့ပါ၍ စကားပုံဖြင့် အဆုံးသတ်အပ်ပါသည်။

@@@ ဝမ်းတစ်လုံးကောင်းရင်

~~~~~ ခေါင်းမခဲဘူး။


အမှန်မြင်နိုင်ကြပါစေရန်

Лайк

Albert Wint
Albert Wint
21 нояб. 2020 г.

မနာလို မရှုစိမ့် ဣဿာ မစ္ဆရိယ မထားကောင်း ထားတာဆိုရင် မိမိ နဲ့ဆန့်ကျင်တဘက်သား နဲ့ကြားပြည်သူတွေဘဲဒုက္ခရောက် အကျိုးမရှိပါ ဟုတ်ပါတယ် ဒါတွေဟာ မရိုးသား အဆာတွေ အခါတွေ အထာတွေပါလား

Лайк
bottom of page