အဓိကကို မမေ့ပါနဲ့

DASSK အနားက မိုးကျတွေဟာ ဒီမိုဝန်ကြီးချုပ်တွေလုပ်တာမှားရင် DASSK ကို တင်ပြရာမှာ အလွန်မြန်ပါတယ်။ လိုတာထက်တောင် တွန်းပါတယ်။

ယခု ဖားကန့်ကိစ္စဖြစ်ပြီး လူတွေသေပါတယ်။ သေသူများဟာ လုပ်ငန်းခွင်မှာ သေသူမဟုတ်ပါ။ ပုံဖော်တာက မလုပ်ရမယ့်နေရာကိုလုပ်တယ်၊ မိုးရာသီဆိုတော့ မြေပြိုတယ် သေတယ်ပေါ့။ မလုပ်ရဆိုတာကို တားဖို့က လုံခြုံရေးစောင့်ထားတယ်။ လုံခြုံရေးကလဲ ညံ့တယ်ပေါ့။ ဒါကြောင့် တပ်ရင်းမှူးကို ဖြုတ်တယ်၊ နယ်လုံဝန်ကြီးကို တပ်ကိုပြန်ပြောင်းမယ်ဆိုပြီး အမိန့်ထုတ်တယ်။ သမ္မတ ထုတ်တာကိုတောင် မစောင့်နိုင်ဘူး။ ထူးဆန်းစွာ အရေးယူလိုက်တယ်။ ဒါကဘာကိုပြသလဲဆိုတော့ ဒီနယ်လုံဝန်ကြီးကိုဘယ်သူကိုင်ထားလဲဆိုတာကို ပြတာပါ။ နောက်တစ်ခုကလဲ သမ္မတကဖွဲ့တဲ့အဖွဲ့ဟာ နယ်လုံဝန်ကြီးကတပ်ထဲရောက်သွားလို့ စစ်ရခက်သွားနိုင်ပါတယ်။

စုံစမ်းရာမှာ ဘာကြောင့်လူတွေသေလဲဆိုရင် မြေပြိုလို့ပါ။ နောက်ဒီနေရာကို တားထားတဲ့ကြားကစည်းကမ်းဖောက်ပြီး ရေမဆေးကျောက်သမားတွေက အန္တရာယ်နေရာကိုဝင်တယ် ဒါကြောင့်သေတယ်ပေါ့။

တကယ်တမ်းက အဲ့ဒီလို မြေပုံကြီးဖြစ်အောင် ဘယ်သူလုပ်လဲဆိုတော့ လောဘကြီးတဲ့ ကုမ္ပဏီတွေကလုပ်ထားတာပါ။ ဒီလိုကျောက်တွင်းမှာ ဒီလိုမြေမပုံလို့ ဘယ်လိုပုံရမှာလဲမေးရင် ဩဇီမှာလုပ်နေတဲ့မိုင်းတွင်းတွေကို လေ့လာပါလို့ အကြံပြုပါရစေ။

ပထမဆုံး ယခုလို အချိန်တိုအတွင်းမှာ အများကြီးပေးမတူးသလို မြေတွေကိုလဲ ယခု ဖားကန့်မှာလို စွန့်ပစ်တာမဟုတ်ဘဲ စနစ်တကျစွန့်ပစ်ရပါတယ်။ ဖားကန့်မှာလို မြေစာပုံကြီးလုပ်ခွင့်မရှိပါ။

ဒီဖားကန့်မြေပြိုတာကို ကမ္ဘာပေါ်က သတင်းစာတွေ၊ သတင်းဌာနတွေမှာ အကြီးအကျယ်ဖော်ပြကြပါတယ်။ ပြောချင်တာက မပေါ့ဖို့ပါ။

စုံစမ်းသူများအနေနဲ့လဲ ယခုတူးနေတာနဲ့ ပေးထားတဲ့ လုပ်ပိုင်ခွင့်တွေကိုရပ်ပြီး လက်ရှိမြေစာပုံတွေကိုဘယ်လိုရှင်းမလဲ၊ ဘယ်လိုနိုင်ငံတကာစံနှုန်းနဲ့အညီ တူးခွင့်ပေးမလဲ လေ့လာသင့်ပါတယ်။

စုံစမ်းရေးအဖွဲ့ထဲ တပ်ကခန့်တဲ့ ပြည်ထဲရေးဝန်ကြီးပါနေတာကိုက အဖွဲ့ကို လုပ်ရကိုင်ရ ခက်စေပါတယ်။ ကမ္ဘာပေါ်မှာလဲ အော်နေပါပြီ။ အစိုးရအနေနဲ့ ဦးပိုင်ရဲ့ ကုမ္ပဏီအခွဲတွေ ပါနေပေမယ့်လဲလောလောဆယ် ရပ်ခိုင်းပြီး အဖြေရှာသင့်ပါပြီ။ DASSK အနေနဲ့ ကမ္ဘာပေါ်က သတင်းစာတွေရေးတဲ့အတိုင်းအတာကိုသိအောင် သတင်းတွေကိုလဲ တင်ပေးလိုက်ပါတယ်။

စုံစမ်းရေးအဖွဲ့တွေရဲ့အလုပ်က ဖြစ်တာကို သင်ခန်းစာယူပြီး မဖြစ်အောင် တားစီးဖို့ပါ။ ပြဿနာကို သိမှ နားလည်မှ အဖြေကို ရှာလို့ရမှာပါ။ ရဲရင့်ဖို့တော့ လိုပါတယ်။