သိလိုက်ရတဲ့ နိုင်ငံခြားက စံနှုန်း

မြန်မာပြည်မှာ တပ်ကစီးပွါးရေး ဦးပိုင်ထောင်တယ်။ တပ်မှာ ရာထူးယူတယ်။ ဦးပိုင်မှာလဲ ဒါရိုက်တာလုပ်တယ်။ အကျိုးစီးပွါး ပဋိပက္ခရှိတယ်။ ဒါကအသိသာကြီး။ ဒီမိုနိုင်ငံတွေမှာ တပ်ကစီးပွါးရေးလုပ်လို့မရဘူး။ မြန်မာပြည်မှာက ၂၀၀၈ ခြေဥနဲ့ ကာထားတယ်။

Myanmar Now က ဖော်ထုတ်လိုက်လို့ အခွန်ညွှန်ချုပ်နဲ့ ဆိပ်ကမ်းညွှန်ချုပ်ဟာ ဦးပိုင်မှာပါနေတာ သွားတွေ့ရတယ်။ နောက်ဆုံးသူတို့ကို ဦးပိုင်ကထွက်ခိုင်းလိုက်တယ်။ နောက်ကြောင်းပြန်တော့ အရေးမယူခဲ့ပါဘူး။

ယခု NLD က ရေပန်းစားသူဟာ စစ်အာဏာရှင်တွေနဲ့ ပတ်သက်တာ ခရိုနီနဲ့ ပတ်သက်တာတင်မဟုတ်ဘဲ အစိုးရအလုပ် လက်ခံယူပြီးချိန်အထိ ကိုယ်ပိုင်နဲ့ အခြားအလုပ်တွေကို လက်ခံပြီး ဒါရိုက်တာအဖြစ်၊ အကြံပေးအဖြစ် ဆက်လုပ်နေဆဲဆိုတာကို သိလိုက်ရပါတယ်။ သူကြွေးရှင်းဖို့ သွားတွေ့စဉ်မှာအစိုးရအဖွဲ့ ရာထူးရယူပြီးနေပါပြီ။ ဒါဟာ DASSK ဦးဆောင်တဲ့ အစိုးရအဖွဲ့မှာအထိကို ဖြစ်လာတာပါ။DASSK ဟာ သူမအစိုးရထဲ ပါလာသူတွေကို အကျိုးစီးပွါး ပဋိပက္ခထဲ ပါနေရင်တော့ အရေးယူမယ်လို့ထင်ပါတယ်။ သူမက စည်းကမ်းလိုက်နာတာကို ကြိုက်တယ်။ ကိုဗစ်ကာလမှာ အစိုးရက အမိန့်ထုတ်ပြီး ဘုရားတက်တာတောင် ကြိုက်သူမဟုတ်ပါ။ ဒီကိစ္စက ဘုရားတက်တာထက် အဆ ၁၀၀ ပိုအရေးကြီးတယ်ဆိုတာကို သူမဖတ်ရင် သိမှာပါ။ ဒါ့ကြောင့်သူမဟာ ဒီလိုကိစ္စတွေကို ကျောသားရင်သား မခွဲခြားဘဲ အရေးယူမှာပါ။ အရေးမယူရင်လဲ တပ်ကိုပြောရခက်မှာပါ။

ဒီနေရာမှာ စာရေးသူစာဖတ်လို့ တူထံက သိလိုက်ရတဲ့ နိုင်ငံခြားက စံနှုန်းက စာရေးသူကို မျက်လုံးပြူးသွားစေခဲ့ပါတယ်။ တူက သူနေတဲ့ နိုင်ငံခြားမှာ ရှယ်ယာဝယ်မလို့ အကောင့်ဖွင့်ရာမှာ မေးတဲ့မေးခွန်းကသင့်မိသားစုဟာ ကုမ္ပဏီမှာ ရှယ်ယာ ၁၀% ရှိလား၊ ရှယ်ယာပွဲစားကုမ္ပဏီမှာလုပ်တာလား၊ ယခင်နဲ့ယခုအစိုးရအဖွဲ့ အဖွဲ့ဝင်လားဆိုတာ ကြေညာရတာပါ။ သူတို့ထံမှာက အကျိုးစီးပွါးစံနှုန်းက မြင့်ပုံပါ။ တပ်ကို လက်ရှိမှာ ဘာမှလုပ်မရသေးပေမယ့် DASSK ဟာ သူ့အစိုးရအဖွဲ့မှာတော့ အဲ့ဒီလို အကျိုးစီးပွါးပဋိပက္ခသမားကို moral high ground and ethic မြင့်ကြောင်း စိတ်ဓာတ်နဲ့ ကျင့်ဝတ်မြင့်ကြောင်း ပြတဲ့အနေနဲ့ နေရာကြီးတွေမှာ မရွေးမိပါစေနဲ့လို့ ဆုတောင်းလိုက်ပါတယ်။ ခန့်သင့်တဲ့ လက်ရှိနေရာတွေအကြံပေးနေရာတွေကတော့ အဆင်ပြေနိုင်ပါတယ်။

News Credit: Myanmar Now