top of page
Search
  • Writer's pictureMyat Tun Oo

သံတမန်စကား


စာရေးသူတို့ အရပ်စကားနဲ့ သံတမန်စကား မတူပါဘူး။ ကမ္ဘာ့နိုင်ငံကြီးတွေမှာလဲ သူတို့ရဲ့ အကျိုးစီးပွါးတွေရှိပါတယ်။ တရုတ်၊ ရုရှား၊ အမေရိကန်၊ အင်္ဂလိပ်၊ ပြင်သစ် အကုန်အတူတူပါ။ တရုတ်နိုင်ငံ ဆန့်ကျင်တာက ဒီမိုတွေကလဲ ကြိုက်သလို မအလတပ်ထဲမှာလဲ တရုတ်ဆန့်ကျင်တာတွေရေးဖို့၊ NLD ဆန့်ကျင်တာရေးသလို တပ်ခွဲတစ်ခုရှိပါတယ်။ ဒါ့ကြောင့် ဒီမိုရော မအလတပ်ရော တရုတ်မကြိုက်တာတူပါတယ်။ ဒါပေမယ့် မအလဟာ တရုတ်နဲ့တကယ်တွေ့ရင် ဘောမ မရုံတမယ်ပါ။

အမေရိကန်နဲ့ အင်္ဂလိပ်က ဗုံးခွဲတာ၊ ဗုံးဖောက်တာ မကြိုက်ပါ။ သူတို့ရဲ့ မူဝါဒအရပါ။ ဒါပေမယ့် သူတို့ဟာ မြန်မာပြည်ထဲကို စစ်တပ်လွှတ်ပြီး ကူမှာမဟုတ်ပါ။ လက်ရှိသမ္မတဘိုင်ဒင်လက်ထက်မှာ ဘာအမေရိကန်တပ်မှ လွှတ်မှာမဟုတ်ပါ။ အားလုံးသိတဲ့အတိုင်း လက်ရှိသမ္မတ ဘိုင်ဒင်၊ အမေရိကန်နိုင်ငံခြားရေးဝန်ကြီး ဘလင်ကန်၊ အင်္ဂလိပ်ဝန်ကြီးချုပ်တို့ဟာ ရိုအရေး လူ့အခွင့်အရေးတွေမှာအသံကျယ်ခဲ့ပါတယ်။ ဒါပေမယ့် ပါးစပ်နဲ့သာ ကူညီမှာပါ။

ဒါဆို ဘယ်သူက ကူညီနေလဲ။ စာရေးသူတို့ဟာ ပထမဆုံး မိမိကိုယ်ကို အားကိုးရပါမယ်။ တာလီဘန်ကို လေ့လာပါ။ သူသာ အမေရိကန်နဲ့ အင်္ဂလိပ်ပြောတာကို ကြောက်နေရင် ဘာမှဖြစ်လာမှာ မဟုတ်ပါ။လောလောဆယ် အမေရိကန်က ဒေါ်လာ သန်း၅၀ NUG ကို ကူညီထားပါတယ်။ ထပ်လဲ လာနိုင်ပါတယ်။ အင်္ဂလိပ်ကတော့ လောလောဆယ်လေပါ။ စာရေးသူမသိတာရှိရင် ထောက်ပြပါ။

တရုတ်နိုင်ငံဟာ NLD ပါတီကိုဖိတ်တာ၊ သူ့နားက လက်နက်ကိုင်တွေကတဆင့် မအလကို စကျပ်တာတွေ လုပ်လာနေပါပြီ။ ယခုဗုံးဖောက်တာကလဲ အချို့က ပျူစောထီး၊ အချို့က စရဖကလုပ်တာပါ။အချို့ကိစ္စတွေမှာ ပြည်သူတွေက မခံနိုင်လို့ လုပ်တာဖြစ်ပြီး NUG က တိုက်ရိုက်လုပ်ခိုင်းနေတာမဟုတ်ပါ။ ဒါ့ကြောင့် သူတို့ပြောလဲ ဟုတ်ကဲ့ပြောထားလို့ရပါတယ်။ ဒါပေမယ့် အမေရိကန်နဲ့ အင်္ဂလိပ်က ဗုံးမထောင်စေချင်ရင် လေယဉ်ပစ်အမြှောက်ပေးရမှာပါ။ ဒါက စာရေးသူလို သာမန်ပြည်သူက ပြောလို့ရပေမယ့် NUG က​တော့ စဉ်းစားပါ့မယ်လို့သာ ပြောရမှာပါ။

ဒါဆိုဘာလုပ်ရမှာလဲ။ အမေရိကန်တပ်မဝင်တာဟာ မကောင်းသလိုရှိပေမယ့် ကောင်းတာတွေ အများကြီးပါ။ တရုတ်ဟာလဲ မအလနဲ့ အဆင်မပြေခဲ့ပါဘူး။ အချောင်လိုချင်တာ လူ့သဘာဝပေမယ့် မအလစာ တရုတ်စီးပွါးရေးကို လုံခြုံရေး အာမ မခံနိုင်တာ တရုတ်သိပါတယ်။ ဒါပေမယ့် အရေးကြီးတာကစာရေးသူတို့ဟာ ဘယ်သူ့ကိုမှ မမျှော်ဘဲ လုပ်စရာရှိတာကို ဆက်လုပ်ရမှာပါ။

သံတမန်ရေးအရတော့ စကားလှလှတွေ ဆက်သုံးရပါမယ်။ ဆွေးနွေးရေး တံခါးဖွင့်ထားသည်ပေါ့။တိုက်စရာရှိတာလဲ ဆက်တိုက်နေရပါမယ်။ တာလီဘန်တောင် အမေရိကန်နဲ့ဆွေးနွေးရင်း တိုက်သွားခဲ့တာပါ။ ဘယ်သူ့ကိုမှ မုန်းစရာ၊ ချစ်စရာမရှိပါ။ လုပ်စရာရှိတာ ဆက်လုပ်သွားရမှာပါ။ ပြည့်အင်အားသည် ပြည်တွင်းမှာသာရှိပြီး ပြည်သူသာ အဓိကပါ။ ပြည်သူတွေအင်အားကောင်းလာရင် အားလုံးအချိုးပြောင်းသွားမှာပါ။ ပြည်သူအချင်းချင်းကူပါ။ မအလကို တွန်းလှန်ပါ။ ဒါပါဘဲ။ NUG ကတော့သံတမန်စကား လှအောင်ပြောထားပါ။

90 views1 comment

1 opmerking


Myint Soe Oo
Myint Soe Oo
09 sep. 2021

ဦးမြတ်!!!! မိမိတစ်ဦးတည်း၏အမြင်ပါ။ကွဲလွဲလျှင် နာလည်ခွင့်ပေးပါ။

အိမ်ထောင်ဦးစီး (ဖခင်အရင်းမဟုတ်သော ပထွေးအဆက်ဆက်) နှိပ်စက်လို့ ဆင်းရဲမွဲတေနေတဲ့ သားသမီးများ လူဘုံအလယ် မျက်နှာငယ်ရသည့်အဖြစ်ပါ။

ပထွေးဟူသည် သွားလေသူထားရစ်၍ ကျန်ရစ်ခဲ့သော အမွေပုံပေါ်ထိုင် မူးယစ်ရမ်းကားလူမင်းသားအဖြစ်နဲ့ စည်းစိမ်မှန်သမျှခံ အိမ်အခွံပဲ ကျန်တဲ့အချိန် အစာမဝ လူလုံးမလှသည့် သားသမီးက ပုန်ကန်ခြင်းနှင့် ဆင်တူလှပါသည်။ အမေက လင်များလို့ မဟုတ်ရပါ။ ဥစ္စာပေါ ရုပ်ချောလေတော့ ဂွ(ခွ)ကောင်းထိုင် ချိုင်လိုသူ လူ့ဘော်ကြော့များ အဓမ္မ သိမ်းပိုက်မှုကြောင့် ဆင်းရဲဒုက္ခမှန်သမျှ ခါးသီးစွာခါးစည်းခံနေရပါသည်။သားသမီး လုပ်အားခ မှန်သမျှ ပထွေး အရက်ဖိုး နေ့တိုင်း ဆက်သနေရမှုကလည်း အုံကြွမှုအတွက် တွန်းအားတစ်ရပ်ဖြစ်ပါသည်။ အမေပြောတဲ့ **အမောပြေတဲ့ အိမ်** မှာ နေထိုင်ချင်ကြလွန်လွန်းလို့တွန်းလှန်နေကြခြင်းလည်းဖြစ်ပါသည်။


*******************************

ပထွေးနဲ့ သားသမီးရန်ပွဲ တကျက်ကျက်နဲ့

ရက်ဆက်ရှည်ကြာခဲ့ပေမယ့် ခုခါက တုတ်တပြက် ဒါးတပြက် တကယ်နှက်ကြပါတော့မယ်။ ထုံးစံအတိုင်း ကြား ဝင်ဖြန်သူတို့သဘာဝ ဝင်ရောက် ငံ ကြခြင်းဖြစ်ပါသည်။ မင်းလူ မင်းထိန်း ၊ ငါတို့လူ ငါတို့ ထိန်းမယ် ဆိုသော သဘော။

ပထွေးလွန်မှန်း ပြောခွင့်ရ ဘာဂနာတို့ ယန်ဟီးလီတို့က တဖွဖွပြောခဲ့ပါသည်။

ဖြန်တဲ့အုပ်စု နှစ်စု ။ ပထွေး လူ့မင်းသားနှင့် ပုလင်းတူ ဗူးဆို့ တွေကတဖက်၊ သားသမီးတွေဖက်က တစ်အုပ်စု။ ဖြန်ဖြေလို့ မရတဲ့အဆုံး (သူ့လူ ကိုယ့်ဖက်သား ငြိမ်းချမ်းရေးသမားယောင်ဆောင်)

ဆိုးသွမ်းတဲ့သူကို **မင်း!တော်ကြတော့ကွာ**ကိုယ့်လူရင်ဘတ်ကို ထိန်းသလိုလိုနဲ့(အားစိုက် စောင့်တွန်းပြီး ပက်လက်လန် ပြိုလဲ ခေါင်းကွဲအောင်)လုပ်ဆောင်ခြင်းဟု မြင်မိပါသည်။

လူကြီးလူကောင်း လက်မှတ်ရအောင်၊ ပုလင်းတူဗူးဆို့အပြစ် ငြိမ်းချမ်းရေးအဖြစ်နဲ့ ပြန်ဖုန်းနိုင်ရန်ဖြစ်ပါသည်။

ယနေ့ခေတ်စားနေတာကလည်း ငြိမ်းချမ်းရေး ဟူသော စကား တွင်တွင်ကြီး တော်ကီပွါးနေကြသည်ကိုး။

နောက်ဆုံး ဆွဲမနိုင် ညှိမရ ချ ကြတဲ့အခါ

နောက်ကွယ်က တုတ်ပေးတဲ့သူနဲ့ ၊ ဒါး…


Like
bottom of page