သမ္မတထရမ့်မှပြောသော ကိုဗစ်

သမ္မတထရမ့်ဟာ ကမ္ဘာပေါ်က နံပတ်တစ်တိုင်းပြည်ကြီးရဲ့ သမ္မတပါ။ အကြီးဆုံးတပ်ရဲ့ စစ်သေနာပတိချုပ်ပါ။ သူ့မှာ အစောင့်တွေများစွာရှိပါတယ်။ သူ့နားကို ရန်သူလာဖို့ ခက်ပါတယ်။ သူ့မှာ သမ္မတစီးတဲ့လေယဉ်၊ ရဟတ်ယဉ်၊ ကား အစုံရှိပါတယ်။

သူဟာကိုဗစ်ကို ရောဂါအနေနဲ့ ဟုတ် မဟုတ် ယခင်က မေးခွန်းထုတ်ခဲ့သူပါ။ နှာခေါင်းစည်းကိုလဲ အယုံအကြည်မရှိခဲ့သူပါ။ နှာခေါင်းစည်းတပ်ဖို့ အစပိုင်းမှာ ငြင်းဆန်ခဲ့ပြီး နောက်ပိုင်းမှာ မတတ်ချင် တတ်ချင်နဲ့ တတ်ခဲ့ပါတယ်။

ယခုသူ့ရဲ့ အိမ်ဖြူတော်အကူမှာ ပိုးတွေ့ရာကနေ စစ်ဆေးစဉ် သူလဲ ပိုးတွ့ခဲ့ပါတယ်။ သူက မနေ့ကညပိုင်းမှာ အဖျားရှိလာပါတယ်။ သူဟာ နည်းနည်းမောတာရှိပေမယ့် စိတ်တက်ကြွနေဆဲပါလို့ သူ့ဆေးမှူးက ပြောထားပါတယ်။ သမ္မတထရမ့်ကို နောက်ဆုံးပေါ် စမ်းသပ်ဆေးဖြစ်တဲ့ Regeneron ဆေးပေါင်းကိုပေးထားတယ်လို့ဆိုပါတယ်။ ဒီဆေးဟာ ရောဂါပိုး Virus အရေအတွက်ကို လျှော့ချနိုင်ဖို့လို့ ဆိုပါတယ်။ နောက်သမ္မတထရမ့်ဟာ Vitamin D, Zinc, Melatonin, Aspirin နဲ့ အစာအိမ်အနာမဖြစ်အောင်အက်စစ်လျှော့တဲ့ Famotidine ကိုလဲ သောက်နေပါတယ်။ သမ္မတထရမ့်ဟာ ဝပြီး အသက် ၇၄ ဖြစ်နေလို့ စိုးရိမ်ရတဲ့ အုပ်စုထဲမှာ ပါနေပါတယ်။ ယခုဆောင်းပါးရေးချိန်မှာဘဲ စစ်ဆေးရုံဖြစ်တဲ့ Walter Reed Medical centre ကို ပြောင်းရွှေ့ထားလိုက်ပါပြီ။

စာရေးသူတို့လို မြန်မာပြည်က သာမန်ပြည်သူတွေအတွက် သံဝေဂရဖို့က ကိုဗစ်ဟာ အမေရိကန်သမ္မတရော၊ ယူကေဝန်ကြီးချုပ်ရော၊ အာရပ်ကဘုရင်တွေရော ကူးတယ်ဆိုတာပါ။ သူတို့က ပိုက်ဆံတတ်နိုင်ပေမယ့် စာရေးသူတို့က မလွယ်ပါ။ NLD မှာလဲ မဲဆွယ်ဖို့ အခက်အခဲရှိနိုင်ပေမယ့် ယခုရက်ပိုင်းအတွင်း လူစုလူဝေးနဲ့ အပြင်ထွက် မဲမဆွယ်ပါနဲ့။ မဲစာရင်းသာ တပ်ကကြိုတင်မဲကို ဘာကြောင့်လဲ နိုင်အောင်စစ်ပါ။ ဒါဟာ မဲဆွယ်တာထက် ပိုထိရောက်ပါတယ်။ နှင်းဆီကျော်မြင့် ပြည်သူ့ထံကလိမ်ထားတာကို ပြည်သူကို ပြန်ပေးနိုင်ရင် တောင်ပြိုကမ်းပြို နိုင်သွားပါမယ်။ စစ်သားသာ ကြိုတင်မဲကို ရှေ့တန်းထွက်ရင်ခွင့်ပြုပြီး မိသားစုတွေ ကြိုတင်မဲကို ခွင့်မပြုပါနဲ့။ ကြိုတင်မဲဟာ ဖွတ်မဲပါ။ တပ်မိသားစုတွေ အရပ်မဲရုံမှာ မဲပေးနိုင်ရင် တနိုင်းမှာ NLD နိုင်ပါမယ်။

ပြည်သူများ ကိုဗစ်ကိုနိုင်ဖို့ လိုက်နာရမှာက

✅ အိမ်ထဲမှာနေပါ

✅ လက်ဆေးပါ

✅ နှာခေါင်းစည်းတပ်ပါ

✅ ဖြစ်နိုင်ရင် ၆ ပေလောက် ခပ်ခွါခွါနေပါလို့သာ ထပ်ခါထပ်ခါ ပြောပါရစေ။

✅ ဖျားရင် အနံ့ပျောက်ရင် ချက်ခြင်း သတင်းပို့ပါ။

✅ သင့်ကြောင့် ကိုဗစ် မကူးပါစေနဲ့

News Credit: CNN, FT