သစ္စာနှင့် မေတ္တာလဲရမယ့် ၂၀၂၁

NLD ကို ပြည်သူများက ထောက်ခံကြပါတယ်။ ၈၀% ကျော်ကပေါ့။ ဝန်ထမ်းတွေကလဲ ၈၀% ကျော်ထောက်ခံကြပါတယ်။ ဒါပေမယ့် ဝန်ထမ်းတွေရဲ့ ထိပ်ပိုင်းက အဘသတင်းပေးတွေ အဘတ မိုးကျတွေ ရှိနေခဲ့ပြီး သူတို့တွေဟာ ပြောင်းလဲမှုတွေကို မဖြစ်မြောက်အောင်၊ နှေးကွေးအောင် ဒါမှမဟုတ်NLD သိက္ခာကျအောင် လုပ်ခဲ့ကြပါတယ်။ အချို့ စီမံခန့်ခွဲမှုသင်တန်းဆရာ ဘိုးတော်ကြီးများကခေါင်းဆောင်တော်ရင် အဆိုပါလူများလဲ ပြောင်းလဲလာမယ်ဆိုပြီး ဂျင်းထည့်သူများလဲ ရှိကြပါတယ်။ဒီသီအိုရီက အမြဲမမှန်ဘဲ ဘုရားက ဒေဝဒတ်ကို တရားချလို့မရတာနဲ့ စာရေးသူက နှိုင်းယှဉ်ပြခဲ့ပြီးပါပြီ။ မြန်မာပြည်မှာက ဒေဝဒတ်နဲ့တူတဲ့ သာဝတွေ နေရာတိုင်း ဌာနတိုင်းမှာ ရှိကြပါတယ်။

သူတို့ကို ဘယ်လိုပြောင်းလဲမလဲ? အချို့ ခရိုနီလက်ထက်က သာကူးများကို ခန့်လိုသူများကလဲပညာရှင်ခန့်ပါဆိုပြီး ပြောကြပါတယ်။ အဆိုပါလူတွေကို ပြောလိုတာက ဒီမိုနိုင်ငံများရဲ့ ကာကွယ်ရေးဝန်ကြီးဟာ စစ်သားတွေ စစ်ဗိုလ်ချုပ်တွေမဟုတ်ဘဲ အရပ်သားစစ်စစ်ဆိုတာကို အမေရိကန်၊ အင်္ဂလန်၊ပြင်သစ်၊ အီတလီ၊ ဂျပန်၊ တောင်ကိုရီးယားတို့ကို လေ့လာရင် သိနိုင်ပါတယ်။ ကျန်းမာရေးဝန်ကြီးလဲထို့အတူပါဘဲ။ အားလုံးဟာ နိုင်ငံရေးသမားတွေပါ။ နိုင်ငံရေးသမားတွေမှာ သူတို့ရဲ့ စံတွေ၊ လူ့တန်ဘိုးတွေ၊ မူဝါဒတွေ ရှိကြပါတယ်။ ဥပမာ ဥရောပ နိုင်ငံအချို့က ဆင်းရဲသားတွေကို ဆေးအလကားပေးတာ ငွေကြေးထောက်ပံ့တာတွေက သူတို့ရဲ့ လက်ဝဲမူဝါဒအရပါ။ လက်ယာက ကိုယ်လုပ်မှ ကိုယ်စားပေါ့။

NLD မှာ ခန့်စရာ နိုင်ငံရေးသမားရှိလား? NLD က လက်ရှိ ကြိုက်တဲ့ဝန်ကြီးချုပ်တွေ၊ လွှတ်တော်အမတ်တွေ၊ အရပ်သားနိုင်ငံရေးသမား ဝန်ကြီးစစ်စစ်ကို အင်တာဗျူးကြည့်ပါ။ ပြီးရင် ကြိုက်တဲ့တိုင်းမှူးတို့ သာဝတို့နဲ့ ယှဉ်ဗျူးရင် ဘယ်သူသာလဲ သိပါလိမ့်မယ်။ နာဂေးတစ်နဲ့ NLD က ဒေါက်တာမျိုးညွန့် အပြောအဆို ကွာသလိုပေါ့။ ဟိုက နိုင်ငံရေးသမားဖြစ်သလို ဆရာဝန်မိုလို့ MA (Defence) နဲ့ကဆယ်တန်းမှာထဲက ကွာတာပါ။

ဒါဆိုရင် ပညာရှင်ကရော။ စာရေးသူအနေနဲ့ ပညာရှင်များ ပါရမယ်ဆိုတာကို လက်ခံပါတယ်။ ဘယ်လိုလုပ်ရမလဲဆိုတော့ NLD အနေနဲ့ ဒုဝန်ကြီးကို ပညာရှင်ခန့်တာ ဒါမှမဟုတ် အကြံပေးကို ညွှန်ချုပ်အထက်အဆင့်သတ်မှတ်ပြီး အမေရိကန်၊ ယူကေနဲ့ ပြင်သစ်နိုင်ငံတွေမှာလို အထူးအကြံပေးခန့်ပြီးအစုအဖွဲ့ကြီးကြီးနဲ့ လုပ်သင့်ပါတယ်။ သူတို့ကို လခပေးပြီး နိုင်ငံ့ဝန်ထမ်းစည်းမျဉ်းလိုက်နာခိုင်းသလိုပေါ့။ ဒါဆိုရင် ဝန်ကြီးတွေအနေနဲ့ မိုးကျတွေ ညွှန်ချုပ်တွေကို ထိန်းနိုင်မှာဖြစ်သလို လိုအပ်တဲ့အကြံဉာဏ်ကို တောင်းခံနိုင်မှာပါ။ ယခုဟာက NLD ရဲ့ ပညာရှင်အဖွဲ့က ပါတီထဲမှာ ကျန်ခဲ့လို့ ခေါင်းနဲ့ကိုယ် ပြတ်သလို ဖြစ်သွားတာပါ။

ထို့အတူပါဘဲ။ လွှတ်တော်အနေနဲ့လဲ နိုင်ငံ့ဝန်ထမ်းဥပဒေမှာ ဒုညွှန်ချုပ်အထက် အဆင့်တွေကိုအလွယ်တကူ ဖြုတ်လို့ရအောင် ပြင်သင့်ပါတယ်။ ဒါမှ ဂျစ်ကန်ကန်အရာရှိကြီးတွေကို အပြီးကန်ထုတ်နိုင်မှာပါ။ စာ​ရေးသူအနေနဲ့ကတော့် လုံခြုံရေးကောင်စီ ငါးနိုင်ငံမှာ သံအမတ်တွေကိုတောင် NLD ကနိုင်ငံရေးသမား ဇေယျာဖြိုးတို့လို ပြုံးကေသီနိုင်တို့လို အမာခံတွေ ပို့ထားပြီး သာဝနဲ့ ရင်ဆိုင်ဖို့ ပြင်ထားသင့်ပါတယ်။

ယခုအချိန်ဟာ မေတ္တာနဲ့ သစ္စာလဲပြီး ဆော်ဖို့ကို ပြင်ဆင်ထားရမှာပါ။ ဒေဝဒတ်က ဘုရားကိုသာ ဒုက္ခလိုက်ပေးပေမယ့် သာဝနဲ့အဖွဲ့က တိုင်းပြည်တစ်ခုလုံးကို ဒုက္ခပေးနိုင်လို့ ဆော်စရာရှိတာ ဆော်ပါလို့ပြောပါရစေ။ ဆော်တယ်ဆိုတာကလဲ အနားနီးမှမဟုတ်ဘဲ ပြင်စရာရှိတာကို ပြင်ထားပါ။ အချို့သာဝတပည့်တွေက တကယ်ဆော်မှာသိရင်လဲ ဘက်ပြောင်းတတ်ပါတယ်။

Photo credit: Myanmar State Counsellor Office