သင်မဲပေးဖို့ တွေဝေနေလား ဒီစာကိုဖတ်ပါ

ယခုတလောမှာက ဘရွှေမန်း၊ ဖွတ်အဖွဲ့၊ အဘတို့အဖွဲ့၊ ကိုကိုကြီး၊ ဒေါက်ခိုင်၊ နေယံဦးနဲ့ ANP တို့ကNLD ကို တိုက်ခိုက်တာလေးတွေ ရှိပါတယ်။ သူတို့ဘာပြောပြော အဓိက တိုက်ခိုက်တာက သုံးခုပါ။

ပထမက စီးပွါးရေးမကောင်းဘူး၊ ပြည်တွင်းငြိမ်းချမ်းရေးမရဘူး၊ အမျိုးဘာသာပေါ့။ ဒါပါဘဲ။တိုင်းပြည်ကြီး ချောက်ထဲကျတော့မယ် သူတို့ပြန်လာမှ ဖြစ်မယ်။ ဒါမှမဟုတ် ညွန့်ပေါင်းဖွဲ့မှ ဖြစ်မယ်ပေါ့။

သူတို့ပြောတာတွေကို လေ့လာကြည့်ရအောင်။ အဘသူရရွှေမန်းနဲ့ ဒေါက်တာသက်သက်ခိုင်ပြောတဲ့ စီးပွါးရေးမကောင်းဘူးဆိုတာ သူတို့အတွက်မှန်ပါတယ်။ ဘရွှေမန်းရဲ့ သားတွေနဲ့ သူ့ရဲ့ခမီးခမက်ဇေကြီးတို့ဟာ ယခင်ကလို စီးပွါးရေးမကောင်းတော့ပါ။ ကရဝိတ်ဟာ ပြန်အသိမ်းခံရသလို လမ်းတွေကိုလဲအရည်အသွေးမှီ ပြန်ဆောက်နေရပါတယ်။ ယခင်ကလို ရိုက်စားလုပ်ရတာ အဆင်မပြေတော့ပါ။ထို့အတူပါဘဲ ဒေါက်ခိုင်တို့ဟာလဲ အထပ်မြင့်ကို အရည်အသွေးမှီဆောက်ရလို့ ယခင်ကလို အမြတ်များများ မရနိုင်တော့ပါ။ နောက် ရွှေကျောက်လုပ်ငန်းဟာလဲ စည်းကမ်းနဲ့ လုပ်လာရလို့ စည်းမရှိ ကမ်းမရှိ ဝုန်းခဲ့သူများအတွက် ခက်နေပါတယ်။

ဘရွှေမန်းလို တိုင်းပြည်ကို အဆင်းရဲဆုံးဖြစ်အောင် အုပ်ချုပ်သူများထဲမှာ ပါဝင်ခဲ့သူက စီးပွါးရေးပြန်ကောင်းအောင်လုပ်မယ်ဆိုတာက ယုံရခက်ကြီးပါ။ အရင်ဆုံး ဘရွှေမန်းစာရင်းရှင်းရမှာက သူ့ပါတီထောင်တဲ့ ပိုက်ဆံတွေဟာ ဘယ်လိုရခဲ့သလဲဆိုတာပါ။ NLD အစိုးရလက်ထက်မှာ တိုင်းပြည်အကြွေးနည်းသွားပြီး လူတစ်ဦးချင်းပျမ်းမျှဝင်ငွေဟာ တက်လာခဲ့ပါတယ်။ ဖွံ့ဖြိုးတိုးတက်မှုနှုန်းဟာလဲ မှန်မှန်တိုးတက်လာခဲ့ပါတယ်။ ဒါဟာဘင်္ဂါလီကိစ္စနဲ့ အစိုးရဒုက္ခရောက်အောင် မအလနဲ့ ANP ပေါင်းလုပ်ခဲ့တဲ့ကြားထဲကပါ။

နောက်ငြိမ်းချမ်းရေးမရတာ။ ငြိမ်းချမ်းရေးမရတာဟာ တပ်ချုပ်မအလနဲ့ သူပုန်တွေကြောင့်ဆိုတာမြန်မာပြည်က ထမင်းစားသူတိုင်းသိပါတယ်။ DASSK ဟာ သူတတ်နိုင်သမျှ အားလုံးကို လိုက်လျောပေးခဲ့ပေမယ့် လက်နက်ကိုင်များဟာ သူတို့ရဲ့ အကျိုးစီးပွါးကိုသာ ရှေ့ထားပြီး လုပ်ဆောင်နေလို့ငြိမ်းချမ်းရေးမရတာပါ။

အမျိုးဘာသာမှာလဲ NLD အစိုးရလက်ထက်မှာ ဘာသာပေါင်းစုံရဲ့ပွဲတွေ လုပ်နိုင်ခဲ့သလို ယခင်အစိုးရတွေ မလုပ်နိုင်ခဲ့တဲ့ နှစ်ကူးတရားပွဲတွေကို ရန်ကုန်နဲ့ မန္တလေးမြို့တွေမှာ လုပ်နိုင်ခဲ့ပါတယ်။ သာသနာကိုဖျက်တဲ့ အဖျက်သမားတွေကိုလဲ လက်နက်မရှိတဲ့ကြားက နှိမ်နင်းနိုင်ခဲ့ပါတယ်။

လမ်းအသစ်တွေကို ယခင်အစိုးရလက်ထက်ကထက် သုံးလေးဆ ဖောက်နိုင်ခဲ့သလို မီးပေးနိုင်တဲ့ဧရိယာဟာလဲ ပိုများလာခဲ့ပါတယ်။ ကျန်းမာရေးစောင့်ရှောက်မှု အဆင့်မြင့်လာခဲ့သလို ပညာရေးဟာလဲ အဘတို့လက်ထက်ကထက် အဆများစွာ အဆင့်မြင့်လာခဲ့ပါတယ်။

ယခုလောလောဆယ် လက်ရှိအစိုးရ မလုပ်နိုင်သေးတာက မိုးကျတွေကို ပုံစံဝင်အောင် မကိုင်နိုင်သေးတာပါ။ ဒါပေမယ့် ဒီရွေးကောက်ပွဲအပြီး ၂၀၂၁ မှာ အရှိန်အဟုန်မြှင့်ပြီး ဆောင်ရွက်နိုင်မယ်ယုံကြည်ပါတယ်။

ဒါမှ မဲမပေးချင်သေးရင် လွှတ်တော်ထဲက ၂၅% ကို ကြည့်လိုက်ပါ။ ယခုသူတို့က ၂၅% သာမဲရတာတောင် တိုင်းပြည်ကို ဘယ်လောက်ဒုက္ခပေါင်းစုံပေးနေလဲ ပြည်သူအားလုံးသိမှာပါ။ အခြား NLD မကြီးစိုးတဲ့ လွှတ်တော်တွေရှိတဲ့ ပြည်နယ်တွေက ညွန့်ပေါင်းမိုလို့ ပိုတိုးတက်နေသလား လေ့လာပါ။

၂၀၂၁ မှာ တပ်ချုပ်အသစ်ခန့်တာ လုပ်ရမှာပါ။

ဒါကြောင့်မိုလို့ အရှိန်အဟုန်နဲ့ ပြောင်းလဲဖို့ NLD ကို မဲပေးပါစို့လို့ တိုက်တွန်းပါရစေ။

Photo credit : Maung Tun Wai