များများလှူ မြန်မြန်ရ
- Myat Tun Oo
- Oct 9, 2021
- 1 min read
ယခုအချိန်မှာ စစ်ပွဲအခြေအနေကိုမေးရင် ပြည်သူ့တပ်မတော် PDF က မအလတပ်ကို နိုင်နေပါတယ်လို့ ပြောပါရစေ။ ဒီနေရာမှာ အမေရိကန်တပ်က အီရတ်ဝင်သိမ်းတဲ့ပုံစံမျိုးနဲ့မကြည့်ဘဲမြန်မာပြည်ရဲ့ ပြည်တွင်းစစ်အသေအပျောက်နှုန်းနဲ့ ကြည့်ရမှာပါ။ စာရေးသူတို့ ဒီမိုအစိုးရမှာဖေဖော်ဝါရီ (၁) ရက်နေ့အထိ တပ်မရှိခဲ့ပါ။ ယခုအချိန်မှာ ပြည်သူတိုင်းက PDF ဖြစ်နေပါတယ်။ရွာတွေကို မအလတပ်က ကြောက်အောင်မီးရှို့ခဲ့ပေမယ့် မီးရှို့ခံရသူက ဖက်ဆစ်တပ်ကို မကြောက်တဲ့အပြင် တပ်စွဲထားတဲ့နေရာကို ပြန်လာသတ်တဲ့အထိ ခံစားချက်က ပြင်းသွားကြပါပြီ။ပြည်တွင်းစစ် ဆယ်နှစ်အတွင်း မအလတပ်သေစာရင်းထက် ယခုရှစ်လအတွင်းသေသူက ပိုများနေပါတယ်။ စစ်တပ်ထဲမှာ သွေးသွင်းဖို့တောင် မလောက်ပါ။
ဒါဆိုဘာလိုနေလဲ? မုန်းဟင်းခါးက တစ်ပွဲကို ၆ သောင်းကနေ တစ်သိန်းအထိ ကုန်ကျပါတယ်။စာရေးသူတို့လူမျိုးက မိမိဖာသာတောင် လက်နက်ထုတ်နေကြပါပြီ။ PDF က များလွန်းလို့ NUG က အဖွဲ့တိုင်းကို ထောက်ပံ့နိုင်ဖို့ မဖြစ်နိုင်ပါ။ ဒါ့ကြောင့် ပြည်သူကသာ ထောက်ပံ့ရမှာပါ။
စာရေးသူတို့ကြောက်နေရင် ကြာနေပါမယ်။ စစ်ကားတွေ စစ်သားတွေနဲ့ ဝေးဝေးမှာနေပါ။ရပ်ကွက်ရုံးနားသွား၊ စစ်ကားနားသွားပြီး သေမှမငိုပါနဲ့။ ရှောင်သင့်တဲ့နေရာရှောင်ပါ။ ပြည်သူတွေအနေနဲ့က မရှိလို့မလှူရင် ဒီမိုကရေစီနဲ့ ဝေးနေပါမယ်။ များများလှူရင် ဒီမိုကရေစီ မြန်မြန်ရပြီးနောက်ဘဝအထိမစောင့်ရဘဲ ဒီဘဝမှာတင် မအလငရဲသားအောက်မှာ မနေရတဲ့ အကျိုးခံစားရမှာပါ။ များများလှူရင် နိဗ္ဗာန်နဲ့တူတဲ့ ဒီမိုကရေစီ ဖယ်ဒရယ်နိုင်ငံတော်ကြီးကို မြန်မြန်ရောက်မှာပါလို့ပြောပါရစေ။
ဦးမြတ်! ဘာသာဝင်အများစုသည် အလှူလှူရာဝယ် လူနတ်နိဗ္ဗာန် ချမ်းသာသုံးရပ်
ရရှိစေရန် ရည်သန်ကြပါသည်။ ပစ္စုပ္ပန် ဘဝ ကောင်းစားရေးကိုလည်း ထည့်သွင်းရည်မျှော်ကြပါသည်။
လှူလျှင် လူနတ်နိဗ္ဗာန် ချမ်းသာသုံးရပ် ရရှိ၏ ဟူ၍ သက်ဝင်ယုံကြည်ကြသည့်အတိုင်း လှူဒါန်းရာဝယ် စိတ်အားထက်သန်ကြပါသည်။ပစ္စုပ္ပန်နှင့် တမလွန် ဘုံ ဘဝ ကောင်းစားရေး အဓိကရည်မှန်း လှူဒါန်းသည်က များကြပါသည်။ သို့ပင်လှူငြားသော်လည်း အဖက်ဖက်မှာ အညှိုးညှိုးဖြင့် ကပ်သုံးပါးလည်း မလွတ်၊ ရန်သူမျိုးငါးပါးဒါဏ်ပါ ခံစားနေရပါသည်။ ရေ မီး မင်း ခိုးသူ မချစ်မနှစ်သက်အပ်သောသူ။ ယခု မျက်မှောက်ကြုံတွေ့နေရသော ဆင်းရဲမှု အစုသည်
မင်းဆိုး ခိုးသူ မချစ်မနှစ်သက်အပ်သောသူ တို့ကြောင့်ဖြစ်ပေါ်နေရသည်မှာ ငြင်းကွယ်မရသော အဓိကအခြေခံအကြောင်းတရားများဖြစ်ပါသည်။သည်အကြောင်းတရား သုံးရပ်ကို မဖယ်ရှားနိုင်သမျှ ကပ်သုံးပါး ဘေးမှ ပြေးမလွတ်ကြောင်း ထင်သာမြင်သာလှပါပြီ။အကြောင်းမကောင်းသောကြောင့် အကျိုးမကောင်းနိုင်ပါ။ အကျိုးကောင်းလိုချင်လျှင် အကြောင်းဆိုးကို ပယ်သတ်ရပါသည်။
လှုဒါန်းသည့် အကြောင်းတရားပေါ်ဝယ် ဂုဏ်ဆာမှု မပါဝင်ဖို့လိုပါသည်။ ဂုဏ်ဆာနေသမျှ ဆင်းရဲဝဋ်မှ မကျွတ်နိုင်ပါ။
အမျိုး ဘာသာ သာသနာ အကျိုးကောင်းဖို့ ကောင်းကျိုးဆောင်ရွက်သူများ ပေါ်ထွက်ရန် အထူးလိုအပ်ပါသည်။
ယခုကာလ အေြခခံတောင်သူလယ်သမားများ အဆင်မပြေလှပါ။ စပါးနှင့် သီးနှံဈေးတွေကျ ဈေးမရသောကြောင့် အခြေမလှကြရသည်က များပြားပါသည်။အမျိုးတို့ တညှိုးညှိုးဖြင့်။ ရဟန်းသံဃာအများစုသည် အခြေခံတောင်သူလယ်လုပ်မိသားစုမှ ပေါ်ထွက်လာရပါသည်။ယခုခါ စာသင်တိုက်အသီးသီးဝယ် စာသင်သားငယ်ငယ်များရှားပါးလာမှုသည် တောင်သူလယ်လုပ်မိသားစု နွမ်းပါးမှုနှင့် တိုက်ရိုက်အချိုးကျ အခြေခံပါသည်။စာသင်သားကိုရင်ငယ်များပါမှ အနာဂါတ်သာသနာ လန်းဖြာပါမည်။
ယနေ့မျက်မှောက် စစ်ကိုင်းတိုင်းမှာ တိုက်ပွဲဝင်နေကြသူအများစုသည် အခြေခံလူသားများဖြစ်ကြပါသည်။ဟိုတလောဆီက ကောက်စိုက်ပျိုးနှုတ် နှမ်းခါ ပဲဆွတ်ကြသည့် လက်ပိုင်ရှင် အမျိုးသမီးများပင်ပါဝင်လာကြပါပြီ။
အကျိုးကောင်း မရသဖြင့် အဆိုးအပေါင်းကို တိုက်ခုတ်မှသာရပေအံ့့ ဟူသော အတွေးအမြင်တွေရရှိလာကြပါပြီ။ မြိုကြီးနေပြည်သူ အားလုံး တစ်ယောက်တိုင်းစီမှာလည်း ဤအယူအဆ ကိန်းဝပ်မှသာ အနာဂါတ် အမျိုး ဘာသာ သာသနာ မညှိုးမှိန်မှာဖြစ်ပါသည်။
သို့ပါ၍ အနာဂါတ် သုခချမ်းသာ အကျိုးကောင်း လိုအပ်သူမှန်သမျှ အကြောင်းကောင်းတရားများကို ဖန်တီးယူ တိုက်ပွဲဝင် ပီဒီအက်ဖ်အပေါင်းကို မိမိတို့တတ်နိုင်သမျှသော စွမ်းပကားအရ အလှုငွေများကို ချိတ်ဆက်လှူဒါန်းကြပါရန် ပစ္စုပ္ပန်ဘဝချမ်းသာရေးရည်မျှော်၍…