မီတာခနှင့်သင့်ရင်သွေးအနာဂတ်(Unicode version)

မီတာခတက်လို့ဆောင်မယ်ပြောသူရှိသလိုအချို့ကလဲမကျေနပ်ပါ။မိမိပိုက်ဆံပေးရမှာမိုလို့မကျေနပ်တာကိုနားလည်နိုင်ပါတယ်။ဒါကိုမကြိုက်တာကိုလက်ခံပါတယ်။ပိုက်ဆံပိုပေးရမှာကိုဘယ်သူကကြိုက်မလဲ။ဒါပေမယ့်ဒီမီးပြဿနာကကြာနေခဲ့ပါပြီ။မီးကဖြစ်သင့်တဲ့နှုန်းထက်နည်းနေလို့ရင်းနှီးမြုပ်နှံမှုကမလာနိုင်၊ရင်းနှီးသူမလာတော့မီးကပျက်ပြီးလုံးချာလည်လိုက်နေခဲ့ပါတယ်။ယခင်အာဏာရှင်လက်ထက်ကတော့မိမိကမတရားအာဏာသိမ်းထားလို့မီတာခတက်ရင်ဆူမှာစိုးလို့မလုပ်ခဲ့တာပါ။ဓာတ်ဆီစျေးတက်တာကိုမှတ်မိမှာပါ။ယခုနောက်ပိုင်းကားတွေဟာဆီကိုတန်းစီစောင့်စရာမလိုဘဲအဆင်ပြေသွားခဲ့ပါပြီ။

ဒီနေရာမှာမနေ့ကမီတာခတက်လို့ဆန္ဒပြသူကိုကြည့်လိုက်ပါတယ်။ပုဇွန်တောင်ကဆန္ဒပြသူကိုဦးဆောင်ခဲ့သူကတော့ဦးစိုးမင်းသန်းဖြစ်ပြီးသူကဖွတ်ပါတီကအမတ်အဖြစ်၂၀၁၅မှာဝင်ပြိုင်ပြီးရှုံးခဲ့သူပါ။သူ့အမျိုးတွေအပေါင်းအသင်းတွေလဲပါခဲ့ပါတယ်။သူတို့မျှော်မှန်းခဲ့တာကဆန္ဒပြပြီးဆူးလေကိုလမ်းလျှောက်လိုက်ရင်၈၈လိုများဖြစ်မလားရွှေဝါရောင်များဖြစ်မလားပေါ့။ဒါပေမယ့်မနေကလူအုပ်က၁၅၀ထက်မပိုခဲ့ပါဘူး။ရန်ကုန်လိုလူသန်းချီနေတဲ့မြို့မှာ၁၅၀သာတက်တယ်ဆိုတာအဘကိုအရှက်ခွဲလိုက်တာပါ။အဘကလူတွေကသာမီတာခတက်လို့လမ်းပေါ်ထွက်ရင်အီဂျစ်ကမော်စီကိုဖြူတ်သလိုရဟတ်ယဉ်တွေနဲ့ပြည်သူနဲ့အတူဆိုပြီးမြို့တော်ခန်းမအပေါ်ကပျံပြမလို့ပါ။ဒါပေမယ့်လူ၁၅၀လောက်သာထွက်လာလို့အဆင်မပြေပါ။ဒီနေ့တော့အမျိုးသားရေးသမားတွေဟာမီတာတက်တာကိုဆန္ဒပြသူဖြစ်သွားပြန်ပါပြီ။

မီတာခတက်တာကိုခြွေတာသုံးပြီးသာတုံ့ပြန်သင့်ပါတယ်။မလိုရင်ပိတ်တာမီးလုံးကိုယခုနောက်ပေါ်တဲ့မီးအားကုန်တာနည်းတာနဲ့ပြောင်းတတ်တာမျိုး၊စောစောအိပ်ပြီးမီးပိတ်တာမျိုးပေါ့။ဒီလိုဆိုရင်မီတာခအကုန်သက်သာမှာဖြစ်သလိုသင့်ရင်သွေးကိုလဲအသုံးနဲ့အဖြုန်းခွဲခြားတတ်အောင်သင်ပေးလိုက်သလိုဖြစ်မှာပါ။

ဆန္ဒပြချင်ရင်တော့ခြေဥပြင်ဖို့သာပြပါ။ပြင်နိုင်ရင်ငြိမ်းချမ်းရေးရလို့စစ်အသုံးစာရိတ်တွေကတိုင်းပြည်အတွက်ဖြစ်လာရင်သူခိုးဆိုသူတွေကိုစာရင်းစစ်လို့ရရင်လခတွေကိုယခုထက်ပိုပေးနိုင်မှာပါ။အချို့ကိစ္စတွေကအနာခံမှအသာစံရမှာပါ။