top of page
Search
  • Writer's pictureMyat Tun Oo

မိတယ်ဆို ယုံမှာလား ပစ်ရဲလား?


မအလက ရှမ်းပြည်မှာ လက်နက်တွေ မိတယ်ဆိုပြီး ဘောမတွေက တင်ပါတယ်။ ဒါကထားပါ။ ဘီဘီစီကလဲ မအလတင်တာကို သတင်းအနေနဲ့တင်ပါတယ်။ ဒီနေရာမှာ မအလတပ် အသတ်ခံရရင် သီးခြားအတည်ပြုချက်မရသေးပါ၊ ဒါမှမဟုတ် မဲလုံးကို မေးမရသေးပါဆိုပြီး ဘီဘီစီက သတင်းကျင့်ဝတ်ဘာညာဆိုပြီး ရူးချင်ယောင်ဆောင်တတ်ပါတယ်။ ဒါပေမယ့် လက်နက်မိတဲ့သတင်းကိုတော့သူကသတင်းသမားလုပ်ရမယ့် သီးခြားအတည်ပြုချက်မစောင့်ဘဲ တင်ပါတယ်။

ဒီနေရာမှာ လက်နက်မိတယ်ဆိုတဲ့သတင်းကို လေ့လာရအောင်။ ပထမဆုံး NUG ကို ဘာလုပ်လုပ် ဆဲမယ်ဆိုသူများကတော့ ဒီသတင်းကို ဂွင်ဆိုပြီး ဆဲမှာပါ။ NUG ကို ဖောင်းထုလိုသူ သတင်းဌာနကလဲသီးခြားအတည်ပြုချက်ရရမယ်ဆိုတဲ့ သတင်းသမားကျင့်ဝတ်ကို ချိုးဖောက်ပြီး တင်မှာပါ။ စာရေးသူရဲ့ အမြင် ရှုထောင့်က မတူပါ။ ဒီသတင်းက မှန် မမှန်ဆိုတာ အရင်ဆုံး စဉ်းစားရပါမယ်။ မအလဟာဆန္ဒပြသူကိုလဲ PDF ဆိုပြီး ဖမ်းတာ မမိတဲ့ လက်နက်တွေကိုလဲ အမိပြတာ အားလုံးသိမှာပါ။ ဒါကြောင့်သူ့သတင်းကို ယုံရမှာလားဆိုတဲ့ credibility က ပြဿနာရှိပါတယ်။ ဒီလက်နက်တွေမိတာက ပိုင်ရှင်မဲ့ဆေးပြားတွေမိတာနဲ့ သွားတူနေပါတယ်။

ဒုတိယစဉ်းစားတာက သူပြောတဲ့သတင်းကို ခဏလောက် ယုံလိုက်ကြရအောင်။ ဒီလောက်လက်နက်တွေ မိနေတာက အမှန်ဆိုရင် လက်နက်ဘယ်လောက်များ မမိဘဲ လွတ်သွားခဲ့ပါပြီလဲ? တွေးကြည့်ပါ။ဘိန်း၊ ဆေးပြားသယ်ရင် ကားအစီးတစ်ရာမှာ သုံးစီးသာ မိပါတယ်။ ဒါလဲဟန်ပြ ဖမ်းတာပါ။ တာဝန်အရပေါ့။

နောက် မအလနဲ့ သူ့ဘောမတွေရေးတဲ့သတင်းကအမှန်လို့ ဆက်ယုံလိုက်ပါ။ အဆိုပါလက်နက်တွေကဘယ်သူထုတ်တယ်လို့ ထင်ပါသလဲ? အမေရိကန်နဲ့ အနောက်အုပ်စုက ကူမယ်လို့ ဥပဒေတွေလက်မှတ်ထိုးချိန်မှာ မိတဲ့ လက်နက်တွေက တရုတ်နဲ့ ဝ ထုတ်လိုဖြစ်နေတာ မဆန်းဘူးလား? မအလသတင်းကအမှန်ဆိုရင် မအလအခေါ် အကြမ်းဖက်သမား PDF ကို ထောက်ခံနေတဲ့ ဝ နဲ့ တရုတ်ကို မအလက ဘယ်လိုအရေးယူမှာပါလဲ? မအလ ဗုံးကျဲရဲပါသလား? တာဝေးပစ်အမြောက်နဲ့ ပစ်ရဲပါသလား?

ဘောမတွေကို မေးချင်တာက လက်နက်တွေတကယ်မိတယ်ဆို လက်နက်ထောက်ပံ့သူကို အကြမ်းဖက်မှု ဥပဒေနဲ့ သွားဗုံးကျဲရဲပါသလားလို့ မေးပါရစေ။ မအလသတင်းကို ယုံသူများလဲ မအလကို PDF ထံလက်နက်ထောက်ပံ့သူအား သတ္တိရှိလျှင် အရေးယူကြည့်ပါလို့ တောင်းဆိုလိုက်ပါ။ အဘက မလုပ်ရဲတာ ဘာမှမရှိရင် တရုတ်ကိုလဲ တိုက်ရဲရမှာပါ။ အကြမ်းဖက်အားပေးကို သီးမခံပါနဲ့။ ဘာမှမလုပ်ရဲရင်တော့ ဂျင်းစားနေပါ။

741 views0 comments

Commentaires


bottom of page