မိုးကျတော့ မရွေးပါနဲ့မေမေ

၂၀၂၀ နိုဝင်ဘာမှာ ရွေးကောက်ပွဲလုပ်ပါတော့မယ်။ NLD ကိုဘဲ ထောက်ခံမှာပါ၊ တပ်ပြင်ထွက်ပြီးလဲ မဲပေးလို့ရမှာမိုလို့ ယခင်က NLD ကိုပေးပြီး ယခုမဲမပေးသူအချို့နဲ့ တပ်ထဲက NLD ကိုထောက်ခံမယ့်မဲဆန္ဒရှင်အသစ်နဲ့က ပြန်ပြီး မျှခြေဖြစ်သွားမှာပါ။ NLD ဘဲ ၂၀၁၅ကလို နိုင်မယ်လို့ ထင်ပါတယ်။

ဒီနေရာမှာ အမတ်နေရာအချို့ကို မိုးကျရွေးချင်ရင် ရွေးနိုင်ပေမယ့် တိုင်းပြည်နယ် ဝကခတွေကိုတော့မိုးကျမရွေးဖို့ တောင်းပန်ပါရစေမေမေ။

ဘာလို့လဲဆိုတော့ မိုးကျဆိုရင် ကျွန်တော့်ကိုတောင် မရွေးပါနဲ့လို့ အပြတ်ပြောပါရစေ။

ကျွန်တော်လဲ မလုပ်နိုင်ပါ။ ကျွန်တော်တို့က သင်တန်းက ဆင်းလာကထဲက ရန်သူဆိုရင် တိုက်ရမယ်လို့ဘဲ သင်ပေးထားလိုက်လို့ပါ။ နောက်ကျွန်တော်တို့က သဘောထားကွဲသူကို လက်မခံနိုင်ပါဘူးမေမေ။သဘောထားကွဲရင် Facebook မှာတောင် ဘန်းလိုက်ပါတယ်။ အပြင်မှာတော့် ဆွဲထိုးမိမှာပါ။ ကျွန်တော်တို့ဟာ ဒီမိုကရေစီရဲ့ သဘောထားအချို့ကို အရပ်သားတွေလောက်မသိပါဘူး။ နိုင်ငံရေးလဲ နားမလည်ပါဘူးမေမေ။ သားတို့က debate အငြင်းအခုံလုပ်ပြီး ကြီးပြင်းလာတာမဟုတ်ဘဲ အမြစ်ပြတ်သာချေမှုန်းဖို့ ကြိုးစားတတာပါတယ်။ ဒါကြောင့်လဲ လွှတ်တော်ထဲမှာ လူထုမကြိုက်တာတွေ ထပြောနေတာပါ။ ကြောက်လဲ ကြောက်တတ်ပါတယ်။

အမေ့ရဲ့ ပြန်လည်ရင်ကြားစေ့ရေးမူကို နားလည်သဘောပေါက်ပါတယ်။ ၂၀၁၀ ရှေ့ပိုင်းပြန်ပြီး အရေးမယူလိုတာလဲ သားနားလည်သလို ၂၀၁၅ အရှေ့ပိုင်းအထိ အာဃာတ မထားတာလဲ သားနားလည်ပါတယ်။ ဒါပေမယ့် ၂၀၁၅ နောက်ပိုင်းကိစ္စတွေဆိုရင် ကိုင်လိုက်ရမှ ကျေနပ်တယ်အမေ။ ယခုလို ညွှန်ချုပ်တွေ၊ V ကိစ္စတွေကို ထိုင်ကြည့်မနေချင်ပါ။ သားကအမေ့ကိုထောက်ခံပေမယ့် သာဝန်ကြီးလိုပါ။နဂိုစိတ်အခံရှိလို့ ရန်သူဆို တိုက်ချင်ပါတယ်အမေ။

NLD အနေနဲ့ ၂၀၂၁မှာ အရပ်သားတွေ ခရိုနီနဲ့ မပတ်သက်သူတွေကို ရဲရဲကြီးသာ နေရာပေးလိုက်ပါမေမေ။ သူတို့ကို မစိုးရိမ်ပါနဲ့။ အကောက်ခွန်မှာတောင် လေယဉ်မောင်းသူက ညွှန်ချုပ်လုပ်တဲ့ခေတ်ကြီးမှာ အရပ်သားကမှ အခွန်ရဲ့ လစ်ဟာချက်တွေကို ပိုနားလည်နိုင်မှာပါမေမေ။ အရပ်သားတွေကိုဝန်ကြီးရာထူးတင်မဟုတ်ဘဲ ညွှန်ချုပ်အဆင့်ကို အထူးအရာရှိအနေနဲ့ နောက် NLD အစိုးရ ငါးနှစ်သက်တမ်းကို ခန့်ပါမေမေ။ ဒါဆိုရင် အနီးကပ်ကြီးကြပ်လာနိုင်ပါလိမ့်မယ်။ မဟုတ်ရင်တော့ အိတ်ပေါက်နဲ့ဖားကောက်နေသလိုပါ။ ဝန်ကြီးတစ်ယောက်ဟာ စူပါမင်းမဟုတ်လို့ ဌာနတိုင်းကို လိုက်မကြည့်နိုင်ပါမေမေ။ အမေရိကန်က ညွှန်ချုပ်တွေဟာ နိုင်ငံရေးရာထူးဖြစ်ပြီး အမေနေထိုင်ခဲ့တဲ့ အင်္ဂလန်က မြန်မာပြည်နဲ့ စနစ်တူလို့ ပြန်ထမ်းဝန်အရာရှိကို မဖြုတ်ဘဲ အထူးအရာရှိခန့်ပါတယ် မေအေ။

အကျဉ်းချုပ်ရရင် အမေခန့်လိုသူ ရွေးလိုသူကိုခန့်ပါ။ လက်ရှိသာဝန်ကလွဲရင် မိုးကျတွေကို ဝန်ကြီးအဆင့်က လျှော့ချပါ။ ဝကခနေရာတွေကို မိုးကျလုံးဝမခန့်ပါနဲ့လို့ တောင်းပန်ပါရစေ။ အရပ်သားတွေဟာနိုင်ငံရေးသမားဆိုရင် သူတို့ဟာ နိုင်ငံရေးနဲ့ ပတ်သက်တာတွေလုပ်ပြီး အသေးစိတ်ကို ပညာရှင်တွေကိုအကြံပေးခန့်ပြီး လုပ်သွားပါလိမ့်မယ်။

ကြိုက်တာအကုန်လုပ်ပါ။ မိုးကျတော့ မရွေးပါနဲ့မေမေ။