မအလလက်ထက် စီးပွါးရေးကောင်းလာနေပြီလား?

မအလဟာ တပ်ထဲမှာအစည်းအဝေးလုပ်လုပ် အပြင်က ဝန်ကြီးအစည်းအဝေး၊ ခရိုနီတွေနဲ့အစည်းအဝေးတွေမှာ ပြောလေ့ရှိတာက NLD အစိုးရလက်ထက်မှာ စီးပွါးရေးကျဆင်းလာကြောင်းကိုမျက်နှာပြောင်တိုက် ထည့်ပြောလေ့ရှိပါတယ်။ ဒါဆိုရင် သူ့လက်ထက်မှာ စီးပွါးရေးက ပိုကောင်းလာလား လေ့လာကြည့်ရအောင်။

ပထမဆုံး ပြည်သူတွေဟာ မိမိစုထားတဲ့ပိုက်ဆံကို ဘဏ်တွေကနေ ယခုအချိန်အထိ ငွေသားထုတ်လို့မရသေးပါ။ သူအာဏာသိမ်းခဲ့တာ တစ်နှစ်ကျော်သွားခဲ့ပါပြီ။ ဒါက ဘယ်အရာကိုမှ မထောက်ပြဘဲ မိမိပိုက်ဆံကို မိမိပြန်ထုတ်လို့ မရသေးတာကိုသာ ရေးပြတာပါ။ ဒါက ငွေစုနိုင်တဲ့ လူတန်းစားအတွက်ပါ။

ဒါဆိုရင် အလုပ်အကိုင်တွေကို မအလလက်ထက် ပိုမိုဖန်တီးနိုင်လား လေ့လာကြည့်ရအောင်။ မအလလက်ထက်မှာ အထည်ချုပ်စက်ရုံကအစ စက်ရုံပေါင်းစုံပိတ်နေတာ တွေ့ရမှာပါ။ ဒီလိုဖြစ်တာက ဘယ်သူကမှ အဆိုပါလုပ်ငန်းတွေကို အဓိကပိတ်ဆို့တာကြောင့်မဟုတ်ဘဲ မအလရဲ့ စီမံခန့်ခွဲမှု ညံ့ဖျင်းလို့ပါ။

ငွေတန်ဖိုးက တက်လာလားလို့ လေ့လာကြည့်ရမှာ ရွှေစျေးက အာဏာသိမ်းအပြီး တစ်နှစ်ကျော်မှာ နှစ်ဆလောက်ဖြစ်သွားခဲ့သလို ဒေါ်လာစျေးကလဲ အာဏာမသိမ်းခင်က တစ်ဒေါ်လာကို ၁၄၀၀ကျပ်ကနေယခုအချိန်မှာ ၁၇၇၄ ဖြစ်သွားခဲ့ပါပြီ။ တကယ်က အပြင်မှာ ၁၈၀၀ကျပ်ကနေ ၁၉၀၀ကျပ်တောင် ဖြစ်နေပါပြီ။ ဓာတ်ဆီစျေး၊ ဒီဇယ်စျေးကလဲ ယူကရိန်းအရေးမဖြစ်ခင်ကထဲက တက်နေခဲ့ပါပြီ။ ယခင်DASSK လက်ထက်က ဓာတ်ဆီစျေးတက်လို့ ဆန္ဒပြသူတွေ ယခုမူးလို့တောင် ရှာမရတော့ပါ။ငွေတန်ဖိုးက ၆၀% အထိ ကျဆင်းခဲ့ပါပြီ။

ပုံမှန်မှာက တိုင်းပြည်စီးပွါးရေးမကောင်းချိန် အပျော်အပါး လျှော့ရမှာဖြစ်ပေမယ့် မအလက ဗိုလ်ရှုခံလုပ်ခဲ့လို့ ဘာပိုက်ဆံမှ မကျန်တော့ပါ။

ဒီနေရာမှာ ပြည်သူအများစုက စီးပွါးရေးကျပ်တည်းနေတာပါ။ ဒါပေမယ့် ဗိုလ်ရှုခံ ကန်ထရိုက်ရလိုက်တဲ့အဖွဲ့တွေ ကန်ထရိုက်ချပေးခွင့်ရတဲ့ ဗိုလ်မှူးကြီး၊ ဗိုလ်မှူးချုပိတွေကတော့ ထောနေပါသေးတယ်။ မအလနဲ့ ဖွတ်ထိပ်ပိုင်းက စတော့ကို တရုတ်၊ ဟောင်ကောင်နဲ့ ရုရှားဘဏ်မှာ ငွေထားထားတဲ့သူတွေကတော့ ပြဿနာတက်နေပါတယ်။ တရုတ်က စတော့ရှယ်ရာမှာ အောင်သောင်း၊ မအလနဲ့ ဖွတ်ထိပ်ပိုင်းအချို့ထားပြီး ကိုဗစ်ကြောင့် ရှယ်ရာပြုတ်ကျလို့ အရှုံးပေါ်နေပါတယ်။ သူခိုးလက်က သဝက်လုတာပါ။ ရုရှားက မအလစုထားတဲ့ ငွေကလဲ လောလောဆယ်မှာ ရုရှားကို ဘဏ်စနစ်ပိတ်ဆို့လို့ ပိတ်မိနေပါတယ်။ ရုရှားစတော့ကလဲ ထိုးကျပြီး ပိတ်ထားရပါတယ်။

အကျဉ်းချုပ်ရရင် မအလတက်အပြီးမှာ ကုန်စျေးနှုန်းက မိုးထိအောင်တက်ပြီး စီးပွါးရေးက သာမန်ပြည်သူတွေအတွက်က အဝီစိအထိအောင် ထိုးကျနေပါတယ်။ အဲ့ဒီကနေ ရှုန်းထွက်ဖို့က မအလကိုပြုတ်ကျအောင်တိုက်ဖို့သာရှိပါတယ်လို့သာ ပြောပါရစေ။ သီးခံနေရင်တော့ ဆက်ခံနေရမှာပါ။ သူ့ကိုမတိုက်လို့ မိမိလွတ်မယ်ထင်ရင် သင်မီးမလာတာ၊ ရေမလာတာကို သတိရလိုက်ပါ။ ဒါပါဘဲ။