မအလနဲ့ စစ်တပ်အုပ်ချုပ်ရင် တိုင်းပြည်ကောင်းမှာလား?
နေဝင်းမြေးက သူ့အဘိုးမူဝါဒကကောင်းတယ် လူမကောင်းလို့ဆိုပြီး ယခင်က အရူးစကားပြောဖူးတယ်။ အချို့ ဘောမပညာရှင်များကလဲ မူကောင်းတာ လူမကောင်းလို့ဆိုပြီးပြောတာလဲရှိတယ်။ ဒီနေရာမှာ သမိုင်းကိုပြန်ကြည့်ရင် မြန်မာပြည်မှာ နေဝင်းအာဏာသိမ်းအုပ်ချုပ်ကထဲက တိုင်းပြည်မွဲသွားတာ အားလုံးသိပြီးသားပါ။ အချို့က မအလ အုပ်ချုပ်ရင်တိုင်းပြည်ကောင်းမယ်ထင်တဲ့ ကျပ်မပြည့်သူများရှိတာကိုလဲ တွေ့ရပါတယ်။ ယခုရေးပြလိုတာက မအလနဲ့စစ်တပ် ဆက်အုပ်ချုပ်ရင် တိုင်းပြည်ဘာဖြစ်မလဲဆိုတာပါ။
တိုင်းပြည်မှာ စနစ်ကအရေးကြီးပါတယ်။ ဥပမာ DASSK အုပ်ချုပ်စဉ်ကာလကိုကြည့်ပါ။ ကိုဗစ်ကာလ ကျောင်းဖွင့်မယ် ပထမပိုင်းလုပ်တယ်။ ဆရာမတွေ မိဘတွေရဲ့အသံကို နားထောင်တယ်။ သူမဝန်ကြီးကတော့ အထက်ကမူဝါဒချတာပေါ့။ သူမက ပြည်သူ့အသံနားထောင်ပြီးညှိပေးတယ်။ ထို့အတူဘဲ ရန်ကုန်မှာ ကိုဗစ်စင်တာဖွင့်တယ်။ လိုတာရှိတယ်။ ပြည်သူတွေကပြောတယ်။ ကွီးဖြိုးနဲ့ ဆရာဇော်ဝေစိုးက အချိန်နဲ့အညီ ဖြေရှင်းပေးတယ်။ အထက်ကမူဝါဒတိုင်း အုံဖွမဟုတ်ဘူး။ ပြည်သူရဲ့အသံနားထောင်ပြီး ပြုပြင်တယ်။ ဒါ့ကြောင့် အောင်မြင်တယ်။
ယခုမအလအာဏာသိမ်းတက်လာတယ်။ ဒါကိုက ပြည်သူ့အသံမနားထောင်တာ။ ဒါ့ကြောင့်ပြည်သူတွေက ဆန္ဒပြတာ။ ဒါကို ပစ်ခတ် အကြမ်းဖက်နှိမ်နင်းတယ်။ ပြည်သူတွေက သူ့ကိုလက်နက်စွဲကိုင်တော်လှန်ဖို့ ဆုံးဖြတ်လိုက်တယ်။ ဒါပေမယ့် ပြည်သူနဲ့ NUG ဘာမှမလုပ်ရသေးခင်ကို မအလရဲ့ မူဝါဒတွေဟာ တိုင်းပြည်ကိုခွေးဖြစ်အောင်လုပ်နေတယ်ဆိုတာ သိသာတယ်။ ရက်ပိုင်းအတွင်း ထပြောတာတွေက ပိုဆိုးလာတာတွေ့ရတယ်။ ကိုဗစ်ကာကွယ်ဆေးပြည်တွင်းမှာထုတ်မယ်ဆိုတာအထိက အရေးမကြီးသေးဘူး။ သန်း ၅၀ ဖိုး ပြည်ပက ဝယ်ရရင် မွဲသွားမယ်ဆိုတာက ပြည်သူကို စေတနာမရှိတာကို ပြသွားတယ်။ ကိုဗစ်ဆေးက ဒေါ်လာ၂၀ လောက်သာရှိတာပါ။ အစိုးရစျေးဆိုရင် အများကြီးသက်သာနိုင်ပါတယ်။ ဒါ့ကြောင့်DASSK က ကုလ၊ WHO နဲ့ အခြားအဖွဲ့တွေ ပြည်သူတွေထံက အလှူခံပြီး လုပ်တာပါ။ ဒီမိုအစိုးရတွေက လူ့အသက်ထက်အရေးကြီးတာ ဘာမှမရှိဘူးလို့ ခံယူပေမယ့် မအလကတော့အာဏာထက်အရေးကြီးတာ ဘာမှမရှိပါလို့ ခံယူသူပါ။
နောက်ကိုဗစ်ကုသဆေးကို တိုင်းရင်းဆေးနဲ့ ကုပါလို့ ပြောသွားပါသေးတယ်။ သူ့မိန်းမနဲ့သားသမီးတွေ ကိုဗစိဖြစ်မှ တိုင်းရင်းဆေးနဲ့ကုပါလို့ ပြောပါရစေ။ သူ့မွေးခါစမြေး နှလုံးပိတ်တာတောင် ဘန်ကောက်မှာသွားကုသူက ဒီစကားပြောတာဟာ ရယ်စရာပါ။ မြန်မာပြည်မှာကိုဗစ်ဆေးမပြောနဲ့ ဆေးထိုးအပ်တောင် အနိုင်နိုင်ထုတ်နေရတာပါ။
တိုင်းပြည်အုပ်ချုပ်တယ် တိုးတက်အောင်လုပ်တယ်ဆိုတာ တပ်ထဲက ကြက်မွေး၊ ဝက်မွေးပြတာထက် အများကြီးခက်ပါတယ်။ ခိုးဖို့သာသိသူ တပ်ချုပ်နဲ့ သူခိုးနောက်လိုက်များဟာ ၆လအတွင်းမှာ တိုင်းပြည်ကို ၁၉၅၈ အထိပြန်ရောက်အောင် နောက်ပြန်ဆွဲခဲ့ပြီးပါပြီ။
မအလနဲ့ စစ်တပ်ဆက်အုပ်ချုပ်ရင် တိုင်းပြည်ဟာ မတိုးတက်ဘဲ အဝီဇိသာရောက်ဖို့ရှိကြောင်း သတိပေးပါရစေ။ တိုးတက်တာက မအလသားသမီးရဲ့ ဘဏ်စာရင်းသာဖြစ်မှာပါ။ပြည်သူက ယခုထက်ပို မွဲမှာပါ။ ပြည်သူအားလုံး စဉ်းစားရမှာက မြောက်ကိုရီးယားလို တစ်တိုင်းပြည်လုံး အကျဉ်းကျခံပြီး ငတ်အသေခံမလား ဒါမှမဟုတ် ဒုတိယကမ္ဘာစစ်ကလို ဖက်ဆစ်ကို တိုက်ယူမလားဆိုတာပါ။