မန္တလေးတိုက်ပွဲက ဘာအမြတ်ရလိုက်လဲ

ပထမဆုံးက မန္တလေးတိုက်ပွဲဟာ မထင်မှတ်ဘဲ ဖြစ်သွားခဲ့တာပါ။ PDF က သွားတိုက်လို့ ဖြစ်တာမဟုတ်ပါ။ ဒီတိုက်ပွဲမှာ ဖက်ဆစ်တပ်က အရာရှိအဆင့်ကို သတ်လိုက်နိုင်လို့ အောင်ပွဲပါ။ ယခုလိုအဆင့်ဟာ KIA၊ AA၊ KNU တို့နဲ့ဖြစ်ရင်တောင် လက်နက်တွေအများကြီးနဲ့ အပြန်အလှန်ပစ် လူတွေအများကြီး ပစ်ပြီးမှ အဆိုပါအဆင့်မျိုး ကျမှာပါ။ ဒါ့ကြောင့် PDF က ယခုလို ဖက်ဆစ်ကြီးကြီးကို သတ်နိုင်တာဟာ လပိုင်းသာ လေ့ကျင့်ရသေးတဲ့ တပ်အတွက် ဂုဏ်ယူစရာပါ။

နောက်ဒီတိုက်ပွဲက ဘာကိုသိလိုက်ရလဲဆိုရင် ရန်သူက ယခုလိုပွဲဖြစ်ရင် ဘယ်လိုထောက်ပို့ စစ်ကူလုပ်နိုင်တယ်၊ ဘယ်ကနေ ရန်သူ့အကူတပ်တွေ ဝင်နိုင်တယ်ဆိုတာ သိခွင့်ရလိုက်ပါတယ်။ သူတို့စစ်ကူလာပုံကို လေ့လာနိုင်မယ်ထင်ပါတယ်။ ဒါက ဘာကိုပြလဲဆိုတော့ နေရာအနှံ့ တိုက်ဖို့လိုအပ်တာကို ပြပါတယ်။

တတိယက ရန်သူဟာ သာမန်အရပ်သားတွေ ကျောင်းသားတွေကို လိုအပ်ရင် လူသားဒိုင်းအဖြစ်သုံးပြီး ခွေးဇတ်ခင်းနိုင်တယ်ဆိုတာကိုလဲ ပြသွားခဲ့ပါတယ်။ ဒါ့ကြောင့် PDF အနေနဲ့ အဆိုပါကိစ္စကို ဘယ်လိုကိုင်တွယ်မလဲ ကြိုစဉ်းစားထားရပါမယ်။

နောက်လမ်းပေါ်က CCTV တွေကို ရန်ကုန်နဲ့ မန္တလေးမှာ အကြမ်းဖက်ဖက်ဆစ်တပ်က မသုံးနိုင်အောင် ပြည်သူက ဘယ်လို ဖျက်ထားပေးမလဲ ပြည်သူများက စဉ်းစားပြီး ကူညီထားဖို့လိုပါတယ်။ PDF တွေကိုလဲ RPG လောက်အနည်းဆုံး တတ်ဆင်ပေးဖို့ လိုတယ်ဆိုတာကိုလဲ သုံးသပ်မိပါတယ်။ RPG သာရှိရင် ရန်သူကို အများကြီး ဒန်ပေါက်ကျွေးနိုင်မှာပါ။

ဒီမိုပြည်သူတွေအနေနဲ့လဲ ဘယ်လိုကူညီနိုင်မလဲ ဝိုင်းစဉ်းစားပြီး ကြိုပြင်ထားသင့်ပါတယ်လို့ ပြောပါရစေ။ ပြည်ပရောက် မြန်မာများလဲ PDF အတွက် NUG ကို များများ ငွေလှူကြပါ။ စစ်ပွဲဟာသေနတ်နဲ့တိုက်ရပြီး လက်နက်ကောင်းမှ ရလာဒ်ကောင်းမှာပါ။ သင်ငွေလှူခြင်းဖြင့် အရေးတော်ပုံမှာ ပါဝင်နိုင်ပါတယ်။