ဘာလို့ လက်ရှိစစ်တပ်ပျက်မလဲ?

စစ်တပ်ဆိုတာ ပြည်သူချစ်တဲ့လူတွေနဲ့ ဖွဲ့စည်းထားမှ စိတ်ဓာတ်ခွန်အားကောင်းနေမှာပါ။ ဒါမှတိုက်ပွဲတွေအတွက် ခွန်အားရှိမှာပါ။ လက်ရှိမအလတပ်ကို ကြည့်ရအောင်။

ဗိုလ်နှင့်အထက်အဆင့်

တပ်ထဲဝင်လာကထဲက စစ်သားစစ်စစ်ဖြစ်လိုသူက ၂၀% နဲ့ ဂွင်ဖန်၊ ညွှန်ချုပ်ဖြစ်ချင်လို့ ဝင်လာသူက ၈၀% လောက်ရှိနေပါတယ်။ ယခင်က လွတ်လပ်ရေးအတွက် တပ်ထဲဝင်၊ ကူမင်တန်ကိုတိုက်ဖို့ တပ်ထဲဝင်ခဲ့ကြပေမယ့် ၁၉၈၈ က စလို့ နောက်ပိုင်းမှာ ဂွင်အတွက်ဝင်သူကများလာခဲ့ပါတယ်။ ၁၉၉၂/၉၃ မှာ ဗိုလ်သင်တန်း စတက်သူများဟာ ယခု ဒုဗိုလ်မှူးကြီးကနေဗိုလ်မှူးချုပ်အထိဖြစ်နေကြပြီး ဂွင်အတွက် အတ္တအတွက်စစ်ထဲဝင်ခဲ့သူ သူဌေးဖြစ်လိုလို့ စစ်ထဲဝင်ခဲ့သူ အချောင်သမား အများစုဖြစ်နေတာကို ဝမ်းနည်းစွာတွေ့နေရပါတယ်။ ဒါ့ကြောင့်အထက်ပိုင်းမှာက အဆင်အလာမကောင်းပါ။ အထက်ဖားအောက်ဖိ၊ လိမ်တင်ပြတာကထုံးစံလို ဖြစ်နေခဲ့ပါတယ်။ မအလဟာ စစ်ထဲစဝင်ကထဲက အရပ်မမှီတာကို လိမ်ဝင်ခဲ့သူပါ။

နောက်သင်တန်းအဆင့်ဆင့်တက်ရလေ DASSK မကောင်းကြောင်း၊ NLD မကောင်းကြောင်းများများအသင်ခံရလေ ဦးနှောက်အဆေးခံရလေပါ။ ဒါ့ကြောင့်သူတို့ရဲ့ DASSK အပေါ်မုန်းတီးမှုဟာ တာဝန်အရထက် ပိုနေတာ တွေ့ရမှာပါ။ သေခါနီးမှ မနီချင်ဘူးဆိုသူရဲ့စကားကဥပမာပါ။

ဒါဆိုအောက်ခြေအဆင့်ကရော

ယခင်က စစ်အစိုးရလက်ထက် နိုင်ငံခြားထွက်တာ ခေတ်မစားခင်က ဂွင်အတွက်တပ်ထဲဝင်ခဲ့သူများ ရှိခဲ့ပါတယ်။ ၂၀၁၂ နောက်ပိုင်း အောက်ခြေအဆင့်မှာ အလွယ်တကူဝင်တာ နည်းသွားခဲ့ပြီး ငွေနဲ့ဝယ်ခဲ့ရပါတယ်။ ဒါ့ကြောင့်သူတို့မှာ ခံယူချက်မရှိပါ။ ဘာကြောင့်ဝင်ဝင်အများစုဟာ စာမတတ်သူများပါတယ်။ အချို့က လေးတန်းအောင်ပါ။ အချို့က ပြစ်မှုအသေးစား ကျူးလွန်ဖူးပါတယ်။ ဒါ့ကြောင့် သူတို့ရဲ့ ပညာအရည်အချင်းက အထက်ကခိုင်းတာလုပ်တတ်ရုံပါ။

စစ်ပွဲတွေတိုက်ရာမှာလဲ မင်းတို့ရန်သူ့နယ်ကိုနိုင်ရင် ကြိုက်တာလုပ်ဆိုတဲ့ ယခင်ကယိုးဒယားသိမ်းစဉ် လုပ်တာမျိုးကို မိမိလူမျိုးကို လုပ်နေတာပါ။ လူသတ်၊ မုဒိမ်းကျင့်၊ ခိုး၊ ဓားမြတိုက်တာက လိုင်စင်ရသလို ဖြစ်နေခဲ့ပါတယ်။ သူတို့လုပ်သမျှဟာလဲ ခြေဥအရ အရေးမယူနိုင်လို့ သူတို့က ဘာမှမကြောက်ပါ။

ယခုတပ်ကို မပုန်ကန်အောင် ထိန်းထားတာက အကြောက်တရားရယ်၊ အထက်ကလူတွေအတွက်က အခွင့်အရေးတွေနဲ့ မက်လုံးပေး ထိန်းထားတာပါ။ ဒါပေမယ့် အထဲမှာက အထက်ကိုကြောက်ရသလို မြို့ပေါ်မှာလဲ သေမှာကြောက်လာနေရပါပြီ။ တပ်ဝင်းထဲက သူတို့မိန်းမတွေ၊ ကလေးတွေဟာလဲ ရခိုင်မှာနေရသလို ကြောက်လာနေရပါပြီ။ ဒါ့ကြောင့် ဘယ်သူ့ကို ပိုကြောက်သလဲဆိုတဲ့အပေါ်မူတည်ပြီး သူတို့ဘက်ပြောင်းဖို့ စဉ်းစားလာမှာပါ။ ဟိုအထက်ကအခွင့်အရေးသမားတွေလဲ သူတို့အခွင့်အရေးမရနိုင်ရင် သူတို့ထင်သလို အာဏာရပြီး ဂွင်မကောင်းရင် အချိုးပြောင်းလာနိုင်ပါတယ်။

ဒီနေရာမှာ တပ်ပျက်ခြင်းအကြောင်းများအားလုံးဟာ မအလရဲ့တပ်မှာ အလွန်ပြည့်စုံနေပါပြီ။ မပျက်သေးတာက အကြောက်တရားရယ်၊ မက်လုံးပေးမှုရယ်နဲ့ ထိန်းထားသေးလို့ပါ။စိတ်ဓာတ်ရေးရာအရကတော့ အဝီဇိရောက်နေပါပြီ။ ပြည်သူကလဲ အတော်မုန်းနေပါပြီ။ယခုအချိန်မှာ တရားချလို့ မရတော့ပါ။ သူတို့ဘက်က ထိခိုက်မှုများလာရင် ရခိုင်မှာလို သူတို့နဲ့ သူတို့ရဲ့မိသားစုတွေ တိုက်ခိုက်ခံလာရရင် အချိုးပြောင်းလာမှာပါ။ ဒါတွေဟာ အလကားတော့မရနိုင်ပါ။ စာရေးသူတို့အားလုံးမှာ ပေးဆပ်မှုတွေရှိရမှာပါလို့ ပြောပါရစေ။