ဘယ်လိုကင်းလှည့်ရမလဲ အဘ?

နေ့စဉ် တိုက်ပွဲဖြစ်အပြီးမှာ နေပြည်တော်ကလဲ ညွှန်ကြားချက်အသစ်တွေလာနေပါတယ်။

ပထမက ကားတွေမိုင်းဆွဲခံရတယ်။ အမိန့်က ခြေလျင်တက်။ ဒါလဲ မိုင်းဆွဲခံရတယ်။ ဒါနဲ့အရပ်သားကားသုံး၊ အရပ်ဝတ်နဲ့တက်။ ဒါလဲ PDF က သိလာတော့ နောက်ပိုင်း ဘုန်းကြီးကားကို ရှေ့ကသွားခိုင်း၊ ပရဟိတကားတွေသုံး၊ လူသားဒိုင်းသုံး မျိုးစုံပါဘဲ။ ဒါလဲ အတိုက်ခံနေရသေးတာပါဘဲ။

ဒုတိယက ဆန္ဒပြပွဲတွေပါ။ မြို့ပေါ်မှာ ဆန္ဒပြပွဲတွေကို မစုဝေးနိုင်အောင် ချက်ခြင်းဖြိုခွဲခိုင်းပါတယ်။ အချို့နေရာတွေမှာက ကင်ပုန်းဝပ် စောင့်တယ်ပေါ့။ ဆန္ဒပြသူက အများအားဖြင့်PDF နဲ့မဆိုင်တော့ ဖမ်းသူကလဲ လက်ရဲဇက်ရဲရှိပါတယ်။ ဒါပေမယ့် နောက်ပိုင်း ဆန္ဒပြဆိုင်းပုဒ်မှာ ဗုံးတတ်ထားပြီး အန္တရာယ်ရှိသည် မကိုင်ရလို့ ရေးထားတာကို သွားကိုင်တာကနေတပ်သားသေမလိုဖြစ်ချိန်မှာ ညွှန်ကြားလွှာအသစ်က သတိနှင့်ချဉ်းကပ်ပါပေါ့။ ဒါနဲ့ဟိုကနောက်သလိုလုပ်ပြီး ဘက်ထရီနဲ့ ကက်ဆက်ထားခဲ့ရင်တောင် မကပ်ရဲဘဲ အဆင့်ဆင့်သတင်းပို့လာရပါတယ်။ အကျိုးဆက်က သူတို့ကို ဆန့်ကျင်တဲ့ ပိုစတာတွေကို အလွယ်တကူမဖြုတ်နိုင်တော့တာပါ။

တတိယက ထရုန်းကိစ္စပါ။ PDF အချို့က ထရုန်းကို တင်ပါတယ်။ ဒါနဲ့တပ်ထဲမှာ ဒီဟာကဘာအမျိုးအစား ဘယ်လိုတုန့်ပြန်ဖို့ပြင်ပါ ဘာညာညွှန်ကြားပြန်ပါတယ်။ ထရုန်းကို ဖျက်တဲ့jammer က ကင်းစခန်းတိုင်းကို မပေးနိုင်ပါ။ အောက်ခြေကတပ်တွေ စ မြွေဖမ်းပါတယ်။နောက်အထူးသဖြင့် ရန်ကုန် မန္တလေးက ဗျူဟာမှူးတွေကြောက်သွားတာက ရန်ကုန်မှာ စစ်ကားရပ်နေချိန် ထရုန်းက ဗုံပစ်မချဘဲ ဝင်ဝုန်းရင် ဘာလုပ်ရမလဲဆိုတာပါ။ ရန်သူက ထရုန်းပေါ်က ပစ်ချရင် ပစ်မှတ်မတည့်နိုင်ပေမယ့် ကားပေါ်တည့်တည့်ကို ထရုန်းနဲ့ ဝင်ဝုန်းရင် ငါတို့ဘာလုပ်ရမလဲဆိုတာ သူတို့စဉ်းစားနေကြရပါပြီ။ လောလောဆယ်က မြန်မာ့နည်း မြန်မာ့ဟန်နဲ့ ကောင်းကင်ကိုကြည့်ပြီး သေနတ်နဲ့ပစ်ချဖို့ ဆုံးဖြတ်ထားကြပါတယ်😀။

ယခင်က ကင်းလှည့်ရင် အရပ်လေးမျက်နှာနဲ့ အောက်ကဗုံးကို ကြည့်နေရက ယခုက အပေါ်က ကောင်းကင်ကိုပါ ကြည့်နေရပါပြီ။ ဆန္ဒပြပိုစတာကိုလဲ Danger အန္တရာယ်ရှိသည် မကိုင်ရဆိုရင်လဲ မကိုင်ဘဲ အထက်ကိုတင်ပြဖို့ လုပ်လာနေရပါပြီ။ နောက် ဆန္ဒပြပွဲနှိမ်နင်းဖို့သွားရင်း လမ်းမှာတစ်ခုခုဖြစ်ခဲ့ရင် နောက်ညွှန်ကြားချက် ထပ်ထွက်အုံးမှာပါ။ အဆိုပါ မအလတပ်ဖွဲ့ဝင်တွေရဲ့ စိတ်ပိုင်းဆိုင်ရာ အခြေအနေက ရေရှည်မှာ တောင့်ခံနိုင်မလားဆိုတာပါ။သေချာတာက သူတို့ဟာ အဝိုင်းခံထားရသလို ဖြစ်နေပါပြီ။