top of page
Search
  • Writer's pictureMyat Tun Oo

ဖက်ဆစ်စနစ်ကို ဘယ်လိုတွန်းလှန်မလဲ?


မအလဖက်ဆစ်တပ်ဟာ စစ်ပွဲနိုင်ဖို့ ဖြတ်လေးဖြတ်ကို အခြေခံပါတယ်။ ဒါတွေဟာ စစ်ရာဇဝတ်မှုကိုကျူးလွန်တာပါ။ နောက်သူ့ရဲ့ အဓိကဗျူဟာက ရန်သူ့စခန်းကို အဝေးက အမြောက်နဲ့ပစ် ဗုံးကြဲပြီးမှသိမ်းတာပါ။ သူက လက်နက်အင်အားသာတယ်ပေါ့။ ဒါ့ကြောင့် သူ့ဖက်ဆစ်တပ်ကို အနီးကပ်ခြုံခိုတိုက်ရင် သူ့စခန်းကို အလစ်အငိုက်ဝင်တိုက်ရင်တော့ အောက်ခြေတပ်က စိတ်ဓာတ်မခိုင်လို့ အများစုက ထွက်ပြေးပါတယ်။ ဖက်ဆစ်တပ်ရဲ့ နည်းဗျူဟာတွေကို ဘယ်လို တုန့်ပြန်မလဲ?


ပထမ ဝ ကိုကြည့်ပါ။ သူ့မှာ တာဝေးပစ်အမြောက်ရှိသလို လေယဉ်ပစ်အမြောက်လဲရှိပါတယ်။ ဒါတွေဟာ ပုံမှန်မအလဖက်ဆစ်လေယဉ်အများစုကို ဟန့်တားနိုင်ပါတယ်။ နောက်ဆုံးဝယ်ထားတဲ့ SU30 ရောက်လာရင်တော့ မပြောတတ်ပါ။ ဝက အဆိုပါလက်နက်တွေကို ဘယ်ကရလဲဆိုတော့ တရုတ်နိုင်ငံကပါ။ တရားဝင်ရတာလား မှောင်ခိုစျေးကွက်ကလားတော့ မသိပါ။ လောလောဆယ်အထိတော့ မအလဖက်ဆစ်တပ်က မတိုက်ရဲအောင် ဝက ထိန်းထားနိုင်တာက လက်တွေ့ပါ။ သူ့လိုဖြစ်ချင်ရင် သူ့ကဲ့သို့လက်နက်လိုပါတယ်။ အမေရိကန်နဲ့ ယူကေက အပြောမဟုတ်ဘဲ လက်တွေ့မှာ KIA နဲ့ KNU ကို ခုခံစစ်လေယဉ်ပစ်လက်နက် SAM တွေ ထောက်ပံ့ပေးဖို့လိုပါတယ်။


ဒီလိုမလုပ်နိုင်ရင် ဘယ်လိုဆက်လုပ်မလဲ? ဒုတိယနည်းက ရခိုင်မှာ ခံချပုံကိုလေ့လာသင့်ပါတယ်။ AA ဟာ ၂၀၁၄ နောက်ပိုင်း စနစ်တကျ ရခိုင်မှာ ခြေကုပ်ရအောင် ထောက်ပို့လမ်းကြောင်းတွေ ထူထောင်ပြီးတော်လှန်ရေးလုပ်နိုင်ခဲ့ပါတယ်။ ဖက်ဆစ်တပ်ဟာ သူ့ကိုလာတိုက်ရင် ရခိုင်ရွာတွေကို တုန့်ပြန်ပစ်ခတ်ပြီး AA ကို ဖိအားပေးပါတယ်။ သူ့လူမျိုးက အိမ်ပစ်ပြေးပေမယ့် AA ကို ဆက်ထောက်ခံပြီး မအလကိုခံချပါတယ်။ ကြာတော့ မအလဖက်ဆစ်တပ်မှာ အကျအဆုံးများလာပါတယ်။ နောက်ဆုံး ဆက်ပြီးစစ်ဖြစ်နေရင် သူအာဏာသိမ်းချိန်နဲ့ ငြိလာနိုင်လို့ အမြန်အပစ်ရပ်ရပါတယ်။ ယခုအချိန်မှာ မအလ ဗိုက်နာနေပြီး AA ကသာ စိန်ခေါ်တောင်းဆိုရင် သူအလျှော့ပေးရမှာပါ။

ယခုစာရေးသူတို့အနေနဲ့ ရွာတွေကနေ ခံတိုက်တဲ့အခါမှာ မအလဖက်ဆစ်တပ်ရဲ့ အဓိကဗျူဟာက အဲ့ဒီသူတို့ကိုတိုက်တဲ့ ရွာအနီးနားက လူတွေကို ဖမ်း၊ ရွာမီးရှို့၊ ခိုး၊ ဓားမြတိုက်တာပါ။ ဒါဆိုရင် လူတွေကြောက်ပြီး သူတို့ရွာမှာ သူပုန်အကပ်မခံဘူးဆိုတဲ့ ဗျူဟာပါ။ မအလ မတွေးမိတာက သူ့ကို တစ်ရွာလုံးကမုန်းပြီး ခံချချင်နေတာပါ။ လက်နက်မရှိတာကသာ ပြဿနာပါ။ ဒါ့ကြောင့် မအလဖက်ဆစ်တပ်ကို ခံချနေတဲ့ နေရာတွေကို လက်နက်ရိက္ခာ ဘယ်လိုထောက်ပံ့မလဲ စစ်ဘေးရှောင်ကို ရခိုင်မှာလို ပြည်မက ဘယ်လိုကူညီနိုင်အောင်လုပ်မလဲ ပြင်ဆင်ထားကြရပါမယ်။ စာရေးသူအနေနဲ့ NUG အတွက်ဘယ်ဒေသဟာ လွတ်မြောက်နေမြေ ဖြစ်လာနိုင်သလဲဆိုတဲ့ မဟာဗျူဟာစာတမ်းကို NUG က ဝန်ကြီးတစ်ပါးထံ ပို့ပြီးပါပြီ။ နည်းဗျူဟာကတော့ သူတို့ဖာသာ စွဲဖို့ပါ။


ယခုအချိန်မှာ တိုင်းရင်းသားအားလုံး တစ်ညီတစ်ညွတ်ထဲသာ ဝိုင်းတိုက်ကြရင် မအလဖက်ဆစ်ဟာ ကုလမလိုဘဲ ပြုတ်ကျမှာပါ။ မင်းတပ်ကို AA က ကူညီရင် AA က ပလက်ဝကို ထိန်းချုပ်နိုင်ပါမယ်။ မအလကို တိုက်ထုတ်ဖို့ အချင်းချင်း ကူညီကြပါ။ ပြည်သူတွေလဲ ဖက်ဆစ်တပ်ရဲ့ နှိပ်ကွပ်မှုကို ရေတိုမှာ ခံရမှာဖြစ်ပေမယ့် ရေရှည်ကောင်းစားဖို့အတွက် ရေတိုပေးဆပ်ကြပါလို့သာ ပြောပါရစေ။ လက်ရှိမှာတော့ ပြည်သူ့စစ်ဗျူဟာနဲ့သာ ရန်သူ့စခန်းဝင်တိုက် အထိနာအောင် လုပ်ရမှာပါ။ ရန်သူဟာအကျအဆုံးများလာရင် သွေးပျက်လာမှာပါလို့ ပြောပါရစေ။

76 views1 comment
bottom of page