ပြည်သူသာအဓိကဆိုတာကိုပြသောမြို့

ကိုဗစ်စဖြစ်တော့ DASSK က ပြည်သူသာအဓိကလို့ မိန့်ခွန်းမှာ ထည့်ပြောသွားခဲ့ပါတယ်။ ဒါပေမယ့် ဒါကဘယ်လိုဖြစ်မယ်ဆိုတာ သေချာ နားမလည်ခဲ့ပါ။

နောက် Q စခန်းတွေစလုပ်တယ်။ စာရေးသူရဲ့နောက်ခံအရ တပ်စခန်းတွေမှာများ ထားမလားပေါ့။ အဘကလဲ ပြင်ခိုင်းပြီးသားပါ။ ဒါပေမယ့် အရပ်သားအစိုးရက စခန်းတွေဖွင့်တယ်။ ပြည်သူတွေက ဝိုင်းလှူ ဝိုင်းကူတယ်။ Q တွေမှာလဲ အိမ်ချစ်တို့ ဘာတို့ အနုပညာရှင်တွေက လိုက်ဖျော်ဖြေတယ်။ ဆေးကျောင်းသားလေးတွေက ဝိုင်းကူသလို ဝင်လဲ ဖျော်ဖြေတယ်။

ဒီနေရာမှာ ကရင်ကတက္ကသိုလ်လား မွန်လားမသိ။ သမဂ္ဂက နယ်စပ်ကပြန်လာသူတွေကို ကူဖို့သွားတယ်။ နောက်အစိုးရက လက်လုပ်လက်စားတွေကို ရိက္ခာဝေမယ်။ ဒါက ထောက်ပို့ကွန်ရက်လိုတယ်။နောက်ဝေရင် လူလိုတယ်။ အစိုးရမှာ လုပ်သားအင်အားအတွက် ပေးဖို့ငွေမရှိဘူး။ ဒီမှာ လုပ်အားပေးတွေက ဝိုင်းကူကြတယ်။

မနေ့က DVB debate မှာ လွှတ်တော်အမတ်ရယ်၊ မောင်မောင်ဖောင်တိန်ရယ်၊ သင်ဇာဖွတ်လဲ့ရည်ရယ်ကြည့်လိုက်ရတယ်။ သူမကို ဘာလို့ DVB က ဖိတ်သည်မသိပါ။ DVB မစခင်ကထဲက အိမ်ကမိန်းမကိုသူမက စစ်ပွဲရပ်ပြောတော့မယ် နင်မယုံရင်နားထောင်ဆိုတာ ထင်တဲ့အတိုင်း တကယ်ပြောပါတယ်။ သူ့ကို ပြည်သူ့အဖွဲ့အစည်းများကွန်ရက်က ခေါင်းဆောင်သဘောမျိုးမေးတာပါ။ သူမက အစိုးရအနေနဲ့သူတို့အဖွဲ့တွေကို မိတ်ဖက်လို့သဘောထားပြီး အကူအညီတောင်းပါဘာညာနဲ့ ပြောပါတယ်။ သူမအဖွဲ့က ဘာမှ အစိုးရကို အကူအညီမပေးပါ။ အခြား အစိုးရကို ဝေဖန်လေ့ရှိတဲ့ ရန်ကုန်ကျောင်းသားသမဂ္ဂဆိုလဲ ရှာမတွေ့ပါ။

သင်ဇာဖွတ်လဲ့ရည်တို့ပြောသမျှတွေက နိုင်ငံခြားအကြိုက်ပါ။ ဒါပေမယ့် သူတို့ဟာ အစိုးရရဲ့ လုပ်ငန်းတွေကို ဘေးထိုင်ဘုပြောပြီး ဘာမှ ဝင်မလုပ်ပါ။ ဒါကို အောင်လံမြို့က လုပ်နေသူ လုပ်အားပေးများနဲ့နှိုင်းယှဉ်ပြပါမယ်။ သူ့နာမည်က ဦးစိုးမြင့်အေးပါ။ အောင်လံမှာ Q နေရာတွေကို ထမင်းဝေ၊ လိုအပ်တာတွေ လိုက်လုပ်ပေးပါတယ်။ လူတွေကို ပညာပေးပါတယ်။ သူ့တို့လိုလူမျိုးက တကယ့်ပြည်သူတွေပါ။ DVB က နေရာပေးပြီး debate မှာ မမေးပါ။ ဒါတင်လားဆိုတော့ အောင်လံမှာ မြို့နယ်ဆရာဝန်ကြီး၊ရဲ၊ လွှတ်တော်ကိုယ်စားလှယ်တွေပေါင်းပြီး ပြည်သူအချင်းချင်း အိမ်ပြင်မထွက်ဖို့ ပညာပေးတာ၊နှာခေါင်းစည်းတပ်ဖို့ ပညာပေးတာတွေ လုပ်ကြပါတယ်။ သူတို့က ဟောပြောစည်းရုံးသလို လိုအပ်ရင်စွဲစိဖို့ ထောင်ကားလဲ ပြင်ထားပါတယ်။ မြန်မာ့လူနေမှုစရိုက်ကို တကယ်သိသူများပါ။

ဒီနေရာမှာ အောင်လံက လုပ်အားပေးပြည်သူတွေဟာ အစိုးရက သေနတ်ထောက်ခိုင်းတာမဟုတ်သလိုနိုင်ငံခြားရဲ့ ထောက်ပံ့ခံ NGO လဲ မဟုတ်ပါ။ ကိုယ့်ထမင်း ကိုယ်စားပါ။

ဒါဆိုသူတို့က ဘာကြောင့် သင်ဇာဖွတ်လဲ့ရည်တို့လို အာမခြောင်ဘဲ လက်တွေ့ကူညီနေလဲ။ သူတို့ကပြည်သူတွေမိုလို့ပါ။ သူတို့အသိနဲ့ သူတို့လုပ်နေတာပါ။ ဒါကြောင့် ပြည်သူသာအဓိကလို့ ပြောတာပါ။

Credit: DVB debate, Soe Myint Aung