ပြည်သူတွေက ဒေးဗစ်လားကို ဘာလုပ်စေလိုလဲ စစ်တမ်းရလာဒ်

စာရေးသူစစ်တမ်းကောက်ရာမှာ သိပ္ပံနည်းကျတော့ မဟုတ်ပါ။ စာရေးသူရဲ့ စစ်တမ်းကို ဖြည့်ပေးသူများကို ကျေးဇူးပါ။ စာရေးသူကောက်ရတဲ့ ရည်ရွယ်ချက်က သာမန်လူတွေရဲ့ ဆန္ဒသဘောထားကိုသိချင်လို့ပါ။

ဒီကိစ္စမတိုင်ခင်က ဒေးဗစ်လားကို ဘယ်သူမှန်းလဲမသိ စိတ်လဲမဝင်စားပါ။ ယခုကိစ္စအပြီးမှသာ သူဘယ်သူလဲသိလာတာပါ။

ဒီကိစ္စဟာ ဘာသာရေးနဲ့ ဘာမှမဆိုင်ပါ။ တရားဥပဒေစိုးမိုးရေးနဲ့ သာတူညီမျှရှိရေးသာပါ။

စာဖတ်သူများထံက အင်မတန်ကောင်းတဲ့ အကြံဉာဏ်များလဲ ရခဲ့ပါတယ်။ ဥပမာ သူ့ထံကရောဂါကူးသူတွေအတွက် ဆေးစစ်ခ ပြန်တောင်းတာမျိုးပေါ့။

စာရေးသူရဲ့စစ်တမ်းကို လူ ၁၅၃၈ ယောက်ကဖြေကြားခဲ့ပါတယ်။

အများစု ၅၂% က သူ့ကို နိုင်ငံခြားသားဖြစ်ပါက ပြည်နှင်ဒဏ်ပေးဖို့ကို ရွေးချယ်ခဲ့ကြပါတယ်။

နောက် ၄၆.၄% က လက်ရှိစွဲထားတဲ့ ပုဒ်မအရသာ ဆက်စွဲဖို့ မဲပေးခဲ့ကြပါတယ်။

အနည်းစု ၁.၆% ကသာ ပုဒ်မပြောင်းပြီး ကျန်းမာရေးဥပဒေနဲ့ အရေးယူတာကို ထောက်ခံခဲ့ပါတယ်။